Klumech er a First Presidency, Ongerung el buil 2014
Mesiou er a Rubak loba Beltikelreng
A Rubak el Jesus Kristo a ulisechakl el kmo, “Ngike el di olsobel er a klengar ngii a bai mo oridii; e ngike el oridii a klengar ngii el ngak a uchul, a mo suobel” (Lukas 9:24).
“A kuumerang,” ng millekoi a President Thomas S. Monson el kmo, “a Osobel a melekoi er kid el kmo alsekum eng diak dodersii a klengar kid el mesiou er a rebebil, eng kmal kekerei a moktek er a klengar er kid. Tirkel kiei el kuk kmal di mesiou a klengar tir a di tir el oridii a klengar tir, e tirkel kiei el ngara omesiou el mo er a rebebil a mo mukeroul e mo mesisiich—e osebelii a klengar tir ruriul.1
Chelsel aikal beldukl el urerel a President Monson, e ngii omeklatk er a Ruriul-klebesei el Santo el kmo tir a chimal a Rubak e a klengeltengat er a diak a ulebengelel klengar a mengiil er tirkel blak a rengrir el mesiou er a rebebil.
Omesiou er a chelsel a Templo
“Ng klou el omesiou a meketmokl sel domtechei el meruul a chedaol ruoll er a templo el kirir tirkel mla mad el chedad. Chelsel a betok el teletael eng diak dodengelterir tirkel doruul a ureor el kirir. Ng diak dongerchiir a saul, malechub e dodengei el kmo te kongei er a ureor el mekedmokl el kirir. Eng di, kede mesiou, e tiaikid el teletael a uchul e kede nguu sel ngii a diak el mengai er a ngii di el ngerang; kede meral mo lsobel er a Rois er a Zion. A Osobeled a uldersii a klengar Ngii e mlo chuarm el kired, me kid, er a chelsel a mekekerei el teletael, a meruul osisiu sel domtechei el mengedmokl a ureor er a templo el kirir tirkel diak el sebechir el omakes el mo ruchei a lak el mekedmokl a ureor el kirir er tirkel tir a ngara beluulechad.”2
Kid a Chimal Rubak
“Rodam me a rodos, kid a iiliuekl er tirkel tir ousbech er kid, ousbech omelisiich, ousbech a ngeso, ousbech ongelaod, me a blekokeuii er kid—a le chedal a telungalek, resechelei, dekaodengei, malechub a rengodech el chad. Kid a chimal a Rubak er tial beluulechad, loba ngerachel el mo mesiou e mesebechakl er a Rengelekel. Ngii a ultuil er a dersta me a dersta er kid. …
“Tiaikid el omesiou el kid el rokui a mla mokedong el mo er ngii a okedongall el omesiou er a Rubak el Jesus Kristo.”3
Mesiou el ngara Teletelel Osobel
Ngara Beches el Beluulechad, e a mla mekiis el Rubak a millekoi, ‘Me kemiu a medengei a tekoi el kiriu el meruul er a ikelesia er Ngak; le ureor el bla mosekak el meruul a bo moruul el direk; le aikei el bla mosekak el meruul, aikei chobo moruul.’ [3 Nephi 27:21].
Kede omekngeltengat er a rechad sel dosiou el ngara teletelel a ‘Jesus er a Nazareth … el di mirrael el meruul a ungil.’ [Rrellir 10:38]. A Dios bo lomekngeltengat er kid el mo metik er a deurreng er a omesiunged el mo er a Demad er a Babeluades sel dosiou er a Rengelekel el ngara beluulechad.”4
Usbechall el mo Mesiou
“Kede ousbech er a techall el mo mesiou. Tirkel chedal a ikelesia el mla mo cheroid malechub e te kmes e melemolem el diak el blak a rengrir, a sebeched lokiu a nglunguuch e osiik er a rael el sebeched el mo ngosuterir. A le mongit el mo mesiou er a kmo ngerang a locha seikid a lousbech er ngii el muut el mei. Eng di tirkel loungerachel el sebechir el olngeseu er a uai tial teletael a le bebil er a team e te kmes el mo meruul er ngii. Ng kired el medengei el kmo a rechad a sebechir el mengodech. Ng sebechir el chemoit a mekngit el kse er tir. Ng sebechir louuchel a rengrir er a kngterir. Ng sebechir el mo klikiid loba priesthood. E sebechir el mo blak a rengrir el mesiou er a Rubak.”5
Kede Meruul Aikel Rokui el Kired el Meruul?
“A beluulechad ousbech a ngeseu er kid. Kede meruul aikel rokui el kired el meruul? Kede dobedebek a tekingel a President John Taylor: ‘Alsekum e ng diak mosichii sel urerem el mlokedong el mo meruul er ngii, e ke mo kerioll er a Dios el kirir tirke el mle sebechem el osobelterir ble mkerkikl er a urerem’? [ Teachings of Presidents of the Church: John Taylor (2001), 164]. Ngar ngii a uach el bo dongelakl, chim el bo dorreked, uldasu el bo dolisiich, reng el bo domeklomes, me a rechad el bo dolsobel. A klengeltengat er a diak a ulebengelel a mengiil er kau. Ng techellem a diak di momes kom direk el mo olngeseu el … mesiou.”6
© 2014 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/13. Kengei er a oidel: 6/13. Oidel a First Presidency Message, February 2014. Palauan. 10862 881
Osisechakl ngar Tia el Klumech
“Alsekum e koba beltikelreng er a Kristo, e kau a mo ungil kldmokl el mo olisechakl er a ebangkelio. Ng mo sebechem el ngosuterir a rebebil el mo medengelii a Osobel e oltirakl er Ngii.”7 Momdasu el ngara nglunguuch el kirel a mesisiich el beltikelreng el mo er tirkel moldingel er tir. Sel mdelemii a beltikelreng er a Kristo el kirir, e kau a mo sebechem el ungil mesiou er a Rubak me a dirrek tirkel molisechakl er tir.