Iwaad
Ndaeyo eke Utom nwam
Andiwet odung ke Virgina, USA
Ndaeyo kiet Ami nkenam utom ke esen idut ye mme nkpri ndito emi eyomde sanga-sanga unwam. Ke akpa ini emi nkesobode ye mme nkpri ndito emi, nnyekidem ama anam mi. Ami nkekemeke nditing usem mmo, edi ami mmanyene mbuotidem ke spirit eyeno mi ndausung ke kpukpru mme nneme nnyin. Nte Ami ndiongode mme nkpri ndito emi kiet kiet, Ami mma ndifiok nte ke usem idige nkpo eke obiongode ima. Ami mmabre mbre, nsak imam, nyung nwut nkpri ndito nte enamde usosoi nkpo ke ubok ndien mmanyene akamba ima nno mmo. Ami nkut ima eke Ete nnyin ke Enyong enyenede ono ndito Esie, ndien idara emi oyohode esit mi nkekemeke nditing.
Adanga ini nnode mbon efen unwam, ima odu ono mmo eke Ami nnamde nkpo nno ye Ete nnyin ke Enyong nko. Ke akpaniko Ami mmofiok nte “kini mbufo enamde utom unwam eno mbon efen mbufo enam utom nko eno Abasi” (Mosiah 2:17). Ntak emi nnode utom unwam, mme ekepedi akamba utom mme ekpedi nkpri utom mfonido, edi ndino Abasi ubong (kese Matthew 5:16). Ami mmenyene idoreyin ke adanga nte Ami nnode mbon efen unwam, mme owo eyefiok ima emi Ami nyenede nno Ete nnyin ke Enyong ye unwana Abasi emi ayamade ke esit mi.