Pweng sin Prestuhnsi Se Met, Ohkohs 2014
Kosracni luhn God
Sie muhtwacn pahngpahng Christa el tuh orekma ke sie kampihni in kuhka fihtac srihsrihk. El luhngse orekma se lal ah. Pa oruh sie oruh wolacna yohk ma kais sie fihtac srihsrihk el kuhkwackuhnlah kuh in eklac nuh ke sie ma usrnguck wolacna—sie carrot, sie cabbage, kuh finne soko sahk oak luhlahp.
Christa el luhngse muhta eis ohtoh ac topuk kihsen siyuck ke kampiutucr nahtuhl ah. Tuhsruhk sie lwen ah el eis sie tohrkahskahs ma ahkfohsyaclack.
“Fihtac inge tiacna wo,” mwet moli sac fahk. “Nga molwelah ke mahlwem luo tari ah ac soenna sruhnwack.”
“Kuh kom yukiyac ke fohk wowo ac twekofi wo ac fihliyac ke acn faht?” Christa el siyuck.
“Moh, tuhsruhk nga oruh ip luhk kac,” mwet moli sac tohpohklah. “Nga molwelah fihtac ah. Sahflahiyac ah, fihtac ah uliyucklac in kapwack.”
“Tuhsruhk kom tiacna yukiyac?”
“Kuh sel tiac oacna. Kalmac pa ngwac fohkfohkwelah pouk.”
Christa el nuhnkuh ke oruh se inge ac sulaclah lah ohiyacn yok uh ac enenuh in sihmlac. El konwacack oruh se emet kac uh: “Kom enenuh in ukwe ahkuhtweyucki luhn yok fihtac an in kuh in sruhnwack. Kom tiac kuh in loangweack fihtac an oan ac nuhnkuh in kapwack.”
Tiac paht tohkoh ke sie pac tohrkahskahs ahkfohsyaclack.
“Fihtac uh soenna oasr fahko,” sie mwet moli fahk kac.
“Kuh kom yukiyac ke fohk wowo?” Christa el tohpohklah. “Kuh kom twekofi fal ac fihliyac ye faht?”
“Wee, ahok,” mwet moli sac fahk kuh kac. “Nga oruh kwewa ma ngwacn―oacna ke fwack ke nuk kac an. Tuhsruhk tiacna orekma.”
“Kuh oasr kuhtwena ma sikyak kac? Kuh fihtac an sruhnwack?”
“Wacngihn ma sikyak,” mwet moli sac fahk. “Nga yukiyac oacna ke fwackyuck ah. Nga finsrakkihn in mongo tomacto oyekuh. Ingena nga toasrlah na pwacye.”
“Kollac wihn,” Christa el tohpohklah. “Kuh kom fahk lah kom yukiyac fihtac an mihsenge?”
“Nimet kom wel,” mwet moli sac tohpohklah. “Nga yukiyac ke wik tari ac. Nga tiac motko in liye tomacto ke lwen se emet ah; Nga mongfihsracsr. Lwelah ngan fahkoht, yohk twekofi ac tuhpan ke pacl sac nwe ingena.”
Christa el etuh lah el enenuh in sang pac sie ohiyacn yok sahyac: “Fihtac inge ahkos masap ke moul luhn sahk kuh ma orahkrahk uh. Kom fin yukiyac fihtac uh ke lututacng ac motko in mongo tomacto ke kapihn wik sacn, kom ac fah inse koluklac. Kom enenuh in mongfihsracsr ac tuhpan ke oruh luhn kasrpacn acn uh in orwaclah nuh ye motom.”
Ma nuh kwewa fal wo nwe ke Christa el eis sie pac tohrkahskahs sahyac.
“Nga inse koluklac na pwacye ke fihtac lom ngacn,” mwet moli sac muhtwacwacack fahk. “Nga yukiyac oacna ke nuk sac fahk ah. Nga twekofi, oruh in oasr faht srweyac, ac tuhpan nwe ke sahflahiyac ah foklac nuh ke kosracni la.”
“Kahlwem lah kom oruh ma nuh kwewa wo,” Christa el fahk.
“Ma nuh kwewa arulacna wo,” mwet moli sac tohpohklah. “Tuhsruhk ma nga eis kac ah pa zucchini!”
“Pwepuh nuhtihk uh ahkkahlwemye fahk lah pa ngacn fihtac ma kom ohtohiyac,” Christa el fahk.
“Tuh nga sruhnga zucchini; nga luhngse pumpkins!”
“Nga tiacna kahlwem kac.”
“Nga yukiyac fihtac ah ke acn luhn pumpkin luhk ah—ke fohk se pacna ma pumpkin ah yok kac ke yac tari ah. Nga kaksyakihn sahk ngwe lwen nuh kwewa, fahk nuh seltahl lah fuhkah kahtoiyacn pumpkin eltahl ac muh orwaclah uh. Tuhsruhktuh sahyacn pumpkin yohk, raun, rangrang, nga eis zucchini loeloes, ac folfol sra. Puhkantwen na pwacye!”
Christa etwacack ke pacl sac lah ohiyacn yok ah kuh in tiac fal ac lah enenweyuck in fahk ip yohk se: “Fihtac ma kom yukwi uh ac pacl luhn yok an fahk ke ma in kosracni.”
Masap luhn Kosracni
Mwet Sap Paul el luti ke kosracni luhn God:
“Kowos in tia sifacna kiapwekowosla, tu God El tia ku in kiapweyukla. Kutena ma sie mwet el taknelik, el fah oayapa kosrani.
“El fin taknelik ke ma lungse lun ikwa, el fah kosrani ke ma ac fah kulawi. El fin taknelik ke ma lun Ngun, el fah kosrani ke moul ma pahtpat.
“Ke ma inge, lela kut in tia totola in oru ma wo: ke pacl fal kut fah eis kosrani lasr, kut fin tia fuhleak” (Galatians 6:7–9).
Ke pacl inge, Leum El acse nuh sesr suhmaht sahyac ac etuh nuh ke masap tiac kuh in ayaollac se inge:
God El ahkkahlwemye lah oasr masap se ma tiac kuh in pihlesreyuck ma suleyucklac fal met liki pwelucng luhn facluh se inge suc ma mwe insewowo nuh kwewa oreklac nuh kac—
Ke kuht eis kuhtwena mwe insewowo sin God, ma ke ahkosyacn masap ma oreklac nuh kac (liye D&C 130:20–21).
Ma kuht yukwi, kuht kosracni.
Kosracni luhn God pa wolacna tiac kuh in motkweyuck se. Nuh selos suc suhnak nuh Sel, mwe insewowo yohk Lal tuhkuh ke “sie lupa na suwohs, ma toanyuki, usrukyuki ac sifil tohktokak nwe ke kahkla. …Srihkasrak se ma kowos orekmakin nu sin mwet saya pa srikasrak se God El ac fah orekmakin nu suwos” (Luke 6:38).
Oacna ke fihtac fin facluh enenweyuck kuh ac mongfihsracsr, oacpacna nuh ke puhsiyacn mwe insewowo inkuhsrao uh. Kuht tiac kuh in loangweack alu lasr uh an ac motko in kosracni mwe insewowo ke ip luhn nguhn. Tuhsruhk kuht fin yok ac tuhfa akwuck fal luhn wosasuc ke moul luhn sucu lasr pengana lwen, oasr finsrak yohk se ma tuhlihk nahtuhsr uh fah kapwack in orwaclah fahko ke ip luhn nguhn ke ohiyac wo nuh selos ac nuh ke we fahsruh uh.
Top luhn God nuh ke pruhe lasr uh tiac sa tuhkuh pacl nuh kwewa—kuhtuh pacl uh ac luhman tiac sikyak na pwacye—tuhsruhk God El etuh ma wo emet nuh sin tuhlihk Nahtuhl uh. Ma na pwacye lah, sie lwen kuht ac fah liye wo liki; ac ke lwen sacn kuht fah akihlen ma wo ac etatwen luhn inkuhsrao.
Nuh ingena, finsrak ac engan yohk lasr uh pa in fahsr ke falkacn niyacn Mwet Luti ac Mwet Lahngo lasr ac in moul wo ac ahkwoye moul uh in muh olwelah ac kosracni sacohk ke mwe insewowo yohklac molo luhn God kuh in ma lasr.
Ma kuht yukiyac, kuht kosracni.
Pa ingacn masap luhn inkuhsrao uh.
Pa ingacn masap ke kosracni luhn God uh.
© 2014 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/14. Ahkkweyeyucklac ke lweng: 6/14. Lwenglah luhn First Presidency Message, August 2014. Kosraean. 10868 868
Luti ke Pweng Se Inge
Sramsramkihn nuh sin mwet kom muhtwacta yohroh an ohiyacn masap ke kosracni luhn God orekmakihnyuck ke kuhpahsr uh, eklac ac fahkwack luhlahlfongi, kuh finsrak ke orekma ac lutlut uh. Kom kuh in riti ac nuhnkuh ma suhmuhslah kuhpahsr nuh ke masap se inge, ma oacna Soakas 11:18; 2 Corinth 9:6; ac Alma 32. Ahkkweyaclos in sifil liye finsrak met ah ac orwaclah finsrak sasuc in eis ma sikyak suwohswohs kac. Kahsrwelos ahkyohkye sie plwacn in oruh na kac in sun srihpac nuh ke pacl loeloes lalos an.