Lamharon
Malingaw Bala Ako Mag-Indexing?
Ang tagsulat nagapuyo sa Veracruz, Mexico.
Nag-entra ako sa tuyo sang amon stake nga mag-index sang 50,000 ka mga ngalan. Sang umpisa mabudlay ini. Pila gid ka beses nga ang batch nga na-download ko mabudlay basahon ang sinulatan, kag kon kaisa gusto ko ini iuli kag mag-download na lang sang lain. Pero narealisar ko nga kon amo sini ang panghunahuna sang tanan, ang ining mga batch mapabay-an na gid lang asta sa katapusan. Ginahunahuna ko ang madamo nga linya sang mga tawo nga nagahulat sa kalibutan sang mga espiritu, kag nagdesisyon ako nga padayunon nga tinguhaan nga basahon ining mga ngalan kag isulat ang mga ini nga indi magsala.
Natun-an ko nga mag-angkon sang pagpalangga sa sining mga tawo. Nahangpan ko nga kinahanglan nila matuod sang bulig, kag kita man nagakinahanglan sang bulig halin sa ila. Mas naintiendihan ko nga ang perpekto nga plano sang Amay nga Langitnon nagalakip sang tanan-tanan. Kon sundon naton ang inspirasyon kag panulin sang Iya pinili nga mga lider, masaksihan naton ang Iya kaluoy kag wala’y katapusan nga pagpalangga.
Ang pag-index nangin isa ka matahum nga eksperiyensya para sa akon. Natun-an ko nga hatagan bili kag palanggaon ang madamo nga mga butang parte sa family history. Nakabaton man ako sang malahalon nga mga dulot halin sa aton Ginuo paagi sa pagtuman sang isa ka simple nga butang pareho sa pag-entra sa indexing.