Tub Hluas Ntxhais Hluas
Kuv Puas Txaus Siab Ua Ntaub Ntawv Nrhiav Tsev Neeg Caj Ceg?
Tus sau zaj no nyob hauv Veracruz, Mev Teb.
Kuv tau koom tes pab peb ceg txheem ntseeg ua ntaub ntawv txog 50,000 lub npe. Thaum xub thawj nws nyuaj heev. Ob peb lub sij hawm tej npe uas kuv txais lawm twb nyuaj rau kuv nyeem, thiab tej lub sij hawm kwv twb xav xa tej npe ntawd rov qab mus thiab txais ib pawg tshiab. Tiam sis kuv paub tias yog txhua tus xav zoo li ntawd, ces yuav muab tej npe ntawd tseg rau qhov kawg. Ua rau kuv xav txog ntau tus neeg uas tos ntsoov nyob hauv lub ntuj ntsuj plig, thiab kuv txiav txim siab tias kuv yuav sim nyeem cov npe ntxiv thiab sau ntawv tsis yuam kev.
Kuv kawm kom hlub cov neeg no. Kuv to taub tias lawv twb xav tau kev pab, thiab peb kuj xav tau lawv txoj kev pab. Kuv to taub tias Leej Txiv Saum Ntuj Ceeb Tsheej txoj hau kev zoo tag nrho twb suav txhua leej txhua tus. Thaum peb ua raws li cov thawj coj uas Nws tau xaiv tej kev tshoov siab thiab tej lus qhia, ces peb yuav pom Nws txoj kev hlub tshua uas nyob mus ib txhis.
Kev ua ntaub ntawv nrhiav tsev neeg caj ceg yog ib qho uas kuv nyiam heev. Kuv kawm kom nyiam thiab saib tsev neeg zaj keeb kwm rau nqi. Kuv kuj tau txais tej txiaj ntsim uas muaj nqi heev los ntawm peb tus Tswv thaum kuv mloog lus ua ib yam yooj yim npaum li kev koom tes pab ua ntaub ntawv nrhiav tsev neeg caj ceg.