Pratham Adhyakshta ka Sandesh, August 2014
Parmeshwar ka Uppaj
Christa naamak ek mahila, ek chote beej ki kampany mein kaam karti thi. Wah apne kaam ko pasand karti thi. Yah mahaan ashchariye tha ki har ek chota sa beej jo woh bechti thi mein itni shakti thi ki apne aap ko ajeeb tarah se badha leti thi—ek gaajar, ek kaabij, ya ek mahaan sindoor ka pedh.
Christa ko apne kampiutar par baet kar khareedar ke zaroori cheezon ki maang aur sawaalon ke jawab ko dena achcha lagta tha. Magar ek din usse jo arop mila, usne use achambe mein daal diya.
“Beej nahi uge,” khareedar ne kaha. “Maine inhe do mahine pahale kharide the aur ab bhi wah nahi uge.”
“Kya tumne achche mitti mein boya tha aur achchi tarah se paani aur dhup diya tha?” Christa ne pucha.
“Nahi, magar maine apni puri koshish ki,” khareedar ne jawaab diya. “Maine beej khareede. Jiske baad, unhe bada hone ki gaaranty hai.”
“Magar tumne use boya nahi tha?”
“Bilkul nahi. Uske liye mujhe apne haath gande karne padenge.”
Christa ne is ke vishay mein socha aur tay kiya ki bone ki maargdarshan is mein likhi hona chahiye. Usne socha ki yah pehla maargdarshan hona chahiye: “Tumhe beej ko ugane ke liye yeh adesh ko maanna hoga. Tum unhe bina boye hi kaese badhane ki ichcha kar saktey ho.”
Der hi nahi hua tha jab dosri arop ne unhe achambe mein daal diya.
“Beej nahi ug rahe hai,” ek khareedaar ne kaha.
“Kya tumne unhe achche mitti mein boya tha?” Christa ne kaha. “Kya tumne puri tarah se paani aur dhup diya tha?”
“Ji, haan,” khareedaar ne kaha. “Maine wah sab kuch kiya tha―waesa hi jaesa us par likha hua tha. Magar weh nahi uge.”
“Kya kuch bhi hua tha? Kya weh uge the?
“Kuch bhi nahi hua,” khareedaar ne jawaab diya. “Maine bilkul usi tarah boya tha jaese likha hua tha. Main shaam ke bhojan ke liye tamatar ki ichcha kar raha tha. Ab main naraaz hoon.
“Tehro,” Christa ne jawaab diya. “Kya tum keh rahi ho ki tumne aaj beej boya tha?”
“Behuda baatein mat karo,” khaareedaar ne jawaab diya. “Maine ek hafta pahale boya tha. Maine pahale din tamatar ki ichcha nahi ki thi; maine dhaerye rakha tha. Main tumhe batlaata hoon, uske baad bahot paani dala aur tab se abhi tak intazaar kar raha hoon.”
Christa ne socha ki use ek aur maargdarshan ko likha hoga: “Yeh beej ko jeevvigyaan (biology) ke niyam ke anusaar ugenge. Agar tum subeh ko beej boge aur ek safta baad tamatar ko khaana chahoge, tho tumhe nirasha hogi.
Sab kuch achcha chal raha tha jab Christa ko ek aur shikaayat praapt hui.
“Main tumhare beej se bahut hi naaraaz hoon,” khareedaar ne kaha. “Maine usi tarah se boya tha jaese hi us mein likha hua tha. Maine usmein paani dala, yah yaad rakha ki usmein dhup lage, aur intazaar kiya ki jab tak uppaj na ho jaye.”
“Aesa lagata hai ki tumne sahi tarah se boya tha,” Christa ne kaha.
“Wah sab theek hai.” khareedaar ne jawaab diya. “Magar jo hua wah zucchini tha!”
“Mere suchi mein yah likha hai ki tumne wahi chaaha tha,” Christa ne kaha.
“Magar mujhe zucchini nahi chahiye tha; mujhe kaddu chahiye tha!”
“Mujhe samajh nahin paa raha.”
Maine beej apne kaddu ke sthaan par boya tha—usi sthaan par jaha pichle saal kaddu uge the. Main har din fasal ki badhaai karta tha, unse kahata tha ki tum kitna sundar kaddu faroge. Magar bade, gole, narangi kaddu ke bajaaye, mujhe lambe, hare zucchini praapt hue. Bahot saare!”
Christa ne phir jaana ki weh maargdarshan kaafi nahi the aur yah zaroori tha ki ek mul rakha jaaye: “Jo beej tum botey ho aur jis samay tum botey ho ussi par tumhare uppaj ka ugna nirbhar hai.”
Uppaj Hone ka Kaanoon
Devdut Paul ne Parmeshwar ke uppaj ke baare mein kaha:
“Dhoka na khaao; Parmeshwar ki khilli nahi udaaya jaata: kyunki jo manushye jo bota hai, woh wahi katega.
“Kyunki jo apne shareer ke liye bota hai; woh sharir ke dwara vinaash ki uppaj kaatega; magar jo Aatma ke liye bota hai woh Aatma ke dwara anant jiwan ki uppaj kaatega.
“Aur hum kaam karne mein saahas na chodein: kyunki yadi hum dhile na ho, to theek samay par uppaj kaatenge” (Galatians 6:7–9).
Abhi ke samay mein, Prabhu ne hamein zyaada gyaan aur parakh diya hai is sthir kaanoon se:
“Yaha par ek kaanoon hai, jo swarg mein dharti ko banne se pehle banaya gaya tha, jis par sabhi ashirwaadein nirbhar hai—
“Aur jab hum sabhi ashirwaadon ko Prabhu se praapt kar letein hai, kaanoon ke prati aagyakari hone par nirbhar hai” (D&C 130:20–21).
Jo hum botein hai, wahi kaatthe hai.
Parmeshwar ka uppaj akalpaniye rup se shaandaar hai. Jo Uski izzat kartein hai, Uske zyaada ashirwaad praapt karte hai “pura naap, daba dabakar, aur hila hilakar, aur ubharta hua. … Kyunki jis naap se tum naapte ho, usi se tumhare liye bhi naapa jayege” (Luke 6:38).
Jaese dharti ke beej ko shakti aur dhaerye ki zaroorat hai, usi tarah swarg ke kayi ashirwaadon ke liye bhi. Hum apne dharam ko bandh karke aur dhaarmik ashirwaadon ke uppaj ki ichcha nahi kar saktey. Parantu agar hum apne susamachaar star ko apne parivaaron ke hamesha ke jiwan mein daleinge aur poshan karenge, yahan par badi sambhaaona hogi ki humare bachchein mahaan mul ke dhaarmik fal ko apne liye aur anewaali peedhiyon ke liye boenge.
Parmeshwar ka jawaab humare prathnaaon ke liye hamesha turant nahi miltey—kabhi kabhi to weh miltey hi nahi hai—magar Parmeshwar ko pata hai ki Uske bachchon ke liye kya theek hai. Nishchay hi, ek din hum saaf taur se dekh sakenge; aur us din hum swarg ke achchaaiyon aur udaarta ko jaanenge.
Us samay tak, humara lakhshye aur mahaan khushi hai ki hum humare Swaami aur Uddhaarkarta ke nakhshay kadam par chalein aur achche aur sahi tarike se jiwan bitaaein taaki hamein Parmeshwar ka vaada kiya gaya aur bahumulye uppaj ke anmol ashirwaadein praapt ho.
Jo hum botein hai, wahi kaatte hai.
Yahi swarg ka niyam hai.
Yah Parmeshwar ka uppaj ka kaanoon hai.
© 2014 dwaraIntellectual Reserve, Inc. Pure adhikaar surakshit. USA mein chaapa gaya. Angrezi swikriti: 6/14. Anuwaad swikriti: 6/14. First Presidency Message, August 2014. Hindi, Fiji. 10868 298 ka anuwaad
Is Sandesh Mein se Shikshan
Jinke saath bhent karo unse Parmeshwar ke uppaj ke kaanoon ko batlaao ki kis tarah rishtedaariyon, pariwartan aur gawahi, ya jiwan aur shiksha-sambhandhi lakshye par asar karta hai. Is niyam ke liye tum in dharamshaastron ko padh aur batla saktey ho, jaese ki Proverbs 11:18; 2 Corinthians 9:6; aur Alma 32. Unhe protsaahit karein ki pahale banaaye hue lakshye ko dohraaye aur naye lakshye banaye sahi parinaam ke liye. Unki madad karein ek yojna tayyaar karne mein taaki woh lagataar koshish kiya karein apne lambe-samay ke lakshye ko paane ke liye.