2013
Misin Wolacna luhn Jisus Kraist: Mwet Orwaclah Se
October 2013

Pweng ke Forfor Luti, OHKTOHPA 2013

Misin Wolacna luhn Jisus Kraist: Mwet Orwaclah Se

Lutlutkihn kuhfa inge ac, ke pacl fal, sramsramkihn yurin tahmtahel ma kowos muhtwacta nuh yohroh an. Orekmakihn kihsen siyuck an in kahsrwe kowos ahkkweye tahmtahel wiyowos an ac in oruh Rilif Sosaiti in ip utuftuf se ke moul lowos sifacna an. Nuh ke kuhtuh pac ma in etuh, som nuh ke reliefsociety.lds.org.

Luhlahlfongi, Sucu, Kahsruh

Jisus Kraist El orwaclah inkuhsrao ac facluh (Liye 3 Nephi 9:15). El oruh oacna ke kuh luhn pristut, ye kolyuck sin Pahpah tuhmasr Inkuhsrao (liye Moses 1:33).

“Fuhkah sruikihnyac sesr lah Mwet Orwaclah lahlmwetmwet suc oraclah facluh ac fihlikuhti nuh kac,” Prestuhn Thomas S. Monson el fahk, “… lah kuht kuh in puhlakihn ke sie pacl luhn srihfe, pacl wo in ahkkahlwemye lah kuht kuh in sifacna ahkfalye ma nuh kwewa God El ahkolah nuh sesr in eis.”1 Ke kuht orekmakihn sukohsohk in sulaclah lasr in ahkos masap luhn God ac auliyak, kuht eklac nwacsnwacs in fohlohk in muhta Yohrohl.

Ke Orwaclah an, Prestuhn Dieter F. Uchtdorf, Mwet in Kahsruh Ahkluo ke Prestuhnsi Se Met, el fahklah:

“Kuht pa srihpac se El orwaclah facluh ac inkuhsrao! …

“Ma inge el ma siena luhn mwet uh: kapsra nuh sin God, mwet uh wacngihn; tuhsruhk kuht ma nuh kwewa nuh sin God.”2 Etuh lah Jisus Kraist El orwaclah facluh kacsr ke srihpen kuht pa ma nuh kwewa nuh sin Pahpah Lucng kuh in kahsrwe kuht in ahkyohkye luhngse lasr nuh Selos.

Ke Ma Suhmuhslah uh

John 1:3; Mwet Hebrew 1:1–2; Mosiah 3:8; Moses 1:30–33, 35–39; Abraham 3:24–25

Ke Sramsram Mahtuh Lasr

Kuht oreklac ke luhman God (liye Moses 2:26–27), ac oasr kuh wolacna lasr. Mwet Pahluh Joseph Smith el kai tahmtahel ke Rilif Sosaiti in “ahkfalye pacl mwesahs lalos.”3 Ke ahkkweyeyuck ingacn ke sie pwelucng, tahmtahel ke Alu luhn Jisus Kraist luhn Mwet Luhlahlfongi ke Lwen-sahflah lutiyuck in moulkihn pacl mwesahs wolacna lalos ke ahkfalye srihpac luhn God nuh selos. “Ke elos muhtwacwacack in kahlwem lah suc elos uh—muhtwacn nuhtin God, ke sie kuh oasr in luhngse ac tuhfahlah—elos sun kuh lalos oacna muhtwacn muhtahl uh.”4

“Kowos ingena oasr ke acn se ma kowos kuh in mukwikwi fal nuh ke etatwen ingacn ma God El sang nuh insiyowos,” Mwet Pahluh Joseph Smith el fahk. “Kowos fin moulkihn ip yohk inge fuhkah yohk ac wolacnaiyac!—kowos fin ahkfalye moul lowos an, lihpufacn uh tiac kuh in tulokihnyucki in wi kowos.”5

© 2013 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/13. Ahkkweyeyucklac ke lweng: 6/13. Lwenglah luhn Visiting Teaching Message, October 2013. Kosraean. 10670 868

Mwe kahsruh

  1. Thomas S. Monson, “The Race of Life,” Liahona, Mei 2012, 91.

  2. Dieter F. Uchtdorf, “You Matter to Him,” Liahona, Nohfuhmpuh 2011, 20.

  3. Joseph Smith, ke Daughters in My Kingdom: The History and Work of Relief Society (2011), 171.

  4. Daughters in My Kingdom, 171.

  5. Liye Joseph Smith, ke Daughters in My Kingdom, 169.

Meac Nga Kuh In Oruh Uh?

  1. Suk in kahlwem ke ohiyac inkuhsrao lasr kuh in ahkyohkye fuhkah luhngse lasr nuh sin Mwet Lahngo?

  2. Kuht kuh in ahkkahlwemye fuhkah srui lasr ke ma God El orwaclah uh?