Klumech er a First Presidency, Ongeteruich me a Ongerung el Buil 2013
Telungalek me a Resechelei el mora Ulebongel
Ngii di el basio el omkiei er ngii, e ngarngii a rsechelim losiik er a tokubets el ungil deureng el kau a mla metik er ngii lokiu a osisecheklel a Jesus Kristo. Ng mo telkib el meringel er tir a smodii sel deureng losiik er ngii,eng di ng mo sebechir el mtebengar a lesang er a chelsel a klengar kau. Ng mo er ngii sel klemeriar reng er tir er a omsubel a deureng el om ngarngii, tokubets sel lesekau el uase ke dirrek el uai tir el chelbangel a ringel.
Ke mla melchesuar a deureng lokiu a otireklel a tekingel a Dios. Sei a redechel a telbilel a klengar lokiu a osisechakl (mesa Mosiah 2:41). Ng diak blechoel loltirakl a osisechakl er a tekingel a Dios alta leskau a rebebil er a rechad, eng di tirkel mo mtebengar a deureng el mnga er ngii a bla ele ketmekletrir a Rubak el mo orrenges a ikal ungil chais el kirel tial mla Moluut el klemerang el osisechakl.
A klengeltengat el bla mngai a mla mechelii a ngerachel me a ungil techall el kirem. Alsekum e ke oltirakl er a Jesus Kristo, eng ngerchelem lomerk er a techall losiik er a dmolech el deureng, tokubets el mo er a rsechelim me a rechad er a telungalk er kau.
A Rubak a milsa techellem e silodii a ngerachel mobang lokiu a telbiil. Ng kirel a re bek el chad el mla muchais el ouchais er a kmeed er tir (mesa D&C 88:81).
A Rubak a remuul a ikal llach el ngii a beot a omoltirakl lokiu a beltel a reng alsekum eke kongei el kmo klengar kau a mo ultuil er a osisecheklel a Jesus Kristo. Me a le uaisei, ea beltkil a rengum el mo er a bebil a mo dmolech, e dirrek luldimukl er a klemeriar reng er kau el mesterir el mo er sel losisiu el deureng el mngarngii.
A ta er a olchotel tial mengodech a uase kemekerang e mo mimokl el nguu a techall el mo olngeseu lomerk er tial urerel a Rubak. A mui a temir el misionari a mo techelir el suebii el uase ng sebechir el mesa a delmedemk el nger er a chad el obult er a osisechakl sel bo el longetmokl er a osisechakl el mo er a rebebil. A chad el obult er a osisechakl a mo er ngii sel rengrir el sorir lomerk er tial deureng el mo er a sechelirir me a rechad er a telungalk er tir.
A merreder er a mision malechub e te misionari sel bol oker a ngklir a rechad el bo lolsichakl er tir, e ng mo ta er a ungil chais el kirem. Te medengei el kmo a rsechelim a milsa deureng er kau me a, alta, tirkel sechelim a mla meketmokl el mo orrenges e mo kongei er a osisechakl. E dirrek el moba kllou el reng el kmo kau ea sechelirir el bo el ultuil er ngii sel bel siseb er a renged.
Ng diak el kirem el medakt el uase ke mo metom er a rsechelim alsekum eke ulmekedong er a remisionari el mo omes er tir. Ngarngii a rsechelik el ua lulerrob er a misionari eng di te uluureng a sulek er a ikal mla mo merek el rak el kirel sel kulchotii el omeruul el tir a mle medengelii el kmong klou a ututelel er ngak. Ng sebechem el mo er ngii a rsechelim el mo er a diak a ulebengelel sel besterir a osisechakl, el ngii a lesang el meskau a deureng. Ng diak el kirem el metom er a techall er a okodongel a re sechelim me a tokubets el chad er a blim el ngii a mo melilt el mo oltirakl er sel uldasu el kirel a deureng.
Ng diak a mo ungil techall el mo uai sel okedong el uaia om ngara templo er a Ikelesia. A bo er ngii ea Rubak a sebechel mo kudmeklii a chedaol el techolb el mo er a rebladek el tir a mlo diak el metketmokl er a dirk el chad. Te mo blekebek lomes er kau er iou loba beltikereng me a kllouelreng. A Rubak a mla mesterir a telbiil el uasei ngmo er ngii a techelir el mo soiseb er a Rengedel (mesa D&C 137:7–8), e dirrek el mla dolmii er a rengum a beltikelreng el kirir.
Betok er kemiu a mla melchesuar a deureng el meketmokl er a chedaol urereor er a templo el kirir a rebebil, ng kmal di osisiu el deureng a molchesuar sel besterir a ngklir a rechad el bol loldingel er tir a remisionari. Ke mla melchesuar a tokubets el ngarbab el deureng loeak a chedaol ureor el kirir a rebladek. Ng mlocholt er a Prophet Joseph Smith el uase a diak a ulebengelel deureng a mimokl alsekum e kede ochotii a rolel tial klengeltengat el mo er a rebladek lokiu a ketmekill el chedaol ureor er a templo (mesa D&C 128:18).
A belsechel a Kurismas a omult a reng el mora Osobel e mo meskid a deureng lokiu a Osisecheklel. Kede ochotii a klou el omereng el saul el mo er Ngii sel de berkii a deureng el mo er a bebil. A omreng el saul a obult el mo deureng sel de besterir a ngakl a remissionari me a dengai a ngklir a rebeldeked el mo er a templo. Sel olchoted er a omreng el saul a sebechel ruleterir a rsechelid me a telungalk er kid el mo olngesenges el mo cherechar.
© 2013 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/13. Kengei er a oidel: 6/13. Oidel a First Presidency Message, December 2013. Palauan. 10672 881
Osischeklel Tia el Klumech
A President Eyring a smodii el uase ng sebeched lochotii a omreng el saul el mora Osobel a deberkii a osisechakl el mo er a rebebil. Ng sebechem el mo smodii er tirkel molsisechakl er tir el kmo ng mekerang sel sengk er a ebangkelio a bol lomekngeltengat er a klengar er tir. Molbedebek er a okedongir loeak a nglunguuch el ngii a mo melilt er tirkel loureng a mo omerk er tial ebangkelio e dirrek el kmo te mekerang e mo rulii.