2014
Chedaol Urerel a Jesus Kristo: Ungil Mengkar a Sib
Ongerung el Buil 2014

Klumech er a Roldingel e Olisechakl, Ongerung el Buil 2014

Chedaol Urerel a Jesus Kristo: Ungil Mengkar a Sib

Mngara nglunguuch el subii tial klumech e mosiik el mo medengei aikel bo mouchais. Ng mekera klemedengei er kau er a klengar me a urerel Osobel a choisisii a klaumera er kau er Ngii e dirrek el mo omekngeltengat er tirkel momes er tir lokiu odingel me a olisechakl? A lmuut el bebil er a omesodel, e bo er a reliefsociety.lds.org.

Klaumerang, Telungalek, Ngeseu

A Jesus Kristo, el Ungil Mengkar a Sib, a ulisechakl:

“Omko a ta er kmeiu, olab a dart el sib, e a ta er ngii a remiid, eng diak el bechei a oketiu me a kltiu er a ked, e bo losiik er ngike el chimong el ririid, el dimerekmo le betik er ngii? …

“Ak subedeniu el kmo, ng … klou el deureng er a eanged el kirel a ta el mekngit el chad a lobult e bo louchel a rengul er a kngtil” (Lukas 15:4, 7).

Se el bo dodengei el kmo a Jesus Kristo a Ungil Mengkar a Sib, e a blak el reng er kid el mo oltirakl Okesiul e mesiou er a rengesongs a mo chachisois. A Jesus a millekoi el kmo: “Ngak a ungil mengkerengel a sib, e medengei chermek el sib, e tir a medengelkak. … E uldersii a klengar ngak el kirel a cheremek el sib” (Johanes 10:14–15). Me ngokiu a Tngakireng er a Kristo, eng diak a ta er kid el mo remiid luchul e lak de betik er a roled el mo remei (mesa Lukas 15).

A President Thomas S. Monson a millekoi, “Ngercheled lomekerreu er a ta me a tang. … Mei e bol sebeched el mekiis e mo ngara omesiou.”1

Nga er a Chedaol Llechukl

Psalm 23; Isaia 40:11; Mosiah 26:21

Nga er a Reksi er Kid

A Elizabeth Ann Whitney, el mla er sel kot el miting er a Relief Society, a ulechais el kirel a beltel er se er a 1830: “Se er a krengesii Ebangkelio el lullisechakl er ngii a reElders, e ak mle medengelii el kmo ngerel a Ungil Mengkerengel a Sib.”2 A Elizabeth a ultirakl er a tial ngor er a Ungil Mengkerengel a Sib e miltecholb e mloterekokl.

Kid meng sebeched el rongesii a ngerel a Ungil Mengkerengel a Sib e mo omerk Osischeklel el mo er a rebebil. A President Monson a millekoi, “Kid a chimal a Rubak el ngara beluulechad, loba ngerachel el mo mesiou e mesebechakl er a Rengelekel.”3

Meng di uaia mengkar a sib el mo er a siik el kirel a mla remiid el sib, me a roungalek meng kirir el mo er a siik er a ngelekir el mla touchakl. A President James E. Faust (1920–2007), Ongeru el Counselor er a First Presidency, a millekoi: “Tirkel ngara klengitelreng el rechedam me a rechedil el melemalt, e blak a rengrir, e ngara nglunguuch e olisechakl er a re mla touchakl el ngelekir, e a ki subedemiu el kmo, a Ungil Mengkerengel a Sib a mengkar tir. A Dios a medengelii a klengitelreng el mngara chelsel. Di molemolem er a urunguliu.”4

© 2014 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/13. Kengei er a oidel: 6/13. Oidel a Visiting Teaching Message, February 2014. Palauan. 10862 881

Uleklatk

  1. Thomas S. Monson, “Heavenly Homes, Forever Families,” Liahona, June 2006, 70.

  2. Elizabeth Ann Whitney, in Daughters in My Kingdom: The History and Work of Relief Society (2011), 128.

  3. Thomas S. Monson, “What Have I Done for Someone Today?” Liahona, Nov. 2009, 86.

  4. James E. Faust, “Dear Are the Sheep That Have Wandered,” Liahona, May 2003, 68.

Ngera Sebechek el Rulii?

  1. Ng mekera sel klemedengei er ngak el kmo a Osobel a Ungil Mengkerengel a Sib e mo uchul a budech el mei er a klengar ngak?

  2. Ngera el teletael a sebeched el mo olngeseu er tirkel mla mo “cheroid” er a Ikelesia malechub e te diak el chad er a klechelid er kid?

  3. Ak mekera kulngeseu er a roungalek el rengelekir a mla mo cheroid er a otireklir er a ebangkelio?