2014
Jesus Christ No Dwuma a Ofi Sor: Fasusu Pa Kandzifo
Sanda 2014

Visiting Teaching Amandzɛɛbɔ, Sanda 2014

Jesus Christ No Dwuma a Ofi Sor: Fasusu Pa Kandzifo

Mpaabɔ mu ara sũa adzesũadze yi na hwehwɛ dɛ ibohu dza ibɛkyɛ. Eretse Agyenkwa N’abrabɔ na dwuma ase no besi dɛn ato wo gyedzi mu wɔ No mu na ehyira hɔn a edua visiting teaching do ihwɛ hɔn do no? Ho nsɛm mbordo no, kɔreliefsociety.lds.org

Gyedzi, Ebusua, Mboa

Sɛ yɛtse ase dɛ Jesus Christ yɛ hɛn fasusu wɔ adze nyinara mu a, hɛn pɛ dɛ yɛbɛkã No do no benyin. Nkuranhyɛ dɛ yebetsiatsia Christ N’anamɔn mu no hyɛ kyerɛwsɛm no mu mã. Christ see Nephifo no dɛ, “Na ndwuma a hom ehu me dɛ meyɛ no ɔnoara na hom so nyɛ” (3 Nephi 27:21). Jesus see Thomas dɛ, “Emi nye ɔkwan no, nye nokwar no, nye nkwa no; obi mmba Egya no hɔ, gyedɛ ɔnam mo do” (John 14:6).

Ndɛ hɛn banodzifo kaa hɛn dɛ yɛma Agyenkwa no nyɛ hɛn fasusu. Linda K. Burton, wiadze mfɛndzanan Relief Society president no akã dɛ, “Sɛ hɛn mu kor biara wɔakyerɛw Werdambɔ nkyerɛkyerɛ no wɔ hɛn akoma no bun mu a, obegya hɛn ma yɛahyɛ ase abɛyɛ nkorɔfo kor a Ewuradze pɛ hɛn dɛ yɛbɛyɛ no.”1

President Thomas S. Monson kãa dɛ, “Hɛn Ewuradze na hɛn Agyenkwa, Jesus Christ, nye hɛn Fasusu pa kandzifo nye hɛn ahoɔdzen.”2

Hom mma yensi pi dɛ yɛbɔtwe abɛn Jesus Christ, yedzi Ne mbrasɛm do, na yesi nketse dɛ yɛbɛsan akɔ hɛn Ɔsor Egya hɔ.

Fi Kyerɛwsɛm no mu

2 Nephi 31:16; Alma 17:11; 3 Nephi 27:27; Moroni 7:48

Fi Hɛn Abakɔsɛm mu

Eliza R. Snow, wiadze mfɛndzanan Relief Society president a otsĩa ebien, kyerewee faa Jesus Christ No honanduamu somdwuma ho dɛ: “Ɔno na ɔbɔɔ kwan no na Odzii Enyim.”3 Ɔsoom ankorankor —nkorkor. Ɔkyerɛkyerɛɛ dɛ ɔsɛ dɛ yegya eduokron akron no hɔ na yɛkɛgye ɔbaako no a ɔayew no (hwɛ Luke 15:3–7). Ɔsãa yarba na Ɔkyerɛkyerɛɛ ankorankor, na onyaa mber maa nyimpa kor biara wɔ nyimpadodow 2,500 mu (hwɛ 3 Nephi 11:13–15; 17:25).

President Dieter F. Uchtdorf, Ɔpamfo a Otsĩa Ebien wɔ President a Odzi Kan na n’Apamfo mu no, akã afa Nda a Odzi Ekyir mbaa ho dɛ: Hom mbaa nwanwafo som binom mbɔbɔrhu mu wɔ siantsir ahorow a ɔtra wobenya hom ankorankor mfaso ara. Iyi mu no hom sũasũa Agyenkwa no. … Daa nna N’adwendwen adan kɔ Ɔroboa binom.”4

© 2014 Intellectual Reserve, Inc. Wɔakora do tumdzi nyina USA na wotsintsimii. English approval: 6/13. Translation approval: 6/13.Translation of Visiting Teaching Message, January 2014. Fante.10861 502 ne nkyerɛasee

Nsɛnsin

  1. Linda K. Burton, “Is Faith in the Atonement of Jesus Christ Written in Our Hearts?” Ensign anaa Liahona, Ɔberɛfɛw 2012, 114.

  2. Thomas S. Monson, “Meeting Life’s Challenges,” Ensign, Ɔberɛfɛw 1993, 71.

  3. “Ebɛn Nyansa Na Ɔdɔ Kɛse Nye [y]i,” Asɔr Ndwom, nkanee 16.

  4. Dieter F. Uchtdorf, “Happiness, Your Heritage,” Ensign anaa Liahona, Ɔberɛfɛw 2008, 120.

Ebɛnadze na Mubotum Ayɛ?

  1. Dɛn ntsi na ebɛn kwan do na Jesus Christ yɛ me fasusu pa ɔkandzifo?

  2. Osi dɛn na morosom nkyerɛmbaa a mesera hɔn no botum aboa me ma makã Agyenkwa no do?