Naan in Katak an Kōrā, Juļae 2014
Mijen eo Ekwojarjar an Jisōs Kraist: Rijojomar
Kanooj jar ilo ekkatak kein katakin in im pukōt n̄an jeļā ta eo n̄an kwaļo̧k. Ekōjkan naaj meļeļe mour eo im mijen eo an Rilo̧mo̧o̧r eo ej kōļapļo̧k tōmak eo ami ilo E im kōjeram̧m̧an ro kwoj (bōk eddoier im mije er kōn naan in katak an kōrā? N̄an meļeļe ko reļļapļo̧k, etal n̄an reliefsociety.lds.org.
Tōmak, Baam̧le, Deeor
Jisōs Kraist ej ad Rijojomar ippān eo Jemen. Naan eo rijojomar ewōr meļeļe in Latin “juon eo ej akweļap kōn bar juon.”1 Rilo̧mo̧o̧r eo ej akweļap kōn kōj, kōjerbal meļeļe, jim̧we, im jouj. Jeļā menin emaron̄ kobrak kōj kōn iakwe im kam̧oolol kōn Pinmuur eo An.
Ron̄jake Jisōs Kraist eo ej rijojojmar ippān Jemen, eo ej akweļap kōn kwe im̧aan Mejān—
Ba: Jema, lo en̄taan ko im mej eo an Eo eaar jab kōm̧m̧an jerawiwi, ilo E Kwar kanooj bū-būruōm̧; lo bōtōktōkin Nejūm̧ eo eaar to̧o̧rļo̧k, bōtōktōkin E eo Kwar leļo̧k bwe Kwōn maron̄ aiboojoj;
Kōn menin, Jema, dāpij rein jeiū im jatū rej tōmak ilo eta, bwe ren maron̄ itok n̄an ippa im bōk mour ejjeļo̧k jem̧ļo̧k in (lale D&C 45:3–5).
Kōn Kraist āinwōt ad Rijojojmar, Elder D. Todd Christofferson jen Doulul eo an Jon̄oulruo Rijilōk ro eaar ba: “Ekanooj in ļap an aorōk n̄an n̄a, bwe imaron̄ ilo jabdewōt iien im ilo jabdewōt kepaakļo̧k kōn jar tūroon in jouj eo, bwe Jemedwōj Ilan̄ enaaj ron̄jake kajjitōk eo aō, bwe aō Rijojomar, e eo eaar jab kōm̧m̧an jerawiwi, eo būtōktōk in eaar to̧o̧rļo̧k, enaaj akweļap kōn aō jerbal.”2
Jān Jeje ko Rekwojarjar
Mosaia 15:8–9; Moronai 7:28; Doctrine and Covenants 29:5; 110:4
Jān Bwebwenato eo Ad
Ilo aolepān bwebwenato eo an Kabun̄ eo an Irooj, kōrā rikaļoor ro an Jisōs Kraist kar ļoor waanjon̄ak eo An. Esther eaar juon rijojomar etiljek im peran. Eo rilikin Mordecai eaar jilkinļo̧k n̄an e juon kape in kōjeļļā eo an kiin̄ eo bwe Riju ro rej aikuj kakkure er, im eaar jitōn̄e “n̄an kajjitōk [kiin̄ eo] kōn an ri aelōn̄.” Ļeo eaar kakobaba: “Im wōn e jab ba bwe en̄in unin am̧ kar itok n̄an aelōn̄ in ilo iien rōt in?” (Ester 4:8, 14.)
Kōjekdo̧o̧n kauwōtata eo kōn juon rijojomar n̄an armej ro an, Ester eaar errā: “Āindein inaaj deļōn̄ n̄an ippān kiin̄ eo, men̄e ejjab ekkar n̄an kien: im eļan̄n̄e I jako, ekwe, I jako” (Ester 4:16).
Innām Ester eaar ettā an ekōnono n̄an kiin̄ eo im “bun̄-pedo i neen, im jan̄ im akweļap … n̄an pepe eo eaar ļōmņak …ņae ro ri Ju.” Liin eaar kakkobaba, “Bwe ekōjkan aō maron̄ in lo nana eo enaaj itok ioon ro aō ri aelōn̄?” (lale Ester 8:3, 5–6). Būruwōn kiin̄ eo eaar pidodoļo̧k, im eaar leļo̧k kajjitōk eo an.3
© 2014 jān Intellectual Reserve, Inc. Aolep jim̧we rej pād ippān. Kar jeje ilo USA. Kōmālim ilo kajin English: 6/14. Kōmālim an ukook: 6/14. Ukook eo an Visiting Teaching Message, July 2014. Marshallese. 10867 874
Ļōmņak kōn Menin
Ekōjkan an jipan̄ eo an Jisōs Kraist maron̄ im̧we kōj n̄an kōļapļo̧k jouj im jeorļo̧k bōd eo n̄an ro jet?