2013
Jesus Christ No Dwuma a Ofi Sor: Ɔbɔadze
Ɔbɛsɛ 2013

Visiting Teaching Amandzɛɛbɔ, October 2013

Jesus Christ No Dwuma a Ofi Sor: Ɔbɔadze

Mpaabɔ muara, sũa adzesuadze yi na, dɛ mbrɛ ɔsɛ no, enye nkyerɛmbaa a esera hɔn no mpɛnsapɛnsa mu. Ma nsɛmbisa no mboa wo ma edze ahyɛ wo nkyerɛmbaa no dzen, na ɔma Relief Society ndzi adɔntsen wɔ ɔwoara w’abrabɔ mu. Ho nsɛm mbordo no, kɔ reliefsociety.lds.org.

Gyedzi, Ebusua, Mboa

Jesus Christ “[ɔ]bɔɔ sor nye asaase” (3 Nephi 9:15). Oduaa asofodzi tum no do bɔe, wɔ hɛn Ɔsor Egya No kwankyerɛ do (hwɛ Moses 1:33).

President Thomas S. Monson, kãa dɛ, “Mbrɛ ɔwɔ dɛ ɔyɛ hɛn enyisɔ dɛ Ɔbɔadze onyansafo yɛɛ asaase yi na ɔdze hɛn too do,… ama yeenya nsɔhwɛ ber ho sũahu, kwan a yebenya dze akyerɛ dɛ yɛfata dza Nyame esieise ama hɛn dɛ yɛbegye no nyina”1 Sɛ yɛdze hɛn pɛ yɛ setsie ma Nyankopɔn Ne mbrasɛm na yenu hɛn ho a, yebotum edzi mu dɛ yɛbɛsan yɛnye No akɛtsena.

Ɔfa Abɔdze ho no, President Dieter F. Uchtdorf, Ɔpamfo a Otsĩa Ebien wɔ President a Odzi Kan na n’Apamfo mu no kãa dɛ:

“Hɛn nye Ne siantsir a Ɔbɔɔ wiadze no! …

“Dza ɔkyer adwen mu wɔ nyimpa ho nyi: edze no toto Nyame ho a, nyimpa nnsɛ hwee; naaso yɛyɛ adze nyina ma Nyame.”2 Yeruhu dɛ Jesus Christ bɔɔ asaase yi maa hɛn osiandɛ yɛyɛ adze nyina ma Ɔsor Egya, botum aboa hɛn ma yɛatserɛw hɛn dɔ mu ama Hɔn.

Fi Kyerɛwsɛm no mu

John 1:3; Hebrewfo 1:1–2; Mosiah 3:8; Moses 1:30–33, 35–39; Abraham 3:24–25

Fi Hɛn Abakɔsɛm mu

Wɔabɔ hɛn wɔ Nyame Ne nsaso (hwɛ Moses 2:26–27), na yɛwɔ onnyiewiei hyɛbea. Nkɔnhyɛnyi Joseph Smith tuu Relief Society mbaa no fo dɛ “hom ntsena ase ntow nkɔ [hom] ndzinoa ho.”3 Dɛm nkuranhyɛ yi ayɛ fapem no, Jesus Christ n’Asɔr a ɔwɔ hɔ ma Nda a Odzi Ekyir Ahotseweefo nkyerɛmbaa no wɔakyerɛkyerɛ hɔn dɛ, wɔrehyɛ Nyankopɔn No botae a ɔwɔ ma hɔn mã no, nna wɔretsena atow akɔ hɔn onnyiewiei hyɛbea ho. Sɛ wɔbɛtse ase ampara ehu nyimpa wɔyɛ a,—Nyame Ne mbabaa a, wɔwɔ ɔdɔ nye mbanyɛn ho awoosu a,—wodu hɔn hyɛbea dɛ mbaa krɔnkrɔn.”4

Nkɔnhyɛnyi Joseph Smith kãa dɛ, “Afei wɔdze hom esi gyinabew a ɔnam ayamuhyehye no a Nyame dze ahyɛ hom bo mu no, hom botum dze edzi dwuma.” “Sɛ hom dze nkyerɛkyerɛ yinom bɔ bra a, mbrɛ ɔbɛtserɛw na wɔahyɛ enyimnyam! Sɛ hom tsena ase tow kɔ hom ndzinoa ho a, wonnkotum esiw abɔfo kwan dɛ wɔbɛyɛ hom mfɛfo.”5

© 2013 Intellectual Reserve, Inc. Wɔakora ho tumdzi nyina. USA, na Wotsintsimii. English approval: 6/13. Translation approval: 6/13. Visiting Teaching Message, October 2013. Ne Nkyerɛasee wɔ Kasa Fante mu. 10670 502

Nsɛnsin

  1. Thomas S. Monson, “The Race of Life,” Liahona, Esusow Aketseaba 2012, 91.

  2. Dieter F. Uchtdorf, “You Matter to Him,” Liahona, Ɔberɛfɛw 2011, 20.

  3. Joseph Smith, wɔ Daughters in My Kingdom: The History and Work of Relief Society (2011), 171.

  4. Daughters in My Kingdom, 171.

  5. Joseph Smith, wɔ Daughters in My Kingdom, 169.

Ebɛnadze na Mubotum Ayɛ?

  1. Osi dɛn na yɛrehwehwɛ atse hɛn onnyiewiei su bɔboa hɛn ma yɛatserɛw hɛn dɔ ma Agyenkwa no?

  2. Yebesi dɛn akyerɛ hɛn enyisɔ ama Nyame abɔdze horow?

Tsintsim