Rongorongo man te Moan Beretitentii, Ritembwa 2013
Utu ao Raao Aika Akea Tokiia
Te tabo ra ae ko maeka iai, iai rao aika a ukeukera te kukurei ae korakora are ko a tia ni kunea man maiuakinan ana euangkerio Iesu Kristo ae kaokaki. A na bae n aki kona ni kabwarabwara te aeka ni kukurei anne n taian taeka, ma a kona ni kina ngkana a noria ni maium. A na ingainga nanoia n reiakina aron reken te aeka ni kukurei anne, riki ngkana a nooria bwa ko rinanon kataaki n aron ake a tia n rinanona.
Ko a tia n namakina te kukurei ngkana ko a tia ni kawakin ana tua te Atua. Anne te bwai ae na riki ke te berita are e a tia ni beritanaki (nakoim) ibukina bwa ko a tia ni maiuakin ana reirei te euangkerio (tara Motiaea 2:41). Ko aki kakaonimaki n ongotaeka nakon ana tua te Uea bwa ko na nooraki irouia aomata tabeman, ma naake a kakoaua kukureim a tia ni katauraaoaki iroun te Uea bwa a na ongoraea te rongorongo ae raoiroi ni Kaokan te euangkerio.
Kakabwaia ake ko a tia n anganaki a tia ni karikaki bwa mwioko ao taai aika tamaroa ibukim. Ngkai ngkoe ana reirei are ko a tia ni karaaoa te berita ma Iesu Kristo, ko mwiokoaki bwa ko na karababa nakoia tabeman aia tai ni kakaea te kukurei ae rikirake, riki nakoia rao ao kaain am utu.
E noora te Uea am konabwai ao e kabwarabwara mwiokoam ma te tua aei: Te Uea e noora am tai [n tibwaua te euangkerio] ao ni kabwarabwara mwiokoam [n tibwaua te euangkerio] ngke e taekinna bwa bon tabeia aomata n tatabemaniia nako ake a tia ni kauringaki bwa a na kauringiia kaain rarikiia (tara D&C 88:81).
Te Uea e kabebetea te tua anne bwa tina ongeaba man rinanon te bitaki are e riki ngkana ko kariaiaa ao ni maiu ni kaineti ma ana euangkerio Iesu Kristo. Ibukin aei, am tangira ibukiia tabeman e rikirake, ma nanom ibukiia bwa a na karekea te aeka ni kukurei aei are ko a tia n rinanona.
Teuana te katoto n te bitaki anne are bon nako ma inanom ao am namakin bwa ko na kanga ni butimwaea te tai n ibuobuoki n ana mwakuri ni mitinare te Uea. Mitinare aika bwanin aia tai a na waekoa n reiakinna mai iroun temanna are e raira ni koaua te aeka n aomata, ae iai nanona ae korakora ngkana a titirakinna ibukin temanna ae na reireinna. Te aomata are e rairaki e korakora ana iango ibukiia raaoraaona ao kaain ana utu bwa a na tibwaua te kukurei aei ma ngaia.
Ngkana am tia kairiiri n te mition n te uoote ke mitinare a titiraki ibukin aran temanna ae e na reireinaki, bon te bwai ni kamoamoa nakoim. A ataia ae a tia rao n noora te kukurei are iroum, ngaia ae, rao aikanne a tia n tauraaoi ni kan ongora ao n rineia bwa a na butimwaea te euangkerio. Ao iai nanoia ae koaua bwa ko na riki bwa te raao ae a na kainnanoia ngkana a rin inanon ueana riki ngkana a riki bwa kaain te Ekaretia.
Ko na aki maaku ngkana ko raure nako ma rao man kaoakia mitinare bwa a na kaitibo ma ngaiia. Iai raoraaou aika aki butimwaia mitinare ma a tia ni kaitauai inanon ririki aika mwaiti ibukin anganakia te bwai ae a taku bwa a rangin ni kakawaki nakoiu. Ko kona ni karekeia rao aika a na akea tokiia man anganakia taekan te euangkerio, ake ana noria bwa a tia n anganiko te kukurei. Tai kabua te tai ni kaoia rao ao ai moarara riki kaain te utu n rineia bwa ana ira te babaire ni kakukurei.
Akea riki te tai ae kakukurei ibukin te kakao anne nakon ae inanon tembora n te Ekaretia. Ikanne ao e kona te Uea n anga otenanti ni kamaiu nakoia ara bakatibu ake a aki kona ni karekei n te maiu aei. A taraiko mai karawa n te aonaaba n tamnei ma te tangira ao te kantaninga. E a tia te Uea ni berita bwa a na reke aia tai n roko nakon Abanueana (tara D&C 137:7–8), ao E a tia ni buokiko n namakina tangirakiia.
A mwaiti ibuakomi aika a tia n namakina te kimwareirei n anga otenanti n te tembora nakoia tabeman, n aron are ko karaaoia ngke ko anga araia aomata nakoia mitinare bwa a na kaitibo ma ngaiia. Ko a tia n namakina riki te kimwareirei ae korakora ni karaaoan otenanti ibukia am bakatibu. E kaotaki nakon te Burabeti Iotebwa Timiti bwa kukureira ae aki toki e kona n reke ti ngkana ti anga te kawai ni kakabwaia anne nakoia ara bakatibu rinanon otenanti n te tembora aika kamimi (tara D&C 128:18).
E bita nanora te Kiritimati nakon te Tia Kamaiu ao nakon te kimwareirei ae e a tia Ana euangkerio ni uotia nakoira. Ti kaota ara kakaitau ae moan te tamaroa nako Ina ngkana ti anga te kukurei anne nakoia tabeman. E bitaki te kakaitau nakon te kimwareirei ngkana ti anga taian ara nakoia mitinare ao ngkana ti uoti araia ara bakatibu nakon te tembora. Kakoauan ara kakaitau anne e kona ni karikia raao ao utu n akea tokiia.
© 2013 iroun Intellectual Reserve, Inc. A bane n tauaki mwiin taian kariaia ibukin katotongana. Boretiaki n te USA. Kariaiakaki n te Ingiriti: 6/13. Kariaiakaki rairana: 6/13. Rairan te First Presidency Message, December 2013. Kiribati. 10672 859
Reirei man te Rongorongo Aei
E kabwarabwara Beretitenti Eyring bwa ti kona ni kaota ara kakaitau ibukin ara Tia Kamaiu man tibwauan te euangkerio ma tabeman. Ko kona ni maroroakinna ma naake ko reireiniia bwa e kanga ana bwaintangira te euangkerio ni kakabwaiai maiuia. Iangoa kaoakia bwa a na tataro mwaaka bwa a na kinaia naake a kantaningaia bwa a na tibwaua ana bwaintangira te euangkerio ao a na kanga ni karaaoia.