Pratham Adhyakshta ka Sandesh, January 2014
Ped Bone ka Sahi Samay
Puraane Rome mein, Janus shuruwaat ka parmeshwar tha. Use humesha do chehron se dekha jaata tha—ek piche dekhte huwe, dusra aage bhavishye ki or dekhte huwe. Kuch bhaashaaen January ke mahine ko uske naam se rakhte hai kyunki saal ki shuruwaat yaad karne aur yojna banane ka hota samay hota hai.
Hazaaron saalon baad, duniya bhar ke kai dalon ne naye saal par sujhaao banane ke parampara ko banaya hai. Sahi mein, sujhaao banana saral hai—use pura karna mushkil hai.
Ek aadmi jisne Naye Saal par lambi suchi ko banaya tha ne apne badhanti se achcha mehsoos kiya. Usne apne aap mein socha ki, “Abhi tak, mainne kam bhojan kiya, mainne apne gusse par kaaboo rakha, mainne kam karcha kiya, aur mainne ek baar bhi padosi ke kutte ki shikayat nahin ki. Magar aaj January 2 hai aur alaam abhi baja hai aur ab samay hai khaat se nikalne ka. Yah ek chamatkaar hoga yah sab kuch karte rehna.”
Shuruwaat Karna
Ek naya shuruwaat karne mein bahut asha hota hai. Main maanta hoon ki ek ya do baar hum sab dobara bina galti se shuruwaat karna chahate hai.
Main naye computar ko ek saaf hard drive ke saath chahata hoon. Kuch samay tak yah sahi tarah se chalega. Magar jaese hi din aur hafte beette aur bhi zyaada yojnaaen ismein daali jaati hai (kuch jaane mein, kuch anjaane mein), phir computar ki raftaar dhimi hone lagti hai, aur cheezein jo wah turant aur nipunta se karta tha ab ahista ho chuka hai. Kabhi kabhi ab wah kaarye karta hi nahin hai. Ab use shuruwaat karna bhi mushkil hai jab ki uska hard drive bekaar ke data aur bekaam ke kaarye se bhar chukein hai. Yahan par aesa samay hai jabki computar ko naye tarike se dobara shuruwaat karna padhta hai.
Insaan bhi isi tarah bekaar ke dar, sandeh, aur bhaari paap se bandh sakta hai. Jo galtiyaan humne ki hai (dono jaane aur anjaane mein) hamein bhaari lag saktein hain jab tak ki hum wah kaarye na karein jo hum jaantein hai ki hamein karna hai.
Paap ke vishay mein, ek ashcharyejanak kriya hai jise pashchataap kehte hai jo hamare andar ko saaf karta hai jisse humare hriday se bhoj hat jaata hai. Susamachaar, Ishu Masih ke chamatkaari aur dayaluta ke Praeschit ke dwara, hamein raasta dikhlaata hai ki hum kis tarah apne aatma ko paap ke daag se saaf kar sakte hai aur ek baar phir naye, saaf, aur ek masoom shishu ki tarah ban saktein hai.
Magar kabhi kabhi kuch cheezein hamein niche gira deta hai aur hamein thaam leta hai, nishfal soch aur kaarye ko karata hai jisse hamein shuruwaat karna mushkil lagta hai.
Hamare Andar ki Achchai ko Baahar Nikaalna
Lakshye banana ek avashyak koshish hai. Hum jaante hai ki hamare Swarg ke Pita ke paas lakshye hai kyunki Usne hamein yah batlaya hai ki Uska kaarye aur mahima hai ki “insaan ko amarta aur anant jiwan se guzarna hai” (Moses 1:39).
Hamare vyaktigat lakshye hamare andar ki achchaai ko baahar nikaal sakta hai. Haalaanki, ek cheeze jo hamein apne vichaar ko banane aur nibhaane mein sankat deta hai wah hai der karna. Kabhi kabhi hum shuruwaat der se karte hai, sahi samay ki shuruwaat ke liye—saal ke pehle din, garmi ke shuruwaat mein, jab hum Bishop ya Sahayak Sanstha pradhaan niyukt hote hai, jab bachchein skool jaane lagenge, jab hum kaam chodh denge.
Tumhe tumhare sachche lakshye ki or badne ke liye koi nimantran ki zaroorat nahin hai. Tumhe koi aagya ki zaroorat nahi hai wah banne ke liye jo tumhe banna hai. Tumhe Girjaghar mein sewa karne ke liye nimantran ka intazaar nahin karna hai.
Hum kabhi kabhi apne jiwan ke kai saal ko barbaad kar detein hai chune jaane ke intazaar mein (dekhiye D&C 121:34–36). Magar yah ek jhuta soch hai. Tum pehle se chune gaye ho!
Mainne apne jiwan mein kuch raate bina soye guzaari hai vishayon, chintaaon, ya vyaktigat gumon mein bandh kar. Magar chaahe kitna bhi andheri raat ho, mujhe hamesha yah aashwaasan rehta hai ki: subha suraj zaroor niklega.
Har ek naye din ke saath, ek naya subha hota hai—sirf dharti ke liye nahin magar hamare liye bhi. Aur ek naye din ke saath naya shuruwaat hota hai—shuruwaat karne ka naya mauka.
Magar Kya Agar Hum Haar Jaatein Hai?
Kabhi kabhi jo cheez hamein piche ghichti hai wah hai dar. Hamein dar rehta hai ki hum kahin asafal na ho jaae, ki hum safal honge, ki hamari beizati hogi, ki safalta hamein badal degi, ya un logon ko badal degi jinhein hum pyaar karte hai.
Aur phir hum intazaar karte hai. Ya asha chod dete hai.
Ek aur cheez hamein yaad rakhna hai jab lakshye banane ka samay aata hai wah hai: Hum asafal ho sakte hai—thode dinon ke liye. Magar himmat khone se achcha hai ki, hamein shakti mil sakta hai kyunki yah samajh bilkul sahi hone ki peeda ko abhi ke liye dur kar deta hai. Yah shuruwaat se hi batlaata hai ki ek samay ya dosra, hum asafal ho sakte hai. Yah shuruwaat se jaanne se asafalta ki achambhe aur haarne ki soch ko dur kar deta hai.
Jab hum apne vichaar ko is tarah rakhte hai, asafalta ki koi ummeed nahi hoti hai hamein rokne ki. Yaad rakho, agar hum apne ummeed par safal nahi hote, wah safalta usi samay nahin haasil kar paatein, hum wah raasta bana letein hai jo us safalta ki or le jaata hai.
Aur yah zaroori hai—is ka bahut mahatwa hai.
Chahe hum antim rekha tak na pahunch paaye, safar tae karte rehne se hamein pehle se zyaada himmat praapt ho sakta hai.
Sabse Achcha Samay Shuruwaat Ka Abhi Hai
Ek purana proverb kehta hai, “Sabse achcha samay pedh bone ka 20 saal pehle tha. Dusra sabse achcha samay abhi hai.”
Yahan ashcharyejanak aur ashaajanak cheez yeh shabd abhi hai. Yahan par kuch sachchaai ko shakti deta hai ki agar hum abhi chunne ko sochte hai, hum isi samay aage badh sakte hai.
Abhi hi wah samay hai jab hum shuruwaat kar saktein hai wah banne ke liye jo hum chahatein hai—naaki abhi se 20 saal baad balki sabhi ananta ke liye.
© 2014 by Intellectual Reserve, Inc. Pure adhikaar surakchit. USA mein chaapa gaya. Angrezi swikriti: 6/13. Anuwaad swikriti: 6/13. First Presidency Message, January 2014. Hindi/Fiji. 10861 298 ka anuwaad
Is Sandesh Mein se Shikshan
Pradhaan Uchtdorf ne samjhaya ki jab hum apne vichaar ko pura nahin kar paatein, “hamein shakti mil sakta hai. … Chaahe hum ant tak safal na ho, safar par chalte rehne se hamein pehle se zyaada shakti praapt ho sakta hai.” Parivaar ke sadasyon ko apne anubhavon ko baatne ko kaho jismein unhonne aur zyaada sikha hai karne se naki uske safalta se, jaise ki skool se graduate hona ya ek puruskaar praapt karna.