Ngeasek
Ng Locha Sebechek el Ruusii tial Babier er a Mormon?
A milluches a kiei er a Washington, USA.
A kot el rak er ngak er a high skuul, ea sensei er ngak er a seminary a mle siotai er a class el mo merous er a Babier er a Mormon el mo er tirkel sechelimam el diak el chad er tial chelchad. Alta ak mle imis el sekemerur, eng di kilngei er tial siotai.
Ngua blel tela el klebesei el kungedmokl era uldesuek, e ak bai mlo sebechek el msa hong er a sechelik er a Britny er a temel a sueleb e uluchais er ngii er a klaumerang er ngak. A Britny a ulureng a sulek er tial babier.
Sera bo el merek a skuul, ea Britney millukl, eng di aki mle blechoel keluches. Ng uluchais er ngak el kirel a beches el skulel me a roumesind el sechelil el chad er a Ikelesia, eng di dimlak louchais a ngii dil ongasireng el tekoi er ngak.
Ng ual milngodech er a uchei er a kurael el mo er a mision. Ak ngiluu a tengami er a Britney el kirel a meang el chais: ng mo metecholb, e dirrek el ulureng a sulek er a klausechelei er kemam me a ungil okesiu el kulchotii.
A Rubak a ngiluu a sekemerur el teruich a me a eim a rekil el buik el diak a dechal er a missionari e milkrolii el mo omerk er a ebangkelio el mo er a chad el lodengelii el Ngii a ngiluu el dolmii er a rengul. Ak medengei lokiu a oderngesek er a Chedaol Reng, ng sebeched el rokui el metik er a rechad el iiliuekl er kid el tir a mengiil er a osisechakl er a ebangkelio. Ak medengei el uase alsekum e ke de kaingeseu el nguu a chimol chad el mo er a Rubak, “Ng mo uangera[kid] sel deureng lobengkel a le sechal [malechub a redil] el ngara chelsel a renged er a [Demad]!” ( D&C 18:15).