Etop eke First Presidency, Ofiong Iba eke isua 2014
Ndinam Utom nno Abasi ke Ima
Obong Jesus Christ ekekpep ntem ete “Owo ekededi eke ediyomke ndinyanga uwem esie eyeduok enye, edi owo ekededi eke ediduoke uwem esie kabanga mi, kpa owo oro eyenyanga uwem esie’’ (Luke 9:24).
“Ami mmenim ke akpaniko,” nte President Thomas S. Monson eketingde, “Andinyanga eting ono nnyin ete ibohoke nnyin iduok uwem nnyin ke ndinam utom unwam nno mbon efen, ntak emi nnyin idude uwem iduhe. Mmo emi edude uwem eno idem mmo ikpong usen kiet eyeyeme enyung eduok uwem mmo , edi mmo emi ediduokde uwem mmo ke ndinam utom unwam nno mbon efen eyekori enyung esiaha —ndien ke ntem eyenyanga uwem mmo.1
Ke nditiene mme utom emi President Monson akanamde, enye ama eti mme Latter-day Saints ete ke mmo edi Ubok Abasi ndien ke nsinsi edidiong ke ebet mmo emi enamde utom unwam eno mbon efen ke esit akpaniko.
Utom Unwam ke Temple
“Edi akwa unwam ndino kini nnyin inamde utom unwam ino mmo emi ema ekebe efep ke ererimbot emi eke mmo mikemeke ndinam nno idem mmo aba. Ke ediwak ini nnyin ifiokke owo emi nnyin inamde utom emi ino. Nnyin iyomke mmo eno nnyin ekom, inyung ifiokke mme mmo eyebo utom emi nnyin inamde ino mmo. However, we serve, and in that process we attain that which comes of no other effort: we literally become saviors on Mount Zion. <TARGETKe ntre, nnyin inyene ndinwam, ndien ke uto usung emi nnyin isim ndaha eke miyomke ukeme efen: nnyin ikabade idi mme andiyanga ke Obot Zion. Nte Andinyanga nnyin akayakde uwem Esie nte akamba uwa ono nnyin, ntre nko nnyin, inyene ndinam ukem emi ke nkpri usung kini nnyin inamde utom ke temple ino mmo emi minyeneke nka iso aba ibohoke mmo emi edude ke ererimbot enyene se enamde eno mmo.”2
Nnyin Idi Ubok Abasi
“Ndito eka iren ye iban, mmo emi ekande nnyin ekuk edi mmo emi eyomde nting enyin,osongo, unwam, idongesit, mfonido nnyin—mme mmo ekpedi mbon ufokidung nnyin, ufan, mmo emi nnyin ifiokde ye isen owo. Nnyin idi Ubok Abasi ke ererimbot, emi ibode ubiong utom ndinam utom unwam ye ndimenede ndito Esie. Enye enyene idorenyin ke idem nnyin kiet kiet. …
“Utom ndino unwam emi ekekotde kpukpru nnyin esin edi utom eke Obong Jesus Christ.”3
Ndinam Utom Unwam ke Mbukpong Andinyanga
“Ke nkang New World, Obong nnyin emi ekesetde ke mkpa eketing ntem, ‘Mbufo emefiok nkpo eke mbufo enyenede ndinam ke ufok Abasi mmi; koro mme utom eke mbufo ekutde nte ami nnam enam kpa ntre; koro nkpo eke mbufo ekutde nte ami nnam mbufo edinyung enam ukem oro’ [3 Nephi 27:21].
Nnyin ino mbon efen edidiong adanga nte inamde utom ke mbukpong ‘Jesus eke Nazareth… emi Enye akasangade ke ebiet anam nti utom ono owo. [Acts 10:38]. Abasi odiong nnyin ke ndikut idaresit ke edinam utom unwam nno Ete nnyin ke Enyong nte nnyin inamde utom ino ndito Esie ke ererimbot.”4
Ufon ke Ndinwam
“Ofon ndino nnyin ufang ndinam utom unwam. Ke otu mme mbon ufok Abasi emi ekeworode ekpong nsin ifik ye mmo emi emumde idem ye mmo emi miyomke ndisin ifik ke utom, nnyin inyene ndibong akam nyom usung ndida nsim mmo idem. Ndidoho mmo ete enam utom ke itie ekededi ekeme ndidi nkpo emi mmo edidade efiok ufon ndifiak nyene nsin ifik. Edi mme adausung emi ekpenode unwam ke nkpo emi isiyomke ndinam ntre ediwak ini. Nnyin inyene ndifiok ke esit nnyin ete ke owo ekeme ndikpuho. Mmo ekeme ndisiongo idem mmo mkpong mme idiok ndumehe. Mmo ekeme nditua nkpofiok ke mme ndudue mmo. Mmo edot ndikama itie oku. Mmo ekeme ndinam utom nno Abasi ke ofuri esit.”5
Nte Nnyin Imenam Kpukpru se Nnyin Ikpenamde?
“Ererimbot eyom unwam nnyin. Nte nnyin imenam kpukpru se nnyin ikpenamde? Nte nnyin imeti iko eke President John Taylor: ‘Edieke mbufo mminamke utom ke mme itie eke ekotde mbufo esin ke ofuri esit, Abasi eyebiom mbufo ikpe abanga mmo emi mbufo ekpenyangade edieke mbufo ekpenamde utom mbufo’? Mme Ukpebnkpo eke Mme Ada Ibuot Ufok Abasi: John Taylor(2001), 164]. Mme ikpat odu emi eyomde nsongonda, mme ubok se emum, mme ekikere eke eyomde ndongesit, mme esit eke eyomde edimenede, ye mme ukpong emi eyomde erinyanga. Nsinsi edidiong ke ebet fi. Ufang emi enode mbufo idige ndida nte owo emi esede nkpo ikpong edi ndibuana ke ndinam… utom unwam.”6
(c) 2014 emi otode Intellectual Reserve, Inc. Emenim kpukpru unen. Ekeming ke USA. Enyimme eming ke Iko Mbakara:6/13. Enyimme Ndikabare: 6/13. Edikabare eke First Presidency Message, February 2014. Efik. 10862 553.
Ukpeb nkpo eketode Etop Emi
“Edieke mbufo enyenede ima Christ, mbufo eyenyene mbengidem ndikpeb iko Abasi. Mbufo eyebo odudu ke ndino mbon efen unwam ndifiok nyung ntiene Andinyanga.”7 Kere banga ndibong akam man okori ke edinyene ata ima nno mmo emi mbufo ekade ndise. Nte mbufo enyenede ima Christ eno mmo, mbufo eyenyene akamba ukeme ke edinam utom ke ediwak nti usung nno Abasi ye mme emi mbufo ekpebde.