2013
Tumunu Pwisin
September 2013

Poraus seni Fefin Chon Amwa, September 2013

Tumunu Pwisin

Kopwe anneani ekkei mettoch iwe, nupwen mi och, kopwe aporausa ren ekkewe fefin ka churir. Kopwe aea ekkewe kapas eis ne anisuk ne apochokuna ekkewe fefin ka churir me pwan aochu manauom ren aean Fin Anisi. Ren pwan ekkis poraus, kopwe nengeni reliefsociety.lds.org.

Sasing
Apungan Fin Anisi

Nuku, Famini, Aninis

Tumunu pwisin mi ewe tufichin, pwonen, me angangen awora fan itach me chon ach famini non pekin ngun me non pekin inis.1

Nupwen sia kaeo me aea ekkewe nongonongen tumunu pwisin non imwach me neniach, a wor tufichin tumunu ekkewe ir mi osupwang me ir mi namwot aninis me sipwe anisi ekkoch pwe repwe tongeni pwisin tumunur pwe repwe tongeni nikitu non fansoun weires.

Sia tufichin me wisen aea ach pungun finata pwe sipwe tumunu pwisin non pekin ngun me non pekin inis. Non an kapas usun tumunu pwisin non pekin ngun me ach anongonong won Semach won Nang, Elter Robert D. Hales seni ewe Mwichen Engon me Ruemon Aposel a aiti: “Sia ekkesiwin me sia tumunu pwisin non pekin ngun nupwen sia manaueni ach—kewe pwon fiti iotek me ren ach angei ewe sakrament non nimenimoch, ach sipwe nimenimoch pwe sipwe angei taropwen mumuta non tempel, me asor ach sipwe angang ngeni ekkoch.”2

Elter Hales a kapasen aurour ngenikich pwe sipwe tumunu pwisin non pekin inis, “minne a wewen sipwe fiti sukun are kaeo och sokkun angang, me sipwe manau ren met mi tufich rech. Ren ach sisap niwinimmang me sia isoni ach moni iei, sia ammonata ren angang non Mwichefen non fansoun mwach. Ewe popun tumunu pwisin non pekin inis me non pekin ngun ina pwe sipwe tongeni tori neni asan pwe sipwe tongeni ekieta ekkewe ir mi namwot aninis.”3

Seni ekkewe Pukfel

Matthew 25:1–13; 1 Timothy 5:8; Alma 34:27–28; Doctrine and Covenants 44:6; 58:26–29; 88:118

Seni Ach Uruo

Mwirin ekkewe Souneng ra chufengen non ewe Salt Lake Valley, minne mi eu fonu pon, Preseten Brigham Young a mochen pwe repwe fefeita me repwe fori imwer. Ei a wewen pwe ekkewe Souneng repwe kaeo mettoch minne epwe atufichi ngenir pwe repwe tongeni tumunur pwisin. Non ei angang, Preseten Young a fakkun epinukunuk non tufichin, angochun, nuku, me netipen ekkewe fefein, me a pesei ngenir non ekkoch sokkun angang. Iwe ekkewe wisen chon Fin Anisi mi sokkono ikenai, ekkewe nongonong mi chok nonnofengen:

  1. Kaeo ne tongei angang me kosap chipwang.

  2. Kaeo ngunun pwisin fangeno.

  3. Etiwa wis fan iten pochokunen ngun, inis, sukkun, angang, moni, mongo, me pwan ekkoch mettoch mi namwot pwe kopwe manau.

  4. Iotek ren nuku me pwara ne pworacho ngeni osukosuk.

  5. Apochokuna ekkoch mi namwot aninis.4

© 2013 seni Intellectual Reserve, Inc. Meinisin pung mi kawor. A för non Amerika. Kapungunon non fosun Merika: 6/13. Kapungunon chiakun: 6/13. Chiakun Visiting Teaching Message, September 2013. Chuukese 10669 901

Esinesin

  1. Nengeni Handbook 2: Administering the Church (2010), 6.1.1.

  2. Robert D. Hales, “Coming to Ourselves: The Sacrament, the Temple, and Sacrifice in Service,” Liahona me Ensign, May 2012, 34.

  3. Robert D. Hales, “Coming to Ourselves,” 36.

  4. Nengeni Daughters in My Kingdom: The History and Work of Relief Society (2011), 51.

Met Ua Tongeni Fori?

  1. Ifa usun ua anisi ekkewe fefin ua mammasa pwe repwe kuna aninis mi namwot non pekin inis me non pekin ngun?

  2. Ngang ua awatteno ai tumunu pwisin non pekin ngun me ren ai ammoanta ren ewe sakrament me asor ai upwe angang?

Printini