Mulwol ko Bin Somm’on e Presidency, March 2014
Ayuw nge Yafas nib Manechubog
Fare Tathapeg e kanawo’ rodaed ko ayuw nib man gil rogon. Yafas Rok nib man gil e ke pii’ ni nge ayuweg e Chitamangiy nu Tharmiy nge gubin pifaak e Chitaman. Tunom nib man gil rogon rok Chitamangiy nge Fak e ngan pii’ ngodad ni gubin e tawa’ath ko yafas nib manemus nge tawa’ath ko yafas nib manechubog (muguy ko Moses 1:39).
Ra nge yog e yafas nib manechubog, ma ngarin thil gaed u dakean fare Bayul rok Yesus Kristus—min gargelen bayay min bi’ech ko denen. Bitir ni aching nib bitir ko yangar ni meruk, machane, dairy e denen ma kan thap raed u dakean fare Bayul (muguy ko Mosiah 3:16, 21; Moroni 8:10–12).
Ma gadaed ni gubin nike taw ko yangar nike nang e kireb nge man gil, bay ba tunom ni rib man gil ni ra pag daed ngad bi’ech niged ko denen man fal’eg rogdaed ko yafas nib manechubog. Binem e ma tabab ko tawfe rok bee’ nibay fare gelngin e priesthood rok mayog fare Kan ni Thothup ngak. Ma’aram e thingar gubin ngiyal’ ma gadaed be lem nag fare Tathapeg min fol ko fapi motochiyel ni Ke pii’ ngodaed.
Pilung ni Benjamin e yoeg ngak e gidii’ rok u lan fare Babyor ku Mormon marunga’gen e falflaen’ nima yib ni kan thamiy e denen ni kan n’ag fan u dakean fare Bayul rok Yesus Kristus. Ke fil ngoraed ni fa’anra kar pired ni yaed be bi’ech ko pi denen roraed, ma thingari filed ko pifak raed ni ngar ayuweg yaed ma thingari gol gaed nap’an ni yaed ra guy picha’nib liyeg raed nib t’uf e ayuw roared ko pi’ gelngiy nge gafgow. (muguy ko Mosiah 4:11–16.)
Ke ga’ar, “Ere musap gaed, gube yoeg ngomed e pinn’ey ni nge yog ni gam filed e gonop; ni nge yog ni ngam nanged u nap’an, ni gimed be pigpig ngak’ bee’ ma arame ri gimed be pigpig ngak’ e Got romed” (Mosiah 2:17).
Me yaen Yesus nib fil e gospel Rok ma be rrin’ e n’en nib man gil (muguy ko Acts 10:38). Ke gol nag e m’ar. Ke suwon nag e yam’. Ko gelngin me duruw’iy bukun mira’ay e gidii’ nap’an ni kar m’ad ko bilig ma dariy e gan (muguy ko Matthew 14:14–21; John 6:2–13). Nap’an nike fas ko yam’ me pii’ e gaan ko boech e Apostle Rok nap’an ni kar baed nga dap’ e yawn’ ko Daay u Galilee (muguy ko John 21:12–13). U Mariken, ma ke gol nag e m’ar ma ke yibliy e bitir ni tata’areb (muguy ko 3 Nephi 17:7–9, 21).
James fare Apostle e fil ngodaed rogon ni adag i ayuweg boech e gidii’ e ma m’ug ko rogon e magar rodaed ngak Somoel ko n’en nike rrin’ ngodaed:
“Machane enre sap ngak fare motochiyel ko puf matawon, ma be athamgil nga langin, ni dani pag talin riy, machane ma rin ngay, facha ney e ran tawath nag ko tin nibe rin’. …
“Taliw ni thothup riy ma be fel’ u’mon p’owchen Got nge Chitimangin e ba aray, Ni ngan ayuweg picha’ ni dari labthir fa figirngin u ngiyal’ mom’aw, ma ngan siyeg tin tagan nu fayleng” (James 1:25, 27).
Reb rogon ni ngarim nang ni kam bi’ech e gelngin nike gel ni gab adag ni ngam ayuweg boech e gidii’ ni fan ngak Tathapeg. Home teaching nge visiting teaching e ke mang e falflaen’ ma daki mang e muruwel. Gara pir’eg nem ni gabe pii’ em ni ngam ayuw u skuul fa gabe ayuweg bee’ nib gafgow u lane binaew rom. Mus ni buch’uw e salpiy rom ni ngam pii’ ko picha’an nib buch’uw roared, ma gabe athapeg ni bay rom nib yo’or nge yog ni ngam pii’ nib yo’or (muggy ko Mosiah 4:24). Gara pir’eg nem ni ri ga ba adag ni ngam ayuweg pifakam mag dag ngoraed rogon ni ngan ayuweg boech e gidii’.
Nap’an ni ra thil rogom, ma ram thamiy ni ri ga ba adag ni ngam pii’ e ayuw ni de guy bee’ riy. Gu manang ni pi gachalpen en Tathapeg ni kar pii’ed e tawa’ath nib salpiy nge ayuw ni dariy bee’ ni ma nang ma kemus ni Got nge pifak rad e yad ra nang maornga’agen. Got e ma guy e muruwel roared nima fal’eg wa’athan raed u lan biney e yafas, ma ra fal’eg wa’athan raed u lane yafas nib manechubog ni bay yib (muguy ko Matthew 6:1–4; 3 Nephi 13:1–4).
Nap’an ni gara fol ko pi motochiyel ni ngam ayuweg boech e gidii’ (muguy ko Matthew 22:39), mag thamiy nike thil e rogom ko achi’chi’gaen’. Tathapeg e ayuweg e pi Apostle Rok nap’an ni yaed be tugthin ni marunga’gen ko mini’ e ra cheg nag u fithik raed. Me ga’ar ngog:
“Ara ni pining e ‘Tayog e tyin’ ngomed, ya ta’abe’ e bay ni ir e be yog e thin romed, ni aram fare Messiah.
“En nth’abi tolang u fithik’-med e thangri mang tapigpig romed” (Matthew 23:10–11).
Tathapeg e fil ngodaed rogon ni rayog ni ngad ayuwegned boech e gidii’. Ke ayuw nib man gil rogon, ma thingarda filed ni ngad ayuweged ni boed nike fil—boch’uw iyan (muguy ko D&C 93:12–13). U dakaen e ayuw ni gadaed be pii’, ma rayog ni ngad boeded Ir. Gadaed ra meybil u fithik gumircha’daed ni nge t’ufeg e picha’an nib togpluw ngodaed rogon ni yaed ba t’uf Rok (muguy ko Matthew 5:43–44; Moroni 7:48). Ma aram rayog ni ngad fal’ gaed ko yafas nib manechubog Rok nge Chitamangdaed nu Tharmiy.
Gube micheg ni nap’an gadaed ra yib ni ngad ayuw gaed nib man gil rogon nap’an ni gadaed ra fol pi n’en nike fil Tathapeg nge wo’ Rok.
© 2014 ko Intellectual Reserve, Inc. Gubin mabay matwon. Kan yoloey u Meriken. Kan micheg nag ko thin nu Ngalis: 6/13. Micheg nag i pilyeg: 6/13. Pilyeg thin ko First Presidency Message, March 2014. Yapese. 10863 905
Rogon ni ngan Fil ko Biney e Mulwol
Elder M. Russell Ballard ko fare Ulung ko fare Ragag nge L’agruw i Apostle e ke yoeg ngodaed ni ngad meybil nag e pi kanawo’ ni ngad ayuw gaed: “U lane meybil rom ni kakadbul u lan gubin e ran nib bi’ech, mftih e Chitamangiy nu Tharmiy ni nge gagyeg nem ni ngam poey e ngiyal’ ningam ayuweg reb e pifak nib tu’uf Rok. Ma aram mag yen u lan fare rran … ni gabe gay bee’ ni ngam ayuweg” (“Be Anxiously Engaged,” Ensign fa Liahona, Nov. 2012, 31). Mu pining boech e picha’an ni gabe sensey nag ni ngar dugliyed ni ngar meybil gaed ni kakadbul ko pi kanawo’ ni ngan ayuw man gay u lan fare rran.