2013
omesiungel a klechad
September 2013

Klumech er a Oldingel e Olisechakl, Ongetiu el Buil 2013

Omesiungel a Klechad

Moluluuch e mosuub er tia el klumech, e a di lungil, e msodii lobengterir a rodos el moldingel er tir. Mousbech aikel ker el smisicheterir a rodos e dirrek el rullii a Relief Society meng mo klou a belkul er a klengar kau. A lmuut el bebil er a omesodel, e bo er a reliefsociety.lds.org.

siasing/Llecheklel
Olangch er a Relief Society

Klaumerang, Telungalek, Ngeso

A siungel a klechad a sel duch, telbiil, me a blakelreng el mesiou el kirel a chedaol klengar me a di klechad er kid me a telungalek er kid.1

Sel dosuub e doltirakl a osisechakl er a siungel a klechad er a rekelblid me a buai, eng morngii a techelled lomekerreu er a remechebuul me a rekosekodel e ngosuterir a rebebil el mo di tir el mesiou a klechad er tir me luchul el sebechir lotekangel aikel taem er a ongarm el duubech.

Kede oba techall me a ngerachel lousbech er sel mimokl el melilt el mo di kid el mesiou a chedaol klengar kid me a kuk di klechad er kid. Sel dosaod el kirel a siungel a chedaol klengar kid me a ultiled er a Chedam er a Babeluades, ea Elder Robert D. Hales er a Chelechad er a Teruich me a Terung el Apostol a ulsisechakl el kmo: “Kede merael mo obult e mo di kid el mesiou er a chedaol klengar kid sel doluluuch e doltirakl a telbieled—lokiu omeliul a sacrament, klikiid el klengar el mo nguu a babier er a mo soiseb er a templo, me a mo chuarm el mesiou er a rebebil.”2

A Elder Hales a milellach er kid el mo di kid el mesiou er a klechad er kid, “luldimukl a tekoi er a skuul me a omesuub er a daingak malechub a omesuub el morngii a duch er kid, mesuub loureor, e kiei lultuil er a kerkerenged. Sel dongereoid er kid er a blals e dongereomel a udoud, e kede mo kldmokl el kirel a mui lomesiou er a chelsel a Ikelesia er a chelsel a rak el merael mei. A moktek er a siungel a klechad me a chedaol klengar kid a mo uchul e kede ngoriakl el mo er bab me bol sebeched el kuk mesebechakl er a rebebil.”3

Ngara Chedaol Llechukl

Mateus 25:1–13; 1 Timoti 5:8; Alma 34:27–28; Doctrine and Covenants 44:6; 58:26–29; 88:118

Ngara Reksi er Kid

Uriul er a Ruriul-klebesei el Santo er a le mekideb er a Salt Lake Valley, el ngii a mle cheloit el basio, ea President Brigham Young a mle soal tir a bol mesisiich e lekedmokl a delengcheklir. Ng belkul a kmo a Resanto a mle kirir el mesuub el morngii a duch er tir me luchul e dil tir el mesiou a klengar tir. Ngultuil er tiaikid, ea President Young a mlo mui loumerang el kirel aikel sebechir, duch er tir, klaumerang, me a blakelreng er tirkel redil, e ngii a millisiich er tir er a kakerous el ngerachel er a klechad. Ng uaisei el ngerachel er a rodos er a Relief Society a kuk ngodech er chelechal sils, eng di a osisechakl a melemolem losisiu.

  1. Mosuub el mo soam loureor e lak mesaik.

  2. Bol ngarngii er a rengum el mo chuarm.

  3. Kongei er a ngerachel el kirel a chedaol klisiich, siungel a bedengem, skuul, ureor, tekoi er udoud, kall, me a lmuut el bebil er a usbechellel a klengar.

  4. Moluluuch el kirel a klaumerang me a blakelreng el kirel olibesongel el duubech.

  5. Molisiich er a rebebil el tir ousbech a ngeso.4

© 2013 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/13. Kengei er a oidel: 6/13. Oidel a Visiting Teaching Message, September 2013. Palauan. 10669 881

Uleklatk

  1. Mesa Handbook 2: Administering the Church (2010), 6.1.1.

  2. Robert D. Hales, “Coming to Ourselves: The Sacrament, the Temple, and Sacrifice in Service,” Liahona me a Ensign, May 2012, 34.

  3. Robert D. Hales, “Coming to Ourselves,” 36.

  4. Mesa Rengalek el Redil er a Rengedek: Reksi me a Urerel a Relief Society (2011), 51.

Ngera Sebechek el Rulii?

  1. Ak mekera e ngosuterir a rodos el kuldingel er tir el metik a nger el kirel a usbechellel a klechad me a chedaol klengar tir?

  2. Ngak ak melisiich er a siungel a chedaol klengar ngak lokiu a kedmeklek el kirel a sakrament e mo chuarm el ngara omesiou?

Print