Երեց Լարի Ս. Քաչեր
Յոթանասունի Երկրորդ Քվորում
Իր երիտասարդ չափահասության տարիների բազմաթիվ հուշումներից հետո Երեց Լարի Ս. Քաչերը սկսեց նկատել մի ավելի մեծ զորություն, որն առաջնորդում էր նրան իր կյանքում: 19 տարեկան հասակում Հոգու հանդեպ զգայուն լինելը առաջնորդեց նրան դեպի Հիսուս Քրիստոսի ավետարանը, որն ամեն ինչ փոխեց:
Նա ծնվել է 1952թ. փետրվարի 12-ին, լինելով հինգ երեխաներից երկրորդը Ալբերտ և Էլեյն Քաչերների ընտանիքում: Նա մեծացել է Բլումինգթոնում, Մինեսոտա, ԱՄՆ:
Ավագ դպրոցից հետո նա գնաց Եվրոպա դահուկներով սահելու, և ավելի քան վեց ամիս հետո այնտեղ նա զգաց, որ պետք է տուն վերադառնար: Երբ արդեն տանն էր, նա զգաց, կարծես, պետք է մեկ այլ վայրում լիներ, սակայն չգիտեր, թե որտեղ: Մանկության ընկերներից մեկը ծրագրում էր տեղափոխվել Յուտա, և Երեց Քաչերը որոշեց տեղափոխվել նրա հետ: Մինչ Յուտայում էր, Երեց Քաչերը ընդունվեց Բրիգամ Յանգի Համալսարանում, սովորեց Եկեղեցու մասին և մկրտվեց:
«Երբ միսիոներները սովորեցնում էին մեզ, ես զգացի, որ դա ճիշտ էր»,- ասում է նա: «Երբ ես աղոթեցի, ես զգացի, որ Եկեղեցին ճշմարիտ էր»:
Նա որոշեց միսիա ծառայել և կանչվեց Թահիթի Փափիթ Միսիա 1973թ.: Տուն վերադառնալուց հետո նա շարունակեց ուսումը ԲՅՀ-ում, որտեղ նա հանդիպեց Փոլին Միլերին: Նրանք ամուսնացան Մանթի Յուտա Տաճարում 1976թ. հոկտեմբերի 29-ին, և այժմ ունեն վեց երեխա և 11 թոռ:
Երեց Քաչերը բակալավրի աստիճան ստացավ հոգեբանության բաժնում և մագիստրոսի աստիճան կազմակերպչական վարքագծի բնագավառում, երկուսն էլ՝ ԲՅՀ-ում: Նրա աշխատանքը ներառում էր մեծ ընկերությունների համար խորհրդատվություն ապահովելը ազգային և միջազգային մակարդակներով:
Նախքան 2014թ. ապրիլի 5-ին որպես Յոթանասունի Երկրորդ Քվորումի անդամ հաստատվելը Երեց Քաչերը ծառայել է որպես ճյուղի նախագահ, երեցների քվորումի նախագահ, եպիսկոպոս և ցցի նախագահի խորհրդական: Նա նախագահում էր Շվեցարիա Ժնև Միսիայում 2000–2003թթ.: Շվեցարիայից վերադառնալուց հետո մի քանի տարի անց նրա աշխատանքը տարավ նրան Աբու Դաբի, Արաբական Միացյալ Էմիրություններ, որտեղ նա կանչվեց ծառայելու որպես առաջին Տարածքային Յոթանասունական Միջին Արևելքում: