Etop eke visiting Teaching, Ofiong Usukiet, ke isua 2013

Edida-ke-Idem

Bong akam kpeb nkpo emi ndien, nte odotde, nneme emi ye mme ndito eka iban emi mbufo ekesede mmo. Da mme mbume ndinwam fi osongo mme ndito eka iban mbufo idem nnyung nam mboho Nka Iban enyene eti idaha ke uwem mbufo. Ke oyomde ndifiok awak, ka ke reliefsociety.lds.org.

Mbuotidem, Ufok – Idung, Unwam

Edida-ke-idem edi ukeme, iwuk, ye nsin-ifik ndinam mmo spirit ye idem nnyin ye eke mbio ufok idung nnyin enyene nsongidem.¹

Nte nnyin ikpebde inyung isin mme ukpebukpo eke edida-ke-idem emi ke mme ufok ye obio nnyin, nnyin idinyene mme ufang ndise mme ubuene ye mbio unana enyin ndien inwam mbio efen ndikabade nda-ke-idem man mmo ekeme ndiyo mme ini idomo.

Nnyin imenyene unen ye utom ndimek ndikabare nda-ke-idem ke spirit ye ke idem nnyin. Nditing mbanga ndida-ke-idem ke Abasi dian nnyin ndibere idem ye Ete ke Heaven, Elder Robert D. Hales eke Eboho Mme Mbet Duopeba ama ekpeb ete: nnyin imikabade esit inyung ida-ke-idem ke Abasi nte nnyin itimde inam mme ediomo nnyin — ke ndidia sacrament ke eti esit, ke ndidot ndibo temple recommend, ye ke ndiwa idem man inwam mbio efen.”²

Elder Hales ama eteme nnyin ete ikabade ida-ke-idem nnyin, “emi edide ndika ufoknwed nsim ufoknwed ntaifiok mme ndikpeb ubok utom, ndikpeb ndinam utom nyung ndu uwem ntiene idaha ukeme nnyin. Ke nditre ndikama ison dian ye ndinyene nnim nno idem okuk, nnyin imebenge idem ino ndinam utom ufok Abasi ofuri-ini ke mme isua emi edide ke iso. Ntak nnyin ndida-ke-idem ke Abasi ye ke idem nnyin edi man nnyin idok isim ndaha ebiet eke okponde man otodo nnyin ikeme ndimenede mbio efen ekedude ke unana.”³

Emi oto ke mme Nwed Abasi

Matthew 25:1–13; 1 Timothy 5:8; Alma 34:27–28; Doctrine ye Covenants 44:6; 58:26–29; 88:118

Emi oto Mbuk Eset Nnyin

Kini mme Latter-day Saints ema ekebogho ke Salt Lake Valley ekure, ebiet emi ekedide ukpok, president Brigham Young okoyom mmo ete efioro eyoho isong enyung ebop ufok idung mmo. Emi okoworo ete mme Saints ekenyene ndikpeb ifiok ubok utom emi edinwamde mmo ndikabade nda-ke-idem mmo. Ke usung emi, President Young ama enyene akamba mbuotidem ke mme ukeme, eno, akpaniko, ye unyime eke mme iban, ndien enye eteme mmo nditim nsiak ubiong utom nnam idem mmo. Sia ata ubiong utom eke ndito eka iban Relief Society ke ediwak ini esikpuhode mfin emi, mme akpan ukpeb oro osuk edi ukem:

1. Kpeb ndima utom nyung kpong ndifu ifu.

2. Nyene Spirit ndiwa idem nnwam owo.

3. Nyime ke mbufo enyene ubiong utom ndikori ke Abasi, ke ndinyene nsong idem, ndika ufoknwed, ndinyene utom, ndinwana nyene okuk, ndinyene udia, ye mme nkpo efen eke edinamde man uwem aka iso ono idem mbufo.

4. Bong akam yom mbuotidem ye ukeme ndiyo mme unana emi.

5. Songo owo efen idem ekeyomde unwam.⁴

© 2013Intellectual Reserve, Inc.Emenim kpukpru unen. Ekeming ke USA. Enyimme eming ke Iko Mbakara: 6/13 Enyimme Ndikabare: 6/13 Ndikabare eke Visiting Teaching Message, September 2013. Efik. 10669 553

Nkpri Nwed

1. Kese Handbook 2:Nte Enamde Nkpo ke Ufok Abasi (2010), 6.1.1.

2. Robert D. Hales, “Ndidi mbine Idem Nnyin: Sacrament, Temple, ye Nwaidem ke utom Unwam, Liahona ye “Ensign, Ofiong Ition isua 2012, 34.

3. Robert D. Hales, “Ndidi mbine Idem Nnyin, “36.

4. Kese ke mme Ndito Iban ke Ubong mmi: Mbuk Eset ye utom Nka Iban eke Ufok Abasi eke isua (2011), 51.

Nso ke Ami Mkpenam?

1. Didie ke ami nnwam ndito eka iban eke ami nsede enyin enyene iboro eno unama mmo ke ikpokidem ye spirit?

2. Nte Ami mmenam ndida-ke-idem mi ke Abasi okpon ke ndienge idem mbanga sacrament ye ke ndiwa idem man nnwam owo efen?