Te Rongorongo ni Kakawari n Reirei, Ritembwa 2013

Mwiokoan Iesu Kristo Mai Ieta: Natina ae te Riki Temanna n

Tataro mwaaka ibukin te beeba aei ao ukoukoria bwa ko na ata te bwai ae ko na tibwauaia. E na kanga ataakin maiun ao mwiokoan te Tia Kamaiu ni kakorakora am onimaki Irouna ao ni kakabwaiaia naake ko tararuaia rinanon te kakawari n reirei? Ibukin rongorongona riki nakon reliefsociety.lds.org

Onimaki, Utu, Buoka

Ara Tia Kamaiu, Iesu Kristo, e atongaki bwa ti Te Riki Temanna ibukina bwa ti ngaia te aomata n te aonaaba aei are bungiaki iroun tinana n te maiu n rabwata ao tamana ae aki mamate. E karekei mwaaka mai eta mairoun te Atua, Tamana. Mai Iroun tinana, Maria, E karekea rabwatana ae mamate ao e na rinanon te baki, te taka, korakai, maraki, ao te mate.¹

Ibukina bwa Iesu Kristo bon ti Ana Riki Temanna te Tama, E kona ni mate ao ni mangauti. E reirei booki aika tabu bwa “rinanon te mwakuri ni kamaiu iroun Kristo,” ti “karekea te mangauti” (Iakobwa 4:11). Ti reiakinna naba inanon booki aika tabu bwa a kona aomata ni kabane ni kautaki n te maiu ae aki mamate ao ni karekea te maiu ae akea tokina ngkana a na onimakinna (tara D&C 29:43).

Ngkana ti a ota raaoi riki bwa tera ae nanonaki ibukin Iesu n riki bwa Ana Riki Temanna te Tama, ara onimaki iroun Kristo e na rikirake. Unimwaane D. Todd Christofferson man te Kooram n Abotoro ae te Teungaun ma Uoman e taku, “te Onimaki iroun Iesu Kristo bon te onimaki ae matoatoa ao te koaua n (1) Arona ae Ti Ana Riki Temanna te Atua, (2) Ana Mwakuri ni Kamaiu ae Akea Tokina, ao (3) Mangautina ae Itiaki.”² Burabeti n taai aikai a tia ni kakoaua: “[Iesu Kristo] bon … ti Ana Riki Temanna n te maiu n rabwata, te Tia Kabooi Maiuia kaain Aonaaba.”³

Man Koroboki aika Tabu

Ioane 3:16; Doctrine ao Covenants 20:21–24; Moses 5:6–9

Man Ara Rongorongo ni Kawai

Ti wareki taekaia aine inanon te Nu Tetemanti, aika ti atai araia ao aika ti aki atai araia, aika a kamwakura te onimaki iroun Iesu Kristo, n reiakinii ao ni maeuakini Ana reirei, ao koauan Ana mwakuri, kakai, ao te karineaki. A riki aine aikai bwa banna ni katoto n ana reirei Iesu aika tikiraaoi ao taan kakoaua aika kakawaki n te mwakuri ni kamaiu.

Ibukin te katooto, e kaota ana koaua Mareta ae korakora ibukin te Tia Kamaiu ngke e kangai Nakoina, “I taku bwa e koaua bwa te Kristo Ngkoe, are Natin te Atua, are e roko i aon te aba” (Ioane 11:27).

Tabeman ana taan kakoaua te Tia Kamaiu n rikina bon Tinana, Maria, ao ai tarina Eritabeta. E aki maan imwin rokon te anera Kabiriera nakon Maria, e kawara Eritabeta. Ao ngke e ongo ingani Maria neiere Eritabeta, e “kaonaki ma te Tamnei ae Raaoiroi” (Ruka 1:41) ao ni kaota ana koaua bwa e na riki Maria bwa te tina nakon natin te Atua.

© 2013 iroun Intellectual Reserve, Inc. A bane n tauaki mwiin taian kariaia ibukin katotongana. Boretiaki n te USA. Kariaiakaki n te Ingiriti: 6/13. Kariaiakaki rairana: 6/13. Rairan teVisiting Teaching Message, December 2013. Kiribati. 10672 859

Tera ae I Kona ni Karaaoia?

Bukin tera bwa e kakawaki ibukiu bwa N na ata taben Iesu Kristo?
A kanga berita aika tabu ni kakorakora ara onimaki iroun te Tia Kamaiu?