2013
Ewe Angang mi Pin an Jises Kraist: Ewe Nau mi Anaemon
December 2013

Poraus seni Fefin Chon Amwa, December 2013

Ewe Angang mi Pin an Jises Kraist: Ewe Nau mi Anaemon

Anneaochu me ikiotek usun ekkei mettoch me kutta met kopwe aporausa. Ifa usun om weweiti usun manauan me angangen ewe Chon Amanau epwe tongeni anapano om nuku non I me efeiochu ekkewe aramas ka kan tumunu non om angangen an fefin chon amwa? Ren pwan ekkis poraus, kopwe nengeni reliefsociety.lds.org.

Sasing
Apungan Fin Anisi

Nuku, Famini, Aninis

Ach Chon Amanau, Jises Kraist, a iteni ewe Nau mi Anaemon pun I chok ewe emon a uputiw seni emon in mi tongeni mano me emon Sam ese tongeni mano. A angei pochokun mi pin seni Kot, Seman we. Seni inan we, Mary, A angei an tufichin mano, mi tongeni echik, kaka, pekus, metek, me mano.1

Pokiten Jises Kraist I noun ewe Sam we Anaemon, A tufichin watiw Manauan pwan angeisefanni. Ekkewe pukfel ra aitikich pwe me ren ewe achasefanin Kraist, sia angei manausefan (nengeni Jacob 4:11). Sia pwan kaeo pwe meinisin repwe feita non manau ese much ika pwe sipwe nuku (nengeni D&C 29:43).

Nupwen sia weweochu met wewen pwe Jises I Noun Semach we Anaemon, ach nuku non Kraist epwe napano. Elter D. Todd Christofferson seni ewe Mwichen Ekkewe Engon me Ruemon Aposel a apasa, “Nuku non Jises Kraist ina ewe pochokunen me pungupungen (1) An I ewe Noun Kot we Anaemon, (2) an Achasefan ese much, me (3) an wesewesen Manausefan.2 Soufosun ikenai ra pwarata: “[Jises Kraist] I … ewe Nau mi Anaemon non ewe futuk, ewe Chon Amanauen fonufan.”3

Seni ekkewe Pukfel

John 3:16; Doctrine and Covenants 20:21–24 Moses 5:6–9

Seni Ach Uruo

Non ewe Testamen Sofo sia annea usun fefin, mi wor iter pwan ekkoch ese wor iter, ra pwarata nuku non Jises Kraist, kaeo me manaueni An afanafan, me pwarata usun An afanafan fetan, fori manaman, me ningan. Ekkei fefin ra winiti chon kuno mi murrino me chon pwarata mi auchea non ewe anganen amanau.

Ren awewe, Martha a kapasen pwarata mi pochokun usun pinin ewe Chon Amanau nupwen a apasa ngeni I, “Ua nuku pwe en ewe Messiah, ewe Noun Kot, ewe epwe feito won fonufan” John 11:27

Ekkoch ekkewe akkaewin chon pwaratan pinin ewe Chon Amanau, ir Inan we, Mary, me tetenin pwin Elisabeth. Ekkis chok mwirin Gabriel a churi Mary, a pwan churi Elisabeth. Fansoun chok Elisabeth a rongorong an Mary kawpong, a “uren ewe Ngun mi Fel” (Luke 1:41) a pwan kapasen pwarata pwe Mary epwe winiti inan ewe Noun Kot.

© 2013 seni Intellectual Reserve, Inc. Meinisin pung mi kawor. A för non Amerika. Kapungunon non fosun Merika: 6/13. Kapungunon chiakun: 6/13. Chiakun Visiting Teaching Message, December 2013. Chuukese. 10672 901

Esinesin

  1. Nengeni Gospel Principles (2009), 52–53.

  2. D. Todd Christofferson, “Building Faith in Christ,” Liahona, Sept. 2012, 13.

  3. “The Living Christ: The Testimony of the Apostles,” Liahona, Apr. 2000, 2–3.

Met Ua Tongeni Fori?

  1. Pwata mi auchea pwe upwe weweiti wisan Jises Kraist?

  2. Ifa usun ach nuku mi tongeni napeno nupwen sia apwonueta ach kewe pwon mi pin?

Printini