Mulwol ko Bin Somm’on e Presidency, October 2013
E Muruwel Rodad Ningad Thapeged
Ko e Gidii’en Got ko Tin Tomur e Rran, e muruwel ningan thapeg e walagen nib mo’on fa ppin ni kar, ko reb e fan fa reb, kar malog ko kanawo’ ko activity ulane Galasia e rib ga’fan ko tin manemus. Gadadma nang e gidii’ u somm’on kar thapeged fare gospel? Fa’anra arragon, mange muruwel rodad ningad thapegraed?
Lemnog ko gidii’ nib malog ufithik e gidii’ nike labthir, yim’ lengin, fa gafgow ko maar. Boech e ngiyal’ ngan piriy’eg raed u wuru’ e binaw ulane e gin ni kanoeg e kirebaen’ ngay. Nap’an ke yaen e fel’ yangren, nap’an ke yib e maar, nap’an e rayog rok e ba yaen, nap’an fare magal ko athap ba mang achigchig, rayog ningan duruwiy’raed man ayuweged udakaen fare paa’ nira pii’ ayuw nge fare gum’racha’en nima nang e t’ufeg.
Bay reb, arragon, nima t’uf e athap rok. Boech e ba cham ko denen ma reb ba milekag ufithik e rus fa kireb fa minaen’. Ko demturug e fan, kar ranoed ko activity ulan fare Galasia. Ma arragon yaed ra paered nib malog richey ningan tab’ab ufitikdad—fapi chongin nib active ko fare Galasia—e marnog ningad thapegraed.
Bee’ nira Dag e Wo’en
U somm’on Kug thapeg e babyor nike yoloey fare pou’moon nike malog ko fare Galasia. Irba dag e rogon ko bo’or e chongin rodad. Tomuren ke weliy’ urrogon ke mang inactive, ke yoloey:
“U somm’on bay bo’or e ba’nen rog ma chiney kemus buch’uw. Kug kirebaen’ mug thamiy woed Gube wear ko urngin e ba’nen. Dariy bi’ed nike chuw fare gospel u gum’racha’eg, machane ke chuw ko yafas rog. Gube fith ko pi meybil romed.
“Wenig dam pagtalin gamaed e gidii’ ara’—fare Gidii’en Got ko Tin Tomur e Rran ni kan malog. Gumanang b’uw fare Galasia, machane boech e ngiyal’ Gube lemnog Gube t’uf rog bee’ ninge dag fare wo’en ngog, gay e fel’ laniyaen, thang e pi rus rog, me pii’ e m’ag ngog.”
Nap’an kug biy’eg fare babyor, kug lemnog maruna’gen e ngiyal’ Kug waen nga reb e bin thabi fel’ e tafen ko art ulongob e fayleng—fare ga’ Victoria nge Albert Museum u London, England. Aram, ni kan tayeg nib fel, i’ir e saysing nib fel’ usun ni kan sunmiy u 1831 rok Joseph Mallord William Turner. Fare sasing be dag e maguleng nib talmor mab sug ko n’ew nge puw e dai nira pii’ e kireb nge yam’. Be yib e magal ko barko nga orel. U somm’on, ni kan yin’ nga lang u fithik e dai nib puw, i’ir e barko nib achichig. Fapi mo’on ba telgaed ko yangi oar nap’an e barko roraed ba cham ko dai. Nga dapil’ay ba sak’iy e le’engin nge la’agruw chi bitir, aw e n’ew ma nifeng. Yaedba sap nga orel u dai. Kug kunuy Mug pii’ fithingan ko fare saysing. Ngog e kemang Ni Nga Thapeg1
Ufithik e yoko’ ko yafas, be soen e riya’. Mo’on nge ppin, pagael nge rugod ba patngay nibe malog nge magothgoth. Mini’ ra powiy’ fapi chi barko, chuw ko fa tin ni fel’ ko na’un nge tabinaew, ranoed ningar thapraed?
Muruwel rodad e ngad manged polo’. Gadadba rin’ e muruwel rok Somoel; be mat’awdad ko ayuw Rok.
Nap’an e muruwel ko fare Masta, Ke pinning boech e tafita’ u Galille ningar pag e tawolin mar lekeged Ngak, me yoeg, “2 Ningad uned e ulungi tafita’ ko mo’on nge ppin, ningad pii’ed demturug e ayuw ni rayog rodad.
E muruwel rodad ningad kii’ed paa’dad mag thapeged e gidii’ kar chuweged ko fare matangiy ko activity, ningan fekraed nga tebel ko en Somoel mar duruwiyed ko thin Rok, ningar faflaen’ ko fagar ni Ya’el Rok, mar manged “gathi kigimed girdi’en yugu boch nam ara bogni’ nda nnang owchraed, ya chiney e kam manged girdi’ rok Got, ni kam manged girdi’en e tabinaew rok Got.”3
Fare Likngin ko T’ufeg
Kug piry’eg la’arguw i fan ni ra weliy’ ko sulweg ko activity nge thilyeg ko laniyaen’, yalen, nge ngongol. Bin somm’on, gidii’ ra sulweg bachane reb e bee’ ke dag e rayog roraed u manemus maki ayuwegraed ningar me’leg ningar thapeged. Fapi less active dabiyog ningar soen ko tin nib lily nap’an rayog ningar guyed e tin nib fel’ u paa’raed.
Bin la’agruw, reb ra sulweg bachan e gidii’ nib t’uf ngak fa “girdi’en Got” kar folgad ko fanow rok en Somoel, makar t’ufeged ngak e yoror roraed woed rogon ngoraed, 4 ma kar ayuweged reb ningar mugu’uliyed e lek roraed ma rrin’ed e tin ni yaedba a’dag.
Fa tin nira gay e thilyeg ko pinn’ey u somm’on—ma ra athamgil ko manemus—i’ir fare likngin ko t’ufeg.
E rogon nib riyul’, fapi gidii’ ni kar maloged ko fare puw e dai ko saysing rok Turner e yaed woed rogon bo’or e chongin nib less-active nima soen ko thapeg ko gidii’ nima powiy’ chibarko. Gum’racha’raed ba’adag ningar ayuweged. Chintangin nge Chitamangin meybil ni fan e fak nib mo’on nge ppin roraed. Le’engin be yoer e wening nga tharmiy ko figirngin ningan thapeg. Boech e ngiyal’ e bitir ra meybil ni fan galabthir
I’ir e meybil rog ni ngad gayed e ’ar’ar ningad thapeged e less acitve ma fekraed bayay ngak e tin faflaen’ ko fare gospel ku Yesus Kristus, ningar athapeged ngodad urngin e ba’nen nira yub udakaen e fellowship nib polo’.
Ningad kii’ed paa’dad ngak e gidii’ nib malog ulongobdad: ga’ yangren, n’ag mabgol, gidii nib maar, gidii’ nib gafgow, less active, ma gidii’ ni gathi mafol ko motochiyel. Ningad kii’ed paa’dad ngoraed ko ayuw nge gum’racha’dad nima nang e t’ufeg. Ma rrin’ e pinn’ey, gadadra pii’ e faflaen’ nga gum’racha’raed, ma gadadra thamiy e faflaen’ nira yib ngodad nap’an ngad ayuweged reb ko fare kanawo’ nima soer nga yafas nib manemus.
© 2013 by Intellectual Reserve, Inc. Gubin mabay matwon. Kan yoloey u Merika. Kan micheg nag ko thin nu Ngalis: 6/13. Micheg nag i pilyeg: 6/13. Pilyeg thin ko First Presidency Message, October 2013. Yapese. 10670 905
Rogon ni ngan Fil ko Biney e Mulwol
Lemnong ningam fith e gidii’ gaba mada’nog fa’anra yaedma nang bee’ nima gafgow ko un nga galasia. Rayog ningam me’leg ta’areb e bee’ ma non marunga’gen boech e rogon ningam dag e t’ufeg ngak, woed pinning ir ninge un ko family home evening fa yib ko abich.