Gonelalai

iSema ni Loloma

Me qai vukei iko e dua na qase ni kotiva e 28 na tiki ni pepa mamare, me rauta ni dua na idi (2.5 cm) na kena raba ka rauta ni 8 na idi (20 cm) na kena balavu yadua. Vakayacora e dua na itavi ni veiqaravi ena veisiga ni vula oqo, mo vakaraitaka kina na nomu lomana e dua. Ko na rairai vukei rau na nomu itubutubu ena samaki ni nomudou vale se vola e dua na ivola vinaka vua e dua e tiko volekati iko.

Vola na iwalewale ni nomu veiqaravi ena veisiga ena dua vei ira na tiki ni nomu pepa, ka qai vesuka se semata vata na mua ni pepa me rawa ni dua na wirini. Sa rawa ni o vakasotara vata na nomu wirini ena vakacurumi ni dua na mua ni tiki ni pepa vou ki na wirini mai na siga ena noa ni bera ni o vesuka se semata vata na mua ni pepa vou. Raica ni tubu na isema ni nomu loloma! Sa rawa vakakina mo kuria na tomani ni isema ni nomu veiqaravi ni sa cava na Feperueri.