Etop eke visiting Teaching,eke Ofiong ltiaba ke isua 2014
Edisana Iso Utom eke Jesus Christ: Etie-ubiong
Bong akam kpeb nkpo emi ndien yom ndidiongo se ekpebuanade. Didie ke ndifiok uwem ye utom eke Andinyanga edinam mbuotidem mbufo okori ke Enye onyung odiong mbio owo emi mbufo esede enyin oto ke visiting teaching? Ke oyomde ndifiok awak, ka ke reliefsociety.lds.org.
Mbuotidem, Ufok – Idung, Unwam
Jesus Christ edi Etie-ubiong nnyin ye Ete. Iko oro etie-ubiong oworo ke iko Latin nte “owo eke ekpede ubok ono owo efen.”1 Andinyanga ke kpe ubok ono nnyin, oto ke ifiok, utip-ikpe ye mbom. Ndidiongo emi eyeyoho nnyin ke ima ye esit-mbom kabanga Uwa-usio-isop Esie.
“Kpang utong nno [Jesus Christ] emi edide etie-ubiong nnyin ye Ete, emi ekpede ubok ono nnyin kiso esie—
“Odoho ete: Ete, sese ndutuho ye mkpa eke enye emi minamke idioknkpo, emi afo ekenemde esit; sese iyip Eyen Fo emi ekeduokde, iyip enye afo okonode man afo k’idem foenyene ubong;
“Ke ntre, Ete, suho ndito ete mi emi ekenimde enying mi ke akpaniko, man edi etiene mi enyung enyene nsinsi uwem” (D&C 45:3–5).
Kabanga Christ nte Etie-ubiong nnyin, Elder D. Todd Christofferson eke Eboho mme Apostles Duopeba odoho ete: “Edi ata akpan nkpo ono mi, man ami ke ini ye ndaha ekededi nda akam mkpere ebekpo mfon, man Ete mi ke Heaven ekpekop mkpe-ubok mi, man Etie-ubiong mi, emi mikenamke idioknkpo ndomo kiet, emi okoduokde iyip esie, edikpe ubok ke ntak mi.”2
Emi oto ke mme Nwed Abasi
Mosiah 15:8–9; Moroni 7:28; Doctrine ye Covenants 29:5; 110:4
Emi oto Mbuk Eset Nnyin
Ke ofuri mbuk ufok Abasi Jesus Christ, mme mbet Jesus Christ iban ekesuk etietiene uwutnkpo Esie. Esther ekedi etie-ubiong akpaniko ye owo uko. Cousin esie Mordecai ama ono esok enye nwed emi edidem owukde ete esobo mme Jew, ndien enye odong ete “anam ebenge k’iso[edidem] abanga oruk esie.” Enye akadian ete: “Ndien anie ofiok mme afo okosim itie ubong ono oruk ini emi?” (Esther 4:8, 14.)
Kesioho afanikong ke ndidi etie-ubiong nno oruk esie, Esther ama onyime ete: “Ndien ntem ke ndiduk ke oto edidem, eke misangake ke ewuho; ndien mma mkpa, yak mkpa” (Esther 4:16).
Esther ndien eketing iko sung-sung ono edidem onyung “oduo enye ke ukot, onyung atua eyet ekpe enye ubok ete…okpuhore nwed ewuho…kabanga ndiwot mme Jew.” Enye akadian ete, “Ndinyung nkeme didie ndikut nsobo oruk mi?” (kese Esther 8:3, 5–6). Esit edidem ama osuhore, ndien enye enyime mkpe-ubok esie.3
© 2014 otode Intellectual Reserve, Inc. Ekpan kpukpru unen ndiming nwed emi. Ekeming ke USA. Enyime eming ke Iko Mbakara: 6/14. Enyime Ndikabare: 6/14 Edikabare eke Visiting Teaching Message, July 2014. Efik. 10867 553
Kere banga Emi
Didie ke utie-ubiong Jesus Christ anwam nnyin ndinyene mbom ye erifen nno mbio efen?