Ol Pikinini

Save Ol Stori Blong Yufala

Ol papa mo mama blong yufala mo ol bubu blong yufala oli gat plante eksperiens— i gat sam long ol eksperiens ia we yu no save nating abaot! Sam long ol stori blong olgeta bae i mekem yu laf, mo i save helpem yu gat fet long Papa long Heven. Be samtaem ol bigman tu oli sem. Yusum ol kwestin ia blong helpem olgeta i tingbaot sam long ol stori blong olgeta we oli laekem mo raetemdaon o droem ol pikja blong ol ansa blong olgeta.

1. Talem long mi abaot trifala memori blong yu we yu hapi moa bitim ol narawan.

2. ?Long laef blong yu, wanem taem nao yu bin sem bigwan?

3. Talem long mi abaot dei ia we mi bon long hem.

4. ?Wanem nao yu laekem blong mekem taem yu stap olsem wan pikinini?

5. ?Olsem wanem nao yu bin kasem testemoni blong yu blong gospel?