Messaġġ tal-Għalliema taż-Żjajjar, Jannar 2014

Il-Missjoni Divina ta’ Ġesù Kristu: Eżemplari

Bl-għajnuna tat-talb studja dan il-materjal u fittex sabiex tkun taf x’ għandek taqsam ma’ ħutek. Kif jista’ l-għarfien tiegħek tal-ħajja u tal-missjoni tas-Salvatur jgħinek tkabbar il-fidi tiegħek fih u tbierek lil dawk li int responsabbli minnhom permezz tat-tagħlim taż-żjajjar? Għal aktar informazzjoni żur reliefsociety.lds.org.

Fidi, Familja, Għajnuna

Dan huwa parti minn serje ta’ Messaġġi tal-Għalliema taż-Żjajjar li jitrattaw aspetti mill-missjoni tas-Salvatur.

Hekk kif nifhmu li Ġesù Kristu huwa l-eżempju tagħna f’ kollox, aħna nistgħu nkabbru x-xewqa tagħna li nimxu warajh. L-iskrittura mimlija b’ inkuraġġiment għalina sabiex nimxu wara l-passi ta’ Kristu. Lin-Nefiti, Kristu qalilhom, “Għax dak li rajtuni nagħmel hekk ukoll għandkom tagħmlu intom” (3 Nephi 27:21). Lil Tumas, Ġesù qallu, “Jiena hu t-triq, il-verità u l-ħajja: ħadd ma jmur għand il-missier jekk mhux permezz tiegħi” (Ġwanni 14:6).

Illum il-mexxejja tagħna jfakkruna sabiex inħallu lis-Salvatur ikun l-eżempju tagħna. Linda K. Burton, il-president ġenerali tas-Soċjetà tal-Għajnuna, qalet, “Meta lkoll kemm aħna jkollna d-duttrina tal-Att tal-Fidwa minquxa fil-fond ta’ qalbna, imbagħad nibdew insiru t-tip ta’ bnedmin li jridna nsiru l-Mulej.”¹

Il-President Thomas S. Monson qal, “Il-Mulej u s-Salvatur tagħna, Ġesù Kristu, huwa l-Eżemplari tagħna u l-qawwa tagħna.”²

Ejjew niddeċiedu li nersqu viċin Ġesù Kristu, nobdu l-kmandamenti Tiegħu u nagħmlu dak kollu li nistgħu sabiex nerġgħu lura għand Missierna tas-Smewwiet.

Mill-Iskrittura

2 Nephi 31:16; Alma 17:11; 3 Nephi 27:27; Moroni 7:48

Mill-Istorja Tagħna

“Huwa fassal il-mogħdija u wriena t-triq,” kitbet Eliza R. Snow, it-tieni president ġenerali tas-Soċjetà tal-Għajnuna, dwar il-ministeru mortali ta’ Ġesù Kristu. ³ Huwa amministra lill-bnedmin—wieħed, wieħed. Huwa għallem li għandna nħallu lid-disgħa u disgħin sabiex insalvaw lil dak il-wieħed li qabad it-triq żbaljata (ara Luqa 15:3–7). Huwa fejjaq u għallem lill-bnedmin individwalment, saħansitra ddedika ħin għal kull persuna f’ folla ta’ 2,500 ruħ (ara 3 Nephi 11:13–15; 17:25).

Dwar in-Nisa Qaddisin tal-Aħħar Jiem, il-President Dieter F. Uchtdorf, it-Tieni Kunsillier fl-Ewwel Presidenza, qal hekk: “Intom ja nisa meraviljużi, tagħtu servizz kompassjonali lill-oħrajn għal raġunijiet ferm akbar milli biex tapprofittaw ruħkom personalment. F’ dan intom tixbhu lis-Salvatur. . Ħsibijietu dejjem kienu ffokati li jgħin lil ħaddieħor.”⁴

© 2014 by Intellectual Reserve, Inc. Id-drittijiet kollha riservati. Stampat fil-Ġermanja. Approvazzjoni bl-Ingliż: 6/13. Approvazzjoni tat-traduzzjoni: 6/13. Traduzzjoni ta’ Visiting Teaching Message, January 2014. Maltese. 10861 159

Noti

1. Linda K. Burton, “Is Faith in the Atonement of Jesus Christ Written in Our Hearts?” Ensign jew Liahona, Nov. 2012, 114.

2. Thomas S. Monson, “Meeting Life’s Challenges,” Ensign, Nov. 1993, 71.

3. “How Great the Wisdom and the Love,” Hymns, no. 195.

4. Dieter F. Uchtdorf, “Happiness, Your Heritage,” Ensign jew Liahona, Nov. 2008, 120.

X’ Nista’ Nagħmel?

1. Għaliex, u kif, Ġesù Kristu huwa l-eżemplari tiegħi?

2. Għaliex meta jiena namministra lil ħuti li jiena nżur jiena nkun qed nimxi wara s-Salvatur?