Klumech er a First Presidency, Kot el Buil 2014
Sel Kot el Ungil Belsechel a Omelalem el Kerrekar
A irechar er a beluu er a Rome, e a Janus a mle dios er a uchelel a bek el tekoi. Ng blechoel el mlocholt el eru medal—a imong a omes el bedul uriul, e a imong a omes el bedul uchei el mo er a ngarmedad. A bebil er a omelekoi a milngeklii a Kot el Buil el oltirakl er a ngklel e le a uchelel a rak a mle belsechel a omes a rokui me a ikel ngii a mo kedmekill.
Ng betok el telael el rak ruriul, eng betok el beluu er a beluulechad a melemolem er tial siukang el omes a soad el mo meruul er a chelsel a beches el rak. Ng uaisei, el omes a soad el mo meruul a beot—eng di a omengedmeklel a ikal soad a kuk ngodech a teletelel.
A ta er a chad el liluches a betok el soal mo meruul er a Beches el Rak a kmal mle ungil a rengul er a otireklel. Ng ulemdasu el kmo, “Kelteketel, er a kultirakl er a ungil omengelek, e dirkak a tang me lengasech a renguk, e kerekikl omengitel a udoud, e dirkak a tang me kuutoketok er a retonari el kirel a chermir el bilis. Eng di chelechal sils eng ongeru el kebesengil a Kot el buil me a alarm a melbusech meng mla mo kirek el mekiis. A kuusbech a ongasireng el mo melemolm el meruul a ikal tekoi.”
Lmuut er a Uchelel
Nga er ngii a kmo ngerang el meskid a urunguled sel domuchel el beches. A kumdasu e ngar er ngii a tang me blel soad el omuchel el beches er a uchelel.
Ng soak el nguu a beches el computer el obang a beches el hard drive. El kmal ungil loureor. Eng di omerolel a sils me a sandei el mong mel betok el prokuram a soiseb er a chelsel (a bebil a dodengi el millechang, e a bebil a diak), e tial computer a dikea lungil merael, a ikel lulengedmokl el mle mereched e ungil a meudang. E a lebebil er a taem eng diak loureor. Me sel dorrael er ngii a klunga el ureor sel sekum me a hard drive a mla mo mui er a betok el cheliseksikt me a diak a ultutelel. A bebil e a dita el rolel a mo lmuut el rulii tial computer e lmuut el omuchel er a uchelel.
A rechad a dirrek el sebechir el mo cheliseksikt er a dakt, rraureng, me a berredel a klengit. A chelbirukl el bla deruul (el mlar ngii er a rengud me a diak) a sebechel mekberedid el mo imis el mo meringel er kid el meruul a dodengei el kired el meruul.
A denguu er a klengit, e ngarngii a kmal ungil el kedmekill el okedongall el kmo ouchelreng el ngii a techall el mo meledaes a cheliseksikt el omekberaod a rengud. A ebangkelio, el okiu ongasireng me a klechubechub el Tngakireng er a Jesus Kristo, a ochotid el kmo ng mekerang a domekbeches a rengud me a bedenged er a cheisech er a klengit me kede lmuut el mo beches, klikiid, e kedung el di ua ngalek.
Eng di a le bebil eng morngii a mo mekmeudid ma lechub eng orkedid, el mo uchul a mekngit el uldasu me a omeruul el rullii meng mo meringel er kid el mo omuchel.
Ochotii Sel Ngii a Kot el Klungioled
A kudmeklii a uldasu el soad el mo meruul a ungil teletael. Kid a medengei el kmo a Demad er a Babeluades a ngarngii a moktek er ngii eleng mla ouchais er kid el kmo a urerel me a klebkellel a mo kudmeklii a diak el mad el klengar me a diak a ulebengelel klengar er a chad (mesaMoses 1:39).
A moktek er kid a sebechel lochotii sel kot el klungioled. Eng di, a ta er a tekoi el oridii a blakelreng er kid er a omengedmeklel me a otireklel a uldasou el soad el mo meruul a mengudel a blachel. A lebebil e ke domekmeoud er kid el omuchel, e mengiil er a mo ungil belsechel e kede mochu omuchel —er sel kot el sils er a beches el rak, uchelel a summer, sel de mokedong el mo bishop malechub a merredel er a Relief Society, uriul er a rengalek a le siseb er a skuul, uriul er a ulebongel er kid el oureor.
Ng diak mousbech a ongit el mei er kau ruchei er a omomuchel el bedul a melemalt el moktek er kau. Ng diak a belkul mongiil er a kengei er a omerollem el mo ngkel kau a ruul el kirem el mo ngii. Ng diak a belkul mongiil el mo mongit el mo mesiou er a chelsel a Ikelesia.
Ng sebeched a lebebil er a taem e kede chemoit a betok el rak el mengiil el mo mengilt (mesa D&C 121:34–36). Eng di tiang a cheleuid el tekoi. Kau a mla mengilt!
Ngar er ngii er a chelsel a klengar er ngak el diak a cheliuek el omdasu a ngarngii el tekoi, sebekreng, malechub a kngtil a renguk. Meng diak el iior er a ilkelkel a klesebei, e le tiakid a blechoel el kilungii a renguk: sel bol tutau e a sils a ngmasech.
A bek el beches el sils, a meskid a beches el uchelel—el diak el di el bora beluulechad ng dirrek el mei er kid. Me tia el beches el sils obengkel a beches el uchelel— el techall el lmuut el omuchel.
Eng di ng Mekerang Alsekum Eng Mo Diak el Sebeched?
A lebebil e sel mo torbengid a dakt. Ke de locha medakt el diak bo dungil, ke de mo ungil, kede locha mo merur, a klungiaol el denguu altang mo ngodechid, malechub eng ngmodech a rengrir a rebetik er a rengud.
Me kede mengiil. Malechub e kede kimer.
A ta er a tekoi el kired el mo melbedebek er ngii sel dongedmokl er a mo moketk er kid a tiakid: Ng sebeched el mo diak dotaut—e tiang a di kedeb el taem. Eng di lak bol mesaul a rengud, e leng sebeched el mo mesisiich le tial klemedengei a ngubetid er a dongerchir er ngii el ual kired el mo ungil er chelechang. Tiang ouchais er a kot luchul el kmo ngarngii er a chelsel a bebil er a sils, eng mo diak el sebeched. A klemedengei er tial tekoi er a uchelel a nguubet a betok el mechas a rengud er ngii el tekoi malechub a mesaul a rengud er ngii.
Sel bocha dongedmokl a moktek lokiu tial teletael, e a duleiit el tekoi a diak el bol ngesengesid. Bo molebedebek el kmo, me sel dikea el sebeched el mor sel, soad el mor ngii er a mereched el taem, e ke de mla kudmeklii a telkib el ngoikid el mo er sel moktek er kid.
E tiang a ngarngii a ultutelel—e klou a belkul.
Me a lta e kede mo kedeb er sel kired el mo er ngii, eng di a omolemolem er tial rael a ruliid el mo oikab lungil er a mla memong.
A Ungil Belseched el Omuchel A Chelechang
A uodel el tekoi a kmo, “A ungil belsechel a omelalm el kerrekar a lluich el rak er a memong. Sel ongerung-lungil belsechel a chelechang.”
Ngarngii a kmo ngerang el ungil e meskid a doureng el ngara tekoi el chelechang. Ngar ngii a omelisiich el denguu el kirel tiang alsekum kede melilt e tibir er chelechang, eng sebeched el merael bedul uchei er a di chelechal taem.
Chelechang a kot el ungil belsechel el domuchel el mo ngkel ngii a soad el mo ngii—el diak el di lluich el rak er medad ng bai dirrek el mo bedul a diak a ulebengelel.
© 2014 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/13. Kengei er a oidel: 6/13. Oidel a First Presidency Message, January 2014. Palauan. 10861 881
Osischeklel Tia el Klumech
President Uchtdorf a silodii el sel sekum meng mo diak el sebeched el kudmokl a moktek er kid, “eng sebeched el nguu a omelisiich. … Me a lta e kede mo kedeb er sel kired el mo er ngii, eng di omolemolem er tial rael a ruliid el mo oikab lungil er a mla memong.” Molengit er a rengara telungalek me bo louchais a bla el ngarngii el teletael el mlo subii a klou er a chelsel omerolir er a ikel kuk el siluub er a le merko omerolir, el uaia tebedir er a skuul malechub a omelai el nguked.