Klumech er a Oldingel e Olisechakl, Kot el Buil 2014

Chedaol el Urerel a Jesus Kristo: Okesiu

Mosuub er tial klumech loba nglunguuch e mosiik el mo medengei a kirem el mo ouchais. Ng mekera klemedengei er kau er a klengar me a urerel a Osobel a le choisisii a klaumera er kau er Ngii e lomekngeltengat er tirkel momekerreu er tir lokiu a oldingel e olsisechakl. A lmuut el bebil er a omesodel, e bo er a reliefsociety.lds.org.

Klaumerang, Telungalek, Ngeso

Sel bo dodengei el kmo a Jesus Kristo a okesiud er a rokui, eng sebeched el choisisii a klemeriar reng er kid el mo oltirakl er Ngii. A chedaol llechukl a mui er a odbechel a reng el kired er a otireklel a blekeklel a Kristo. Mo er a re Nephites, e a Kristo a dilung, “Le a ikei el bla mosekak el meruul, aikei chobo moruul” (3 3 Nephi 27:21). A lullekoi el mo er a Thomas, e a Jesus a kmo, “Ngak a rael, e klemerang, e klengar; ng diak a chad el mor a Chedam, a lak lokiu ngak” (Johanes 14:6).

Chelechang e a roungerachel er kid a omeklatk er kid el mo nguu a Osobel el mo okesiud. A Linda K. Burton, el merredel er a cherrengelel a Relief Society, a millekoi, “Sel sekum me a derta er kid a mla nguu a osisecheklel a Tngakireng e luchesii er a chelsel a rengul, e kede mocha omuchel el mo rechad el Rubak a soal kid a bo de uai tir.”¹

A President Thomas S. Monson a dilung, “A Rubak el Osobeled, el Jesus Kristo, a Okesiud e klisiched.”²

Mei e de tibir el mo olekeed er kid er a Jesus Kristo, e mo mengull a llechul, e blak a rengud el lemuut el mo er a Demad er a Babeluades.

Ngara Chedaol Llechukl

2 Nephi 31:16; Alma 17:11; 3 Nephi 27:27; Moroni 7:48

Ngara Reksi er Kid

“Ngii a ulechotii a rael e uleba medal omerael,” ng milluches a Eliza R. Snow, el ongerung el merredel er a cherrengelel a Relief Society, er a odngelel er a beluulechad a Jesus Kristo.³ Ng ulsisechakl er a re derta el chad—el ta me a tang. Ng ulsisechakl el kired el mo oititerir a re oketiu me a tetiu e mo olsobel er a imong el cheridang (mesa Lukas 15:3–7). Ng ulemekungil e ulsisechakl er a derta el chad, el chiloit a temel er a derta el chad er a chelsir a rebetok el 2,500 el chad (mesa 3 Nephi 11:13–15; 17:25).

Meng millekoi el kirir a Ruriul-klebesei el Santo el redil, e a President Dieter F. Uchtdorf, el Ongerung el Counselor er a First Presidency, a kmo: “Kemiu el ungil odos a chemoit a blekekouii el omesiou el mo er a rebebil el uchul aikal omeruul a klou el mo klungioled. Ngokiu a ikaidid e kemiu a omekesiu er a Osobel. … A uldesuel a blechoel el bedul olngeseu er a rebebil.”⁴

© 2014 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/13. Kengei er a oidel: 6/13. Oidel a Visiting Teaching Message, January 2014. Palauan. 10861 881