iTabagone
E Dua na iSau ni Nona Masu
E vakaitikotiko o koya e vola e Gauteng, ena Ceva kei Aferika.
A sikovi au ena dua na bogi e dua na itokani mai na duatale na vakabauta. Au dau vulica tu ga vakaiau na noqu ivolanikalou, ka’u a sa kauta mai meu vulica ena bogi oya. Au a vakauqeti me’u sureti koya me tomani au ena noqu vuli ivolanikalou, ia au a rere ka mani vulica duadua ga. Au kila ni’u a vakawalena e dua na veivakauqeti ni Yalotabu. Ni oti e vica na miniti au a taroga vakamalua, “Ko na vinakata li mo vulica vata kei au na ivolanikalou?” E sega ni bera na nona sauma lesu mai na noqu itokani, “Io.”
Keirau a qai wiliwili mai na iVola i Momani. A tarogi au o koya ena so na taro, ka’u rawa ni vakila na Yalotabu ni tuberi au ena noqu sauma. Au a tukuna na noqu ivakadinadina me baleta na taucoko ni dina ni iVola i Momani. Ni’u cakava oti oqo, a tukuna vei au o koya, “Au a tagi voli ka yalo-taqaya ena siga taucoko. Au a se qai masuta ga na Kalou me veivuke ni ko sa tarogi au me’u wilika vata kei iko na ivolanikalou. Au sa qai mai yalovakacegu sara ga oqo. Vinaka vakalevu.
A vakayagataki au vakaiyaya ni cakacaka na Turaga me’u sauma e dua na masu ka qarava e dua na Luvena e gagadre voli. Au kila ni veivakauqeti e sa ivakavuvuli vakalou mai vua e dua na Tama yalomatua ka lagilagi. Ni da biuta vakatikitiki na noda rere, eda sa vakatarai Koya me vakatakila na Nona kaukauwa mai na noda talairawarawa.