2013
Edisana Utom eke Jesus Christ: Andibot
October 2013

Etop eke Visiting Teaching, eke Ofiong Duop ke Isua 2013

Edisana utom eke Jesus Christ: Andibot

Bong akam kpeb nkpo emi ndien, nte odotde, nneme emi ye mme ndito eka iban emi mbufo ekesede mmo. Da mme mbume ndinwam fi osongo mme ndito eka iban mbufo idem nnyung nam mboho Nka Iban enyene eti idaha ke uwem mbufo. Ke oyomde ndifiok awak, ka ke reliefsociety.lds.

Mbuotidem, Ufok – Idung, Unwam

Jesus Christ “okobot mme heavens ye isong” 3 Nephi 9:15). Enye akada odudu itie oku anam mme nkpo oro, ke idak ndausung eke Ete nnyin ke Heaven (kese Moses 1:33).

”Esit ekom nnyin ekpetie didie koro ofioknkpo Andibot ama obot isong onyung enim nnyin mi,” President Thomas S. Monson okodoho ete, “… man nnyin ikpebo ukpeb ke ini udomo, ufang ndidomo idem nnyin man idot ndibo kpukpru nkpo emi Abasi ekenimde ono nnyin ndibo.”1 Kini nnyin idade ifiok ndumek ke ndinim mme mbet Abasi ye ndikabare esit, nnyin ikabare idot ndifiak nkodu ye Enye.

Kabanga Obot, President Dieter F. Uchtdorf, Oyoho Ono-item Iba ke First Presidency, okodoho ete:

”Nnyin idi ntak emi Enye okobotde kpukpru ererimbot! …

”Emi eting abanga owo ke ndaha iba: ndida owo ndomo ye Abasi, owo idige nkpo ndomo kiet; edi nnyin idi kpukpru nkpo ino Abasi.”2 Ndidiongo ete ke Jesus Christ okobot isong ono nnyin koro nnyin idi kpukpru nkpo ino Ete ke Heaven ekeme ndinwam nnam ima nnyin okpon ono Mmo.

Emi oto ke mme Nwed Abasi

John 1:3; Hebrews 1:1–2; Mosiah 3:8; Moses 1:30–33, 35–39; Abraham 3:24–25

Emi oto Mbuk Eset Nnyin

Ekebot nnyin esin ke mbiet Abasi (kese Moses 2:26–27), ndien nnyin imenyene edisana ndaha. Prophet Joseph Smith eketeme ndito eka iban] ke Nka Iban ete “enam utom man ekem ke unen eke (mmo) enyenede.”3 Ye oruk nsongo ukot oro nte itiat idak isong, ema ekpeb ndito eka iban ke ufok Abasi Jesus Christ eke mme Latter-day Saints ndinam utom man ekem ke edisana idaha mmo ke ndinam uduak emi Abasi okoyomde oto mmo. ”Kini mmo edifiokde mbio emi mmo etimde edi — ndito iban eke Abasi, emi eyohode ye ntutungu esit ndima ye ndibok — mmo ekesim ndaha mmo nte ndisana iban.”4

Prophet Joseph Smith eketing ete, “Idahaemi ema enim mbufo ke ndaha emi mbufo ekemede ndinam nkpo ntiene esit mbom emi Abasi okotode ke ikpanesit mbufo.” ”Ubong edikpon didie edieke mbufo edinamde mme ukpebnkpo emi!— edieke mbufo enamde utom man ekem ke unen eke enyenede, owo idibiongoke mme angels ndidi nsanga mbufo.”5

© 2013 eketode Intellectual Reserve, Inc. Ekpeme kpukpru mme unen. Ekeming ke USA. Enyimme eming ke Iko Mbakara: 6/13 Enyimme Ndikabare: 6/13 Ndikabare etop eke Visiting Teaching Message, October 2013. Efik 10670 553

Nkpri Nwed

  1. Thomas S. Monson, “Mbuba Itok eke uwem Liahona, Ofiong Ition, ke isua 2012, 91.

  2. Dieter F. Uchtdorf, “Mbufo Emenyene Ufon eno Enye,” Liahona, Ofiong Duopekiet, ke isua 2011, 20.

  3. Joseph Smith, ke Ndito Iban ke Obio Ubong Mi: Mbuk Eset ye Utom eke Nka Iban Ufok Abasi (isua 2011), 171 .

  4. Ndito Iban ke Obio Ubong Mi, 171.

  5. Joseph Smith, ke Ndito Iban ke Obio Ubong Mi, 169.

Nso ke Ami Mkpenam?

  1. Didie ke ndiyom ndifiok edisana ndammana nnyin edi-nnam ima nnyin kabanga Andinyanga okori?

  2. Didie ke nnyin ikpewut ekom nnyin ke mme nkpo se Abasi okobot?