Iwaad
Eno eke Jen
Andiwet odung ke Utah, USA.
Ami mma nnam ediwak idiok ndumek ke oyoho isua mi iba kini ndude ke ufok nwed. Mme ndumek emi ama ediworo idiok utit ye unana inemesit, ndien Ami mma mbiere ndida nduok odudu ini ndaeyo man ntongo ndikpuho. Kini ufoknwed akafiakde otongo, Ami nkesidia udia uwemeyo ke ufok uyere mmong ye ke anainwang inuaotop man mboho idiok nduk ebuana ekebetde ndisim mi.
Akananam Ami nduhe ikpong ntre.
Edi Abasi ama ono mi eno: Enye ama ono Jen esok mi. Jen akananam ibiomke mi ke mme ndudue mi edi esisongo mi idem ete nka iso ke ndisanga ke nnennen usung. Ami ndidiongo nte ke Jen eyedu ke ufoknwed ama anwam mi ndika iso nkoot mme nwed Abasi mi nyung mkpeme iko ntiense mi. Ke ini enamde usoro edikure ufoknwed, Ami mma nkut nno idem mi nte ke Ami mma nnam mkpe mbiere ke ndikpuho.
Ami mmesikere ediwak ini ebiet emi Ami mkpedude mfin emi edieke Jen mikpekeyanke ubok inyanga mi. Nte Ami mkpekeyiri ke mme akpan ekikere mi edieke Jen mikpekiduhe? Ke mfoniso, Ami mkpekekeme ndidiongo koro enye okodu do ke ofuri esit esie, ebenge idem onyung enyime ndinwam mi.