Mulwol ni Ngan Fil ni Ngan Nang, October 2013

Fare Muruwel nu Tharmiy ku Yesus Kristus: Tasunmiy

Mu fil e re n’ey, ma rogon nib mangil, mag weliy ko boech e walagey nib ppin ni gabe guy. Mu murwel ko pi duwer ni nge ayuweg nem ni nge gel nag e pi walagem nib ppin man fal’eg fare Relief Society e bang ko yafas rom nib mangil. Ra tin ni ga ba adag ni ngam nang, man ko reliefsociety.lds.org

Mich, Tabinaew, Ayuw

Biney i’ir e bin somm’on ko boech e guruy ko fare Visiting Teaching Milwol ni ba dag bo’or e ba’nen ko fare muruwel rok en Tathapeg.

Yesus Kristus ni ke “sunmiy e tharmiy nge fayleng” (3 Nephi 9:15). Ke rrin’ udakaen e gelngin ko priesthood, ma utangin e suwey ko Got ni Chitamangdad nu Tharmiy (mu guy Moses 1:33).

“Mab ga’ magaeraen’dad ni Tasunmiy nib gonop ke yarmiy e fayleng maki tayeddad ara’,” President Thomas S. Monson, “… ningad nanged e ngiyal’ ko sikeng, e wo’en ningan nanged e mata’awgaed ningad athapeged urngin e ba’nen ni kan taermedliy Got ngodad.”¹ Nap’an ngad ngongoliyed e gelngin me’leg ningad folgad e motochiylen Got ma kalgaedngaen’dad, ngad manged ma’taw ningad suloed mag paered Ngak.

Ko fare Sunmiy, President Dieter F. Uchtdorf, Bin La’agruw e Counselor ulane Bin Somm’on e Presidency, ke yoeg:

“Gadad e ba fan ni Ke Sunmiy urngin e ba’nen! …

Biney e n’en nib riyul’ ko gidii’: comper ku Got, ma gidii’ e dariy; ma gadad e gubin ban’en ngak Got.² E nang ni Yesus Kristus ke sunmiy re fayleng ni fandad bachane gadad e ba thabi ga’fan ngak e Chitamangdad nu Tharmiy ra ayuwegdad ningad ga’nag e t’ufeg Ngorow.

Keb ko pi Chep nib Thothup

John 1:3; Hebrews 1:1–2; Mosiah 3:8; Moses 1:30–33, 35–39; Abraham 3:24–25

Cheppin Rodad

Kan sunmiydad u ya’an Got (mu guy Moses 2:26–27), me bay e rayog rodad nu tharmiy. Fare Profet Joeseph Smith ke ning chilen ngak fapi walagen nib ppin ko fare Relief Soceity ningar “paer ko rayog [roraed].”³ Udakaen fare fel’ laniyaen’ ni mang dayif, fapi walagen nib ppin ko fare Galasia ku Yesus Kristus ni fan Gidii’en Got ko Tin Tomur e Rran e kan fil ngoraed ningar paered ni rayog roraed nu tharmiy mar mugu’uliyed fapi fan ku Got ni fanraed. “Nap’an yaedra nang mini’raed—bitir nib ppin ku Got, ni bay e rayog roraed ningar t’ufeged mar chathowliyed—mar thapeged e rayog roraed ko ppin nib thothup.”⁴

“Kam mub nga tafen ningam ngongoliy ko fapi thamtham ni ke tayed Got u kengin romed,” ke yoeg fare Profet Joseph Smith. “Fa’an gamedra mugu’uliyed e pi likngin ney e ba mab fel’ mab fel’ngin!… Fa’anra gara paer u fithik emuruwel romed, ma pi angel e dabyog ni nge digey med ni dabi ayuweg med.”⁵

© 2013 by Intellectual Reserve, Inc. Gubin mabay matwon. Kan yoloey u Merika. Kan micheg nag ko thin nu Ngalis: 6/13. Micheg nag i pilyeg: 6/13. Pilyeg thin ko Visiting Teaching Message, October 2013. Yapese. 10670 905

Notes

1. Thomas S. Monson, “The Race of Life,” Liahona, May 2012, 91.

2. Dieter F. Uchtdorf, “You Matter to Him,” Liahona, Nov. 2011, 20.

3. Joseph Fielding Smith, u lane Daughters in My Kingdom: The History and Work of Relief Society (2011), 171.

4. Daughters in My Kingdom, 29–30.

5. Joseph Smith, u Daughters in My Kingdom, 169.

Mange Rayog Nggu Rin?

1. Urrogon e piriy’eg ko nang fan e rogdad nu tharmiy ra noemonog e t’ufeg rodad ko en Tathapeg?

2. Urrogon ningad daged e magaeraen’dad ko sunmiy rok Got?