Poraus seni Fefin Chon Amwa, April 2014
Ewe wisen mi fen an Jises Kraist: Ewe Chon Amanau me Chon Angasano
Anneaochu me ikiotek usun ekkei mettoch me kutta met kopwe aporausa. Ifa usun om weweiti usun manauan me angangen ewe Chon Amanau epwe tongeni anapano om nuku non I me efeiochu ekkewe aramas ka kan tumunu non om angangen an fefin chon amwa? Ren pwan ekkis poraus, kopwe nengeni reliefsociety.lds.org.
Nuku, Famini, Aninnis
“Nein ekkewe itan Jises Kraist mi auchea mi Chon Angasano.” Elter D. Christofferson seni ewe Mwichen Engon me Ruemon Aposen a apasa, Angasa a wewen ne monatiw eu namwot ika eu niwinimang. Angasa a pwan wewen ne amanau ika angasa seni amonatiw eu niwen. … Eu me eu ekkei wewen ra wewen sokkopaten mettoch ussun ewe Amanau mi nap a pwonueta seni Jises Kraist me ren An we Achasefan, minne a kapachenong, non ewe kapasen puken awewen kapas, “Ne angasa seni tipis me niwinin tipis, seni fangeno a for fan itan ewe chon tipis.”1
Linda K. Burton, ewe presetenin Fin Anisi a apasa, “Semach Won Nang … a tinano Noun We At mi Achengicheng me unusoch ne riaffou fan itan ach kewe tipis, ach netipeta, me meinisin ese pungoch non manauach.”
“… Emon fefin a riaffou chommong ierin sossot me netipengau a apasa ren surutiwen chunun mesan, ‘Ua tori ai essina pwe ngang ussun chok echo chen 20 chana minnen noom— nikinikingaw kam, nimengau, aeangaw, me kinas. Nge… niwini mi chiwen unusen ewe 20 chana.” Ei fefin a sinei pwe … niwinin mi naf ngeni [Kot] ne tinano Noun we At ne achasefan fan itan i, pwisin. Iteitan fefin non ewe Mwichefen a namwot epwe sinei met ei fefin a sinei.”2
Seni ekkewe Pukfel
Seni Ach Uruo
Ewe Testamen mi Sofo a kapachenong uruon ekkoch fefin ra anganga nuku non Jises Kraist, kaeo me manaueni An kewe afanafan, me pwarata ussun an angang, manaman, me an ning.
Jises a apasa ngeni ewe fefin ren ewe ito:
“Ion epwe un seni ewe konik pwe ai upwe ngeni esap tongeni kaka sefan; nge ewe konik ai upwe ngeni epwe ngeni eu iton konik mi pwuwacheta ngeni manau ese much.”
Ewe fefin a apasa ngeni, “Maing, kopwe ngeniei ei konik me ai usap tongeni kaka sefan. …
“Ua sinei pwe [ewe Messaia] epwe wareto,…: nupwen a wareto, epwe pwar ngenikich mettoch meinisin.”
“Jises a apasa ngeni i, Ngang ewe ua kakkapas ngonuk ngang ewe.”
I a “nikitatiw noun we nenien konik” me a pwarata ussun I non ewe tenninimw. (Nengeni John 6:66.)
© 2014 seni Intellectual Reserve, Inc. Meinisin pung mi kawor. A för non Amerika. Kapungunon non fosun Merika: 6/13. Kapungunon chiakun: 6/13 Chiakun Visiting Teaching Message, April 2014. Chuukese. 10864 901