Fal’ Yangren
Fulweg Ttaban e Meybil Rok
Cha’an nike yoley e ma paer u Gauteng, South Africa.
Reb e balayal’ me yan reb e fagar ko reb reb e taliw nge guyeg. Baga’ ni guma biy’eg e chep nib thothup rog ni yigo’gag, ma gu fek raed nga biyang e ra nep nem ni ngan fil ban’en. Ku thamiy ni ngug pinning nge un ngog i biy’eg e chep nib thothup, machane gube rus mug tabab rog ni yigo’gag. Gu manang ni dab kug motoyil nga lungun fare Kan ni Thothup. In e minute mug fith, “Ga ba adage ni ngam un ngog i biy’eg fare chep ni thothup?” Ma dani kirkireb rogon me ga’ar fare fagar rog, “Arrogon.”
Mag gomow i tabab i biy’eg ko fare Babyor ku Mormon. Me fith boch e duwer ngog, ma gube thamiy fare Kan ni Thothup Ya’el nib gagyeg nigeg nap’an ni Kug fulweg ngak. Kug gog e mich rog gilngin nib riyul’ fare Babyor ku Mormon. Nap’an ni gu rrin’ e biney, me ga’ar nagog, “Kug yoer ma kug rus ngiyal’ daba’. Kafin gu meybil kug ning e ayuw ngak Got nap’an ni kam fitheg ni nggug un ngom i biy’eg fare chep nib thothup. Ke fal’ rogog boch’uw e chiney. Kamagar.”
Ke muruwel Somoel ngog ni nggu mang e taban e meybil mug ayuweg reb e pifaak nib tu’uf e ayuw rok. Gu manang ni pi thaomthaom e pi kanawo’ nib thothup ku e, fel’ngin Chitamangiy nib llowan’. Nap’an ni gadaed ra tay e murus rodaed nga orel, ma gadaed pag ni Nge dag gelngin Rok u fithik e mafol rodaed.