Feia Apî
Te pahonoraa i ta’na pure
Te ora nei te taata papa‘i i Gauteng, Afirita Apatoʻa.
I te hoê pô ua haere mai te tahi hoa i to’u fare, e hoa no te tahi haapa‘oraa. E peu mâtau na’u ia tuatapapa i ta’u mau papa‘iraa mo‘a o vau anaʻe, e ua ineine te reira no te tuatapaparaa o taua pô ra. Ua tae mai te muhumuhu e ani manihini ia’na ia amui atoa mai i roto i te tuatapaparaa papa‘iraa mo‘a, ua taiâ râ vau e ua haamata noa’tura vau i te tai‘o o vau ana‘e. Ua vai noa mai tera mana‘o e, ua haavare ite au i te hoê muhumuhu a te Varua. Ua maʻiri te tahi minuti ei reira ua ani mărû noa vau, « E hinaaro anei oe e tuatapapa i te mau papa‘iraa mo‘a e o vau ? » Aita e haamarirauraa, ua pahono mai to’u hoa, « E ».
Ua tai‘o atura maua i te Buka a Moromona. Ua ui mai oia te tahi mau uiraa, e ua ite au e, na te Varua i arata‘i ia’u no te pahono ia’na. Ua horo‘a vau i to’u iteraa papû no te parau mau o te Buka a Moromona. I muri iho, ua parau mai oia e, « Ua taʻi noa vau i te mahana taatoa ma te taiâ. No pure noa a‘e nei au i te Atua no te tauturu e ua ani mai oe ia’u ia tai‘o i te mau papa‘iraa mo‘a e o oe. Ua maitai roa vau i teie nei. Mauruuru pai ».
Ua faaʻohipa te Fatu ia’u ei mauhaa no te pahono i te hoê pure e no te tavini i te hoê o Ta’na mau tamarii i roto i te ati. Ua ite au e, e mau arata‘iraa hanahana te mau muhumuhu no ô mai i te hoê Metua paari ra e te hanahana. Ia tuu anaʻe tatou i to tatou mau feaa i te hiti, te faatiʻa ra tatou Ia’na ia faaʻite mai i To’na mana na roto i to tatou haapa‘o.