Feia apî
Haamatau i to’u mama ruau
Te ora nei te taata papaʻi i Virginia, te mau Hau Amui no Marite.
No te hoê o ta’u mau opuaraa na te Feia Apî Tamahine, ua hinaaro mau vau e tauturu i to’u mama ruau ia imi i to’na mau tupuna na roto i te taviriraa i te ripene o te mau api hoho‘a i te pû aamu utuafare i Mesa, Arizona, i te mau Hau Amui no Marite. A parahi ai maua te tahi i piha‘i iho i te tahi e a ma‘imi ai no to maua utuafare, ua haamata vau i te uiui ia’u iho : « Ua matau papû maitai roa anei au i to’u mama ruau teie i piha‘i iho ia’u ? »
Ua itehia mai ia maua e rave rahi mau melo o te utuafare e to ratou mau haamaramaramaraa, e ua haere i te hiero no Mesa Arizona no te rave i to ratou oro‘a bapetizoraa e te horo‘araa i te Varua Maitai. Aita i maoro roa i muri iho, ua horo‘a mai to’u mama ruau ia’u i te hoê haaputuraa parau no to’na aamu utuafare.
No te mea te mamae nei oia i te ma‘i rumati i roto i te mau puoioiraa (polyarthrite rhumatoïde), e mea mauiui roa no to’u mama ruau ia patapata. Ua oaoa roa vau ia tauturu ia’na i ni‘a i te matini roro uira Toopiti, ua papa‘i maua i te mau aamu no to’na oraraa no te fana‘oraa pae varua o to matou utuafare. Ua au roa vau i te hoê tuhaa o to’na oraraa e ua haapii rahi mai au i ni‘a i te aamu o te Ekalesia a rave amui ai maua i ni‘a i teie mau opuaraa.