Iren Mahsen en Padahk en Pas, Sulai 2014
Misin Sarawi en Sises Krais: Weliepe
Onopki ni kapakap ire pwukat oh rapahki ken esehla dahme ke pahn ehukihda. Ia mwomwen ahmw wehwehki duwen mour oh doadoahk en misin en Sounkomouro eh pahn kalaudehla ahmw pwoson Ih oh kapaiada irail akan me ke kin tetehk sang ni omw kin wia ahmw padahk en pas? Pwehn alehdi iren kapehse tohrohr, kohla reliefsociety.lds.org.
Pwoson, Peneinei, Sawas
Sises Krais iei Weliepatail rehn Sahmo. Lepin lokaia weliepe wehwehki “emen me kin pekipek pwehki emen.”1 Sounkomouro kin seweseikitail, sang ni wehwe, pwuhng, oh kalahngan. Wehwehki met kak audehkin kitail limpoak oh kalahngan pwehki Sapwellime Tomwo.
“Rong [Sises Krais] me weliepe rehn Sahmo, me kin sewese kitail pahn kupwure—
“Ndinda: Semei, kilang lokolok oh mehlan ih me sohte dipe, ih me Komw ketin keremwelki, komw sahkih ntahn Sapwellimomwi Ieroso, ntahn ih me Komw ketkihdi pwe Komw en kilohrihla;
“Eri, Semei, komourla iet riei pwutak kan me pwoson edei, pwe irail pahn kohdo rehi oh ahneki mour soutuk.” (Tehk D&C 45:3–5).
Duwen Krais eh wia weliapatail, Elder D. Todd Christofferson tohn Pwihn en Ehk-riemeno mahsanih: “E kesempwal ong ie, me I kakete ni ansou sohte lipilipil oh nan sohte lipilipil irair me I mih loale patohla sang ni kapakap ni mwoalen kalahngan, me Semei Nanleng pahn rong ahi pekipek, me Weliepei, ih me sohte dipe, me sapwellime nta kepwilipwilidi, pahn pekihda ahi pekipeko.”2
Sang Pwuhk Sarawi Kan
Mosiah 15:8–9; Moroni 7:28; Tehk Doctrine and Covenants 29:5; 110:4
Sang Atail Poadoapoad
Erein poadoapoad en Sapwellimen Kauno Mwomwohdiso, tohnpadahk lih akan en Sises Krais kin idawehn Sapwellime karasaras. Ester iei weliepe loaloapwoat oh soupeikasal men. Mordekai me e pahn rianiki kadar ong ih koapi en kalohk en nanmwariki me pid kamwomwmwomwlahn mehn Suhs ako, oh e ndahiong ih “en peki ni ngidingid rehn nanmwarkio en kupwur mahkohng mehn Suhs akan.” E kapatahieng: “Ahpw ihs me kak ese? Mweinele soangen rahn duwehte met me kahrehiong omwi wiahla lih nanmwarki!” (Ester 4:8, 14.)
Mendahte eh keper en wia weliepen ah aramas akan, Ester pwungkihda: “I pahn patohla pahn kupwur en nanmwarkio, mehnda ma e uhwong kosonned, ma I pahn kamakamkihla ei pahn wia met, eri I uhdahn pahn mehla.” (Ester 4:16).
Ester eri koasoai ni karakarahk ong nanmwarkio oh “poaridiong pohn aluweluwe kan oh sengiseng … kasohrala koasoandi kan … pwehn kamwomwala mehn Suhs koaros.” E patehng, “Ia duwe, I pahn kakohng apwal wet eh pahn lelohng nei aramas akan, oh ei peneinei pahn kamakamala?” (tehk Ester 8:3, 5–6). Mohngiong en nanmwarkio mwuterekla, oh e kapwaiada nsene.3
© 2014 sang Intellectual Reserve, Inc.Kolokol pwuhng koaros. Ntingda nan USA. Kamanaman ong lokaiahn wai: 6/14. Kamanaman ong kawehwe: 6/14. Kawehwehpen Visiting Teaching Message, July 2014. Pohnpeian. 10867 885
Medewe Met
Ia mwomwen en Sises Krais eh wia weliapatail eh kak elehieng atail men poakehla oh mahkohng mehteikan?