Pratham Adhyakshta ka Sandesh, october 2013
Hamari Zimmedari Bachaane ke Liye
Antim-din Santon ke liye, hamare bhaaiyon aur bahanon ko bachaane ki zaroorat hai jo, ek ya dusre kaaran se, Girjaghar ke gatividhiyon ke anant mul ke maarg se bhatak gaye hai. Kya hum ayse logon ko jaante hai jo kabhi susamachaar ko swikaar karte the? Agar ayesa hai to, hamari kya zimmedari hai unhein bachaane ke liye?
Buzurg, vidhwaon, aur bimaaron mein bhatke huwon ko dhoondho. Zyaadatar ayese pyaase aur akele jangal mein alag sthaan par paaye jaaten hai jise akelapan kehte hai. Jab jawaani dhalti hai, jab tabiyat kharaab hota hai, jab jiwan kam hota hai, jab aasha ki jyoti kam hone lagti hai, weh bachaane aur bane rehne ki madad un haath aur hriday se praapt kar sakte hai jo dalayuta jaante hai.
Yahan par, aur bhi hai, jinhein bachaane ki zaroorat hai. Kuch paap ke kaaran musibaton ko jhelte hai jabki dusre dar, aalsi ya anubhao mein. Chaahe kuch bhi kaaran ho, weh apne aap ko Girjaghar ke gatividhiyon se alag kar lete hai. Aur weh khoye rehte hai jabtak ki hum---Girjaghar ke sakriye sadasye unmein---bachaane aur bachne ki asha jagaate nahi.
Koi Raasta Ko Dikhlaaye
Kuch samay pehle mainne ek aadmi ka likha hua patra ko praapt kiya jo Girjaghar ko chodh chuka tha. Yah hamare kai sadasyon ke baare mein batlata hai.
“Mere paas sab kuch tha aur ab kuch bhi nahin hai. Susmachaar kabhi mere hriday se nikla hi nahi, chaahe mere jiwan se alag ho chuka hai. Mujhe tumhare prarthnaon ki zaroorat hai.
“Kripya hum khoye hue Antim-din Santon ko mat bhulna jo yahan---kho chukein hai. Main jaanta hoon ki kahan Girjaghar hai, magar kabhi kabhi main sochta hoon ki mujhe maarg dikhlaane, badhanti dene, mere andar se dar nikaalne, aur mere saath gawahi dene ke liye kisi aur ki zaroorat hai.”
Jab main is patra ko padh raha tha, mujhe ek daora yaad aaya jo mainne kiya tha duniya ke ek mahaan kala pradarshan kendra ka---England, London ka Victoria aur Albert Museum. Wahan, sundarta se frame kiya hua, Joseph Mallord William Turner dwara 1831 mein banaya gaya ek mahaan kaarigari se bhara chitra hai. Us chitra mein kaali-ghata chaai hui hai aur ek ashaant samundar jo khatra aur maut ko dikhla rahi hai. Dur kisi cheeze se roshni nazar ah rahi thi. Aage dharti par, aati hui laharon ke paani se upar uthi hui, ek badi si bachanewaali jahaaz. Aadmi mahaanta se khe rahe hai jabki bachaanewaali jahaaz toofaan ki or ja rahi hai. Kinaare par ek patni aur do bachche khade hue hai, paani mein bhige aur hawa ke jhokon mein dolte hue. Samundar ki or utsukta se dekhte hue. Apne mann mein mainne chitra ka naam ko chota kiya. Mujhe sujha Bachaane jaane tak.1
Jiwan ke musibaton ke dauraan, yahan nazdeek hi khatra hai. Aadmiyon aur auraton, ladkon aur ladkiyon apne aap ko musibaton mein ghire aur jheltey hue paatein hai. Kaun unki madad karega jo jhel rahein hai, ghar aur parivaar ke sukh ko piche chodh kar, aur bachaane jaayenge?
Hamare kaarye namumkin nahin hai. Hum Prabhu ki kaarye mein hai; hume Uski madad milegi.
Swaami ke dekhrekh ke daoraan, Usne Galilee ke machuwaaron ko unke jaalon ko chodh kar Uske piche chalne ko kaha, batlaate hue, “To main tumko manushyon ko pakadnewaale banaauga.”2 Kya hum aadmiyon aur auraton ko pakadnewaalon ke saath jodh sakte hai, taaki hum shaayad kuch bhi madad kar sake.
Humare kaarye hai ki un tak pahunche jo gatividhi ke surakhcha ko chodh chukein hai, taaki weh Prabhu ke saath Uske vaani bolein, Uske Aatma ke saath ko khushi se manaye, aur “isliye videshi aur musaafir nahi rahe, parantu pavitra logon ke sangi sarwadeshi aur Parmeshwar ke gharane ke ho jaaye.”3
Pyaar ka Siddhaant
Mainne do mukhye mul ko waapis gatividhiyon aur chaal, chalan, aur kaaryon ke badlaao mein aane ke liye paaya hai. Pehla, vyakti lautte hai kyunki kisi ne unhein unke anant zimmedaariyon ko dikhlaya hai aur unhe madad kiya hai usko paane mein. Kam sakriye zyaada der kamzori ke saath khush nahi reh saktein jab weh ek baar dekh lete hai ki manzil unke kareeb hai.
Dusra, anye log lautte hai kyunki pyaar karnewaale ya “pavitra logon ke sangi” ne Uddhaarkarta ke chetaaoni par mal kiya, apne padosi se apne samaan prem rakha,4 aur dusron ko madad kiya unke sapnon ko pura karne mein aur unke abhilaasha ko pura karne mein.
Is kaarye mein shuruwaat ho chuka hai---aur pyaar ka---siddhaant hi rahega.
Sahi maine mein, weh log jo Turner ke chitra samundar ke toofaani-mausam mein fase hue hai humare kam-sakriye sadasyon ki tarah hai jo unki intazaar kar rahein hai jo unhein bachaenge. Unke hriday mein madad ki aasha hai. Maata aur pitaoun apne putron aur putriyon ke liye prarthna karo. Patniyon swarg se apne patiyon ko waha tak pahunchne ke liye prarthna karo. Bachchon kabhi kabhi apne maata-pitaon ke liye prarthna karo.
Yah mera prarthna hai ki humare paas kam sakriye ko bachaane ke liye aasha ho aur unko Ishu Masih ke susamachaar ke khushiyon tak waapis pahunchen, taaki weh bhi humare saath pure sangat se mile hue ko praapt karein.
Hume un tak pahunchna chahiye jo humare ird-gird rahate hai: buzurg, vidhwaon, bimaaron, jo apahijh ho, kam sakriye, aur jo aagyaaon ka paalan nahi kartein hai. Hum un tak wah haath badhaaye jo madad kartein aur hriday jo dayaluta jaanta ho. Is tarah karne se, hum unke hriday mein khushi pahuncha sakte hai, aur hum wah mahaan khushi ko mehsoos kar sakenge jo hume praapt hota hai jab hum kisi ki madad karte hai anant jiwan tak pahunchane mein.
© 2013 dwara Intellectual Reserve, Inc. Sabhi adhikaar surakshit. USA mein chaapa gaya. Angrezi swikriti: 6/13. Anuwaad swikriti: 6/13. ka Anuwaad First Presidency Message, October 2013. Hindi Fiji. 10670 298
Is Sandesh Mein se Shikshan
Jinhein tum bhent karo unse pucho ki kya unhein ayesa koi pata hai jo girjaghar jaane ke liye musibaton ko jhel raha tha. Tum kisi ek vyakti ko chuno aur unse tarikon par baat cheet karo jisse woh pyaar dikha sakte hai, jaise ki use gharelu shaam sabha ya ek bhojan ke samay bhaag lene ke liye amantrit kar sakte ho.