Etop eke First Presidency, eke Ofiong Itiaba ke isua 2014
Enwongo eke Edikabare Esit
Eka mi, Mildred Bennion Eyring, okokori ke obio inwang eke Granger, Utah, USA. Eyen-eka eren esie kiet, Roy, ama etiene anam mbubehe inwang ufokidung emi ke ndibok erong. Nte akparawa enye ama abiat ediwak urua oworo okpong ufok. Nte ini akade iso enye ama akabare anana udong abanga ufok Abasi. Ke akpatre enye ama oworo aka Idaho, USA, odo ndo, onyung enyene ndito ita. Enye akakpa ke edide isua Edip ye duopenang kini nnwan esie ekedide isua Edip ye itiaita ndien ndito esie ekedi ata mkpri.
Okposukedi nte ekpri ufokidung eke Roy ekedude ke Idaho ndien eka mi ama oyom usung okpong New Jersey, USA ke nkpo itiat Tosin Edip ye ition (4,025km), enye ama esiwak ndiwet leta ima ye nsong-idem nno esok mmo. Mbio ufokidung eyen-eka-eka mi eren ekesikot eka mi “Aunt Mid.”
Nte mme isua ebede, ndien usen kiet ami mma mbo ikoot ke phone nto ekpri eyen-eyen-eka-eka mi nnwan. Ema esian mi ete ke ebekpa nnwan Roy ama akpa. Ekpri cousin mi eting ete, “Aunt Mid okoyom ndinam fi odiongo.” Ebighe Aunt Mid ekebe efeb ke mkpa, edi ufokidung oro esuk etiti ima esie enyung enyime ndisian mi.
Ama akpa mi idem ke ediwak usung nte eka mi akanamde ubiong utom ke ufokidung esie ndibiet ukem ubiong utom eke mme prophets Nephite ekenamde ke ufokidung mmo ke ndidu mkpere mbio oruk mmo emi mmo eyomde ndinam man ekop gospel Jesus Christ. Nephi ama ewet nwed enim emi enye ekerede ete ke eyekpak ndito-ndito ete esie iren ndifiak nyiri mbuotidem eke etebom mmo, Lehi. Ndito iren Mosiah ema ewut ukem ima oro nte mmo ekworode iko Abasi eno nsuho emana eke Lehi.
Jehovah ama ono nnyin usung ndinyene ima ke ufokidung emi edikade iso ke nsinsi. Mfin emi mme iwaad ke ufok Abasi ekere ebanga ndikabareesit mmo nno ufokidung mmo. Mmo ke edungo enying mbio ufokidung mmo emi mikenyeneke ufang ndibo mme edinam erinyenga ukpong ke uwem emi. Mmo eda mme enying oro eka temple. Ini emi mmo edukde itie uduok-mmong, mmo enyene ufang ndikop ima eke Jehovah ye eke mbio ufokidung nno mbio emi mmo enamde nda-nno edinam emi eno.
Ami mmeti ima emi okodude ke uyo cousin mi emi okokotde onyung odoho ete, “Eka nnyin ama akpa, ndien Aunt Mid okoyom ndinam fi odiongo oro.”
Mbufo emi esinamde edinam eno mbio ufokidung esinwam ke ima, ukem nte ndito-iren Mosiah ye eke prophet Nephi ekenamde. Nte mmo, mbufo eyekop idara eno mbio emi eke enyimede nwaidem mbufo. Mbufo emekeme ndikop ukem akwa uyuho oro nte Ammon, emi eketingde abanga utom ukworo-iko Abasi esie kotu mbio ufokidung esie emi ekedude ie anyan ebiet ete:
“Kemi, yak nnyin iburo, nter, nnyin iyeburo ke Jehovah; ntre, nnyin iyedara, koro idara nnyin omoyoho; nter, nnyin iyetoro Abasi nnyin ke nsinsi. Sese, anie ekeme nditim mburo ke Jehovah? Ke ntre, anie ekeme nditing akwa odudu esie, ye mfon esie, ye anyan-ime esie kabanga ndito owo? Sese, ami ndoho mbufo nte, ami nkemeke nditing ata ekpri se ami nkerede” (Alma 26:16).
Ami nting iko ntiense nte ke ekikere ima emi mbufo enyenede eno mbio ufokidung mbufo— ke ebiet emi mmo ekpedude— edi edisu enwongo ete ke Elijah eyedi. Enye ama edi. Ndito emekabare esit eno mme ete mmo, ndien mme ete emekabare esit mmo eno ndito (kese Malachi 4:5–6; Joseph Smith—History 1:38–39). Ini emi mbufo enyenede udong ndiyom enying mme ete-ete ye eka-eka mbufo enyung eda mme enying oro eka temple, mbufo enam prophecy oro oworo osu.
It is a blessing to live in the time when the promise of hearts turning is being fulfilled. Di nkpo edidiong ndidu uwem kini emi enwongo edikabare esit oworode osu. Mildred Bennion Eyring ama enyene oruk udong oro ke esit esie. Enye ama-ama ufokidung eyen-eka esie, ndien enye ama anwam mmo. Mmo ema ekut nte esit mmo akanare ke ima ono Aunt Mid koro mmo ema ediongo ete ke enye ama mmimo.
© 2014 otode Intellectual Reserve, Inc. Ekpan kpukpru unen ndiming nwed emi. Ekeming ke USA. Enyime eming ke Iko Mbakara: 6/14. Enyime Ndikabare: 6/14 Edikabare eke First Presidency Message, July 2014. Efik. 10867 553
Ukpeb nkpo eketode Etop Emi
Mbufo emekeme ndikot mme prophecy kabanga spirit eke Elijah ye mbio emi mbufo ekesede (kese Malachi 4:5–6; Joseph Smith—History 1:38–39). Nneme mme usung man akabare abuana ke utom family history, ye nkpo utom nte indexing, ndise, ye blogging. Edieke mbio emi mbufo ekesede mifiokkeFamilySearch.org, kere banga ndida ekpri ini man ada owut mmo.