2013
An Jises Kraist Misin seni Nang: Chon Forata
October 2013

Poraus seni Fefin Chon Amwa, October 2013

An Jises Kraist Misin seni Nang: Chon Forata

Kopwe anneani ekkei mettoch iwe, nupwen mi och, kopwe aporausa ren ekkewe fefin ka churir. Kopwe aea ekkewe kapas eis ne anisuk ne apochokuna ekkewe fefin ka churir me pwan aochu manauom ren aean Fin Anisi. Ren pwan ekkis poraus, kopwe nengeni reliefsociety.lds.org.

Nuku, Famini, Aninis

Jises Kraist a fori nang me fonufan (nengeni 3 Nifai 9:15). A fori ina usun seni ewe manamanan ewe pristut, fan emwenien Semach won Nang (nengeni Moses 1:33).

“Sipwe fakkun kinisou chapur pwe emon Chon Forata mi mirit a fori fonufan me a isetta kich ikkei,” Preseten Thomas S. Monson, “… pwe sipwe weri eu fansoun sosot, eu tufichin pwarata pwe sia tongeni angei mettoch meinisin Kot a ammonata fan itach pwe sipwe angei.”1 Nupwen sia aea ach pungun finata ne anneasosichi an Kot kewe annuk me aier, sia winiti nimenimoch pwe sipwe niwinsefanita ne nonnom ren I.

Non an kapas usun ewe Forata, Preseten Dieter F. Uchtdorf, Oruemon Chon Aninis non ewe Aewin Presetensi, a apasa:

“Kich ewe popun A forata mettoch meinisin fan nang! …

Iei osukosuken aramas: anonofengen me Kot, mwan ese auchea; nge kich mi fakkun auchea ngeni Kot.2 Ach sinei pwe Jises Kraist a forata ewe fonufan fan itach pokiten sia fakkun auchea ngeni Semach won Nang a tongeni anisikich ne awatteno ach tong fan Iter.

Seni ekkewe Pukfel

John 1:3; Hebrews 1:1–2; Mosiah 3:8; Moses 1:30–33, 35–39; Abraham 3:24–25

Seni Ach Uruo

Kot a fori kich non pwisin ununun (nengeni Moses 2:26–27), me sia tongeni fefeita usun chok I. Ewe Soufos Joseph Smith a pesei ngeni ekkewe fefin non Fin Anisi ne “manaueta ngeni [ar] tufich.”3 Ren ena kapasen pesepes pwe eu nongonong, ekkewe fin Ewe Mwichefenin Jises Kraist ren Aramas mi Pin non Fansoun Soponon ra kaeo ne manaueta ngeni ar tufich fan nang me ren ar apwonueta an Kot kewe kokkot fan iter. “Nupwen ra weweiti ennetin io ir—noun Kot kewe nengin, mi ennetin tongeni tong me tumunu—ra manaueta ngeni ar tufich pwe fefin mi pin.”4

“Iei oua nom non eu neni minne ami foffor mi anongonong won ewe tong minne Kot a annomu non netipemi,” ewe Soufos Joseph Smith a apasa. “Ika oua manaueta ngeni ekkei nongonong epwe fakkun napanap me ning!—ika oua manau ngeni tufichimi, ese tongeni amwochu ekkewe chon nang seni ar repwe chienemi.”5

© 2013 seni Intellectual Reserve, Inc. Meinisin pung mi kawor. A för non Amerika. Kapungunon non fosun Merika: 6/13. Kapungunon chiakun: 6/13. Chiakun Visiting Teaching Message, October 2013. Chuukese. 10670 901

Esinesin

  1. Thomas S. Monson, “Ewe Kittirin Manau,” Liahona, May 2012, 91.

  2. Dieter F. Uchtdorf, “You Matter to Him,” Liahona, Nov. 2011, 20.

  3. Joseph Smith, non Daughters in My Kingdom: The History and Work of Relief Society (2011), 171.

  4. Daughters in My Kingdom, 171.

  5. Joseph Smith, non Daughters in My Kingdom, 169.

Met Ua Tongeni Fori?

  1. Ifa usun ach achocho ne weweiti manauach non pekin nang mi tongeni awatteno ach tong ngeni ewe Chon Amanau?

  2. Ifa usun sia tongeni pwarata ach kinisou fan iten met Kot a forata?

Printini