Osisechakl er Chelechal Taem

A suobel er a Melchizedek Priesthood me a Relief Society er sel ongeua el Sandei a mo moterekokl el kirel a “Osisechakl er Chelechal Taem.” A bek el suobel a sebechel mekedmokl el mengai er a tang malechub e ng betok el cheldecheduch er a dirk mlo merek el klou el ongdibel (mesa chart e riou). A remerreder er a stake me a district a sebecherir el ngmilt a cheldecheduch el mo usbechall, malechub ete nguu tia el ngerachel el mesterir a rebisop me a remerreder er a branch. A remerreder a kirir el meketeklii a klou el ultutelel el rodam er a Melchizedek Priesthood me a rodos er a Relief Society a mesuub er a osisiu el cheldecheduch er a osisiu el Sandei.

Tirkel tir a ngara omesuub er sel ongeuang el Sandei a kirir el suubii e nguu a babilengir er sel dirk mlo merek el klou el ongdibel el mo er a klas.

Uldasu el kirel a Kedmeklel a Suobel el mengai er a Cheldecheduch

Moluluuch me a Chedaol Reng bo lobengkem sel mosuub e molisechakl a cheldecheduch. Ke locha mo soam el kudmeklii a suobel el ousbech a kuk bebil er a klekedall, eng di aikal cheldecheduch el mengai er a klou el ongdibel a mla moterekokl el molisechakl. A ngerchelem a ngosuterir a rebebil el suubii e mo oltirakl er a ebangkelio el ngii a mla mosisechakl er a ikel dirk mlo merek el meklou el ongdibel er a Ikelesia.

Mosuub aikal cheldecheduch, el osiik aikel suobel me a osisechakl el mo ngosuterir tirkel ngara klas. Dirrek el mosiik a cheldecheduch, bades er a chedaol llehcukl, me a tekoi el ngara ikal cheldecheduch el ngosukau el mo olisechakl aikal klemerang.

Mkedmeklii a teletael er a omesuub el kirel osischeklel a suobel me a osisechakl. Momdasu omelechang a ker el mo ngosuterir a re ngara klas:

• Mosiik a suobel me a osisechakl er a chelsel aikal cheldecheduch.

• Momdasu a belkul.

• Mouchais a klemedengei, uldasu, bla msuub, me a olchotel a klaumerang.

• Mo oltirakl aikal suobel ma osisechakl er a klengar tir.

Osischeklel a Suobel er a Bek el Buil	Klekedellel a Suobel er a Ongeua el Sandei
Ongeteruich el buil 2013–Ongeua el buil 2014	Cheldecheduch el mildung er a klou el ongdibel er a Ongeteruich el buil 2013*
Ongeua el buil 2013–Ongeteruich el buil 2014	Cheldecheduch el mildung er a klou el ongdibel er a Ongeua el buil 2014*

• A suobel er a ongeua el Sandei er a Ongeua el buil me a Ongeteruich el buil, a sebechel mengilt er a ikel mla mo merek malechub a dirk mlo merek el klou el ongdibel. Aikal cheldecheduch a ngarngii er a kakerous el omelekoi el ngara conference.lds.org.