2013
Mijen eo Ekwojarjar an Jisōs Kraist: Nejin Jitōn Bōro Emake Wōt
Tijem̧ba 2013

Naan in Katak an Kōrā, Tijem̧ba 2013

Mijen eo Ekwojarjar an Jisōs Kraist: Nejin Jitōn Bōro Emake Wōt:

Jar im katak ennaan in im pukōt n̄an jeļā ta eo n̄an kwaļo̧k. Ewi wāween meļeļe mour im mijen eo an Rilo̧mo̧o̧r eo naaj kōļapļo̧k tōmak eo am̧ ilo E im kōjeram̧m̧an ro otemjej kwōj oņaaki jen loļo̧k ko an kōrā? N̄an meļeļe ko reļļapļo̧k, etal n̄an reliefsociety.lds.org.

Pija
Jiiļ eo an Doulul eo an Kōrā

Tōmak, Baam̧le, Deeor

Ad Rilo̧mo̧o̧r, Jisōs Kraist, ņaetan Nejin Jitōn Bōro Emake Wōt kōnke E ej armej eo wōt ioon laļ in ļotak jān juon kōrā ewabanban im juon Jemen ejjab wabanban. Eaar jolet kajoor ko rekwojarjar jān Anij, Jemen. Jān Jinen, Mary, Eaar jolet mour wabanban im eaar pād ilo kwōle, maro, mōk, metak, im mej.1

Kōnke Jisōs Kraist ej Make wōt Nejin Jemen, Eaar maron̄ joļo̧k An mour im bar bōke. Jeje ko rekwojarjar rej katakin bwe “kōn pinmuur eo an Kraist,” jej “bōk juon jerkakpeje” (Jekab 4:11). Jej barāinwōt ekkatak ilo jeje ko rekwojarjar bwe aolep armej remaron̄ jerkak ilo jab wabanban im bōk mour indeeo eļan̄n̄e renaaj tōmak (D&C 29:43).

Ilo ad jino meļeļe eļapļo̧k kōn ta meļeļein n̄an Jisōs bwe ej Nejin Jemen Jitōn Bōro Emake wōt, tōmak eo ad ilo Kraist enaaj ļapļo̧k. Elder D. Todd Christofferson jen Doulul eo an Jon̄oulruo Rijilōk ro eaar ba, “Tōmak ilo Jisōs Kraist ej kapen im kam̧ool (1) kadkad eo An āinwōt Nejin Jitōn Bōro Emake Wōt, (2) Pinmuur eo An Eļap (3) Jerkakpeje eo An.”2 Rikanaan ro raan kein raar kam̧ool: “[Jisōs Kraist] eaar … Nejin Jitōn Bōro Emake wōt ilo kanniōk, Ripinmuur eo an laļ in.”3

Jān Jeje ko Rekwojarjar

Jon 3:16; Doctrine and Covenants 20:21–24; Moses 5:6–9

Jān Bwebwenato eo Ad

Ilo Kalim̧m̧ur M̧okta jej riit kōn kōrā ro, ro ewōr etaer im ro ejjeļo̧k, me raar kōjerbal tōmak ilo Jisōs Kraist, kar katak im mour kōn katak ko An, im kar kam̧ool kōn kwaļo̧k eo An, kabwilōn̄lōn̄ ko, im An utiej. Kōrā rein raar erom rijilōk ro rej waanjon̄ok im rikam̧ool ro raorōk ilo jerbal in lo̧mo̧o̧r.

N̄an waanjon̄ok, Marta eaar kwaļo̧k naan in kam̧ool eo ekajoor kōn kwojarjar eo an Rilo̧mo̧o̧r eo ke eaar ba n̄an E, “Ij tōmak bwe Kwe ri Kraist, Nejin Anij, Eo ej itok n̄an laļ in” (Jon 11:27).

Jet iaan rikam̧ool ro jinointata kōn kwojarjar eo an Rilo̧mo̧o̧r eo ej Jinen, Meri, im lio rilikin Elijabet. Jidik iien tokālik enjeļ Gabriel eaar lotok Meri, Meri eaar loļo̧k Elijabet. Ke Elijabet ej ron̄ iakweiakwe an Meri, eaar “obrak kōn Jetōb Kwojarjar” (Luk 1:41) im kwaļo̧k naan in kam̧ool bwe Meri enaaj erom mama n̄an Nejin Anij.

© 2013 jen Intellectual Reserve, Inc. Aolep jim̧we rej pād ippān. Jeje ilo USA. Kōmālim ilo kajin English: 6/13. Kōmālim an ukook: 6/13. Ukook eo an Visiting Teaching Message, December 2013. Marshallese. 10672 874

Kakeememej ko

  1. Lale Gospel Principles (2009), 52–53.

  2. D. Todd Christofferson, “Building Faith in Christ,” Liahona, Sept.

  3. “Kraist eo Emour: The Testimony of the Apostles,” Liahona, Apr. 2000, 2–3.

Ta Eo Imaron̄ Kōm̧m̧ane?

  1. Etke eaorōk n̄an eō n̄an meļeļe jerbal eo an Jisōs Kraist?

  2. Ewi wāween an tōmak ko ad eddōkļo̧k ilo ad kōjparok bujen ko ad?

Būriin