Agtutubo
Ti Sagut ni Jen
Agnaed ti nagsurat iti Utah, USA.
Nakaaramidak iti adu a biddut a pili idi addaak iti maikadua a tawen ti haiskul. Dagidiay a pili ti nangiturong iti narikut a nagbanagan ken kinaliday, ket inkeddengko nga usaren ti bakasionko iti kalgaw tapno mangrugiak nga agaramid kadagiti panagbalbaliw. Idi nangrugi manen ti panageskuela, nanganak iti pangngaldaw iti tugaw ti maysa a pagdigusan wenno iti saan a mapagpagnaan a hallway tapno maliklikak ti madi a pannakilangen nga agur-uray kaniak iti panagsublik.
Diak kaano man narikna idi nga agmaymaysaak.
Kalpasanna inikkannak ti Dios iti maysa a sagut: Imbaonna kaniak ni Jen. Dinak pulos hinusgaan ni Jen kadagiti biddutko ngem ketdi pinaregtanak nga agaramid kadagiti banag nga ammok a rumbeng. Iti panangammok nga adda ni Jen iti eskuela a nangtulong kaniak a mangituloy nga agbasa kadagiti nasantuan a kasuratan ken mangpatibker iti pammaneknekko. Idi dumteng ti panawen ti panagturpos, napaneknekak iti bagik a nagkumitak nga agbalbaliw.
No dadduma pampanunotek nga ania ngata koma ti nagbalinak no dinak tinulongan ni Jen. Nakapagbiagak ngata koma a mayannurot kadagiti prinsipiok no awan isuna? Naggasat ta diakto kaano man maammuan gapu ta adda isuna idi sadiay a sipupuso, a sidadaan ken sitatallugod a tumulong kaniak.