2013
Ti Nadiosan a Mision ni Jesucristo: Namarsua
October 2013

Mensahe iti Visiting Teaching, oktubre 2013

Ti Nadiosan a Mision ni Jesucristo: Namarsua

Sikakararag nga adalenyo daytoy a material ken, no maitutop, ilawlawagyo daytoy kadagiti kakabsat a babbai a sarungkaranyo. Usarenyo dagiti saludsod a mangtulong kadakayo a mangpapigsa kadagiti kakabsatyo a babbai ken mangaramid iti Relief Society nga aktibo a paset ti bukodyo a biag. Para iti mainayon nga impormasion mapan iti reliefsociety.lds.org.

Pammati, Pamilia,Tulong

Ni Jesucristo “pinarsua[na] dagiti langit ken ti daga” (3 Nephi 9:15). Inaramidna dagitoy babaen ti bileg ti priesthood, babaen ti panangiturong ti Nailangitan nga Amatayo (kitaen iti Moises 1:33).

“Anian a panagyamantayo koma ta pinarsua ti masirib a Namarsua ti daga ket inkabilnatayo ditoy,” kinuna ni Presidente Thomas S. Monson, “… tapno mapadasantayo ti panawen ti pannakasubok, maysa a gundaway a pakasubokan ti bagbagitayo tapno maikari iti amin nga insaganan ti Dios nga awatentayo.”1 No usarentayo ti kinawayatayo nga agpili nga agtungpal kadagiti bilin ti Dios ken agbabawi, agbalintayo a maikari nga agsubli a makipagtaeng Kenkuana.

Maipapan iti Panagparsua, ni Presidente Dieter F. Uchtdorf, Maikadua a Mammagbaga iti Umuna a Panguluen, kinunana:

“Datayo ti gapu ti nangparsuaanna iti lubong! …

“Daytoy ti paradox ti tao: no maidilig iti Dios, awan ti pateg ti tao; ngem datayo ti kapatgan iti Dios.”2 Iti panangammo a pinarsua ni Jesucristo ti daga para kadatayo gapu ta kaipapananna kadatayo nga amin a banag iti Nailangitan nga Ama ket makatulong kadatayo a mangpadakkel iti ayattayo para Kadakuada.

Manipud kadagiti Nasantuan a Kasuratan

Juan 1:3; Hebreo 1:1–2; Mosiah 3:8; Moises 1:30–33, 35–39; Abraham 3:24–25

Manipud iti Pakasaritaantayo

Naparsuatayo iti ladawan ti Dios (kitaen iti Moises 2:26–27), ken addaantayo iti nadiosan a potensial wenno mabalin a pagbalinan. Binalakadan ni Propeta Joseph Smith dagiti kakabsat iti Relief Society nga “agbiagda a nasayaat a mayannurot iti karbengan[da].”3 Babaen dayta a pammaregta kas maysa a pundasion, nasuruanen dagiti kakabsat a babbai iti Simbaan ni Jesucristo dagiti Santo iti Ud-udina nga Aldaw nga agbiagda a nasayaat a mayannurot iti nadiosan a potensialda babaen ti panangipatungpalda kadagiti panggep ti Dios para kadakuada. “Bayat ti pannakaawatda no asinoda a talaga—annak a babbai ti Dios, nga addaan iti kadawyan a kabaelan a mangipateg ken mangtaraon—maragpatda ti potensialda kas nasantuan a babbai.”4

“Naikabilkayo itan iti kasasaad a mabalinyo ti agtignay a mayannurot kadagiti panangngaasi nga immula ti Dios kadagiti barukongyo,” kinuna ni Propeta Joseph Smith. “No agbiagkayo a mayannurot kadagitoy a pagbatayan anian a nagindaklan ken nagdayag!—no agbiagkayo a nasayaat a mayannurot kadagiti karbenganyo, saan a mapengdan dagiti anghel iti panangkadkaduada kadakayo.”5

© 2013 ti Intellectual Reserve, Inc. Nailatang amin a karbengan. Naimaldit iti EUA. Pannakaanamongna iti Ingles: 6/13. Pannakaanamongna a maipatarus: 6/13. Pannaakaipatarus ti Visiting Teaching Message, October 2013. Ilokano. 10670 864

Dagiti Nagadawan

  1. Thomas S. Monson, “The Race of Life,” Liahona, Mayo 2012, 91.

  2. Dieter F. Uchtdorf, “You Matter to Him,” Liahona, Nob. 2011, 20.

  3. Joseph Fielding Smith, iti Daughters in My Kingdom: The History and Work of Relief Society (2011), 171.

  4. Daughters in My Kingdom, 171.

  5. Joseph Smith, iti Daughters in My Kingdom, 169.

Ania ti Maaramidko?

  1. Kasano a mangpadakkel iti ayattayo para iti Mangisalakan ti pannakaawattayo iti nadiosan a kababalintayo?

  2. Kasano a maipakitatayo ti panagyamantayo kadagiti pinarsua ti Dios?

Iprenta