Roronrikirake

I Kona ni Kukurei ni Karinakin aara?

Iroun Emma Abril Toledo Cisneros

E maeka te tia koro karaki i Veracruz, Mexico.

I ira waakin ana kouru ara titeiki ni karini aara aika 50,000. N te moan tai ao e bon kaangaanga. Ni bwaai tabeua aika riki bwariko n ara ake I karekei a aki ota raoi manin korobokia are a na kona ni warekaki, ao n tabetai I tangiria ni kani kaokia ao ni karekea teuana ae kaokoro. Ma imwiina ao I a kunea bwa ngkana ai aroia aomata ake a karini mwiin aia aara a iangoia n arona anne, bwariko aikanne a na bon aki mwannanoaki ni karaoaki ni karokoa are a karaoaki n te kabane. I kona n iangoia aomata ake a kateiraain n tataninga n te aonaaba n tamnei, ao I baireia bwa N na waaki nako ni kataia ni wareki aara akanne ao ni koroi n akea te kairua teutana naba ae e na riki.

I reiakinaki bwa N na tangiriia aomata akanne (akana I karini araia). I ota raoi bwa a bon rang ni kainnanoa buokaia, ao ti kainnanoa naba te ibuobuoki mairouia. I matata raoi bwa ana babaire ae kororaoi te Tama are i Karawa bwa aomata a riai ni mwannanoaki raoi n aei. Ngkana ti ira aia kairi ao aia kaetieti Ana tia kairiiri aika a tia n rineaki, ti na kakoaua Ana nanoanga ao ana tangira ae akea tiana.

Karinakin aara bon te taneiai ae kakukurei ibukiu. I reiakinaki bwa N na kawakin ao n tangiri bwaai aika mwaiti ibukin rongorongon te utu. I karekei naba bwaintangira man bwaai aika kakawaki aika kakannato mairoun ara Uea man te ongeaba n tabetai bon teuana te bwai ae bebete n aron karinakin aara.