2014
Misin Muhtahl luhn Jisus Kraist: Messiah
August 2014

Pweng ke Forfor Luti, Ohkohs 2014

Misin Muhtahl luhn Jisus Kraist: Messiah

Pruhe in lutlutkihn kuhfa inge ac suk in etuh ma in akacsruhi kac. Etuh moul ac misin luhn Mwet Lahngo ac ahkyohkye fuhkah kuh in luhlahlfongi lom Kacl ac ahkinsewowoye mwet kom liyacacng ke forfor luti uh? Nuh ke kuhtuh pac ma in etuh, som nuh ke reliefsociety.lds.org.

Luhlahlfongi, Sucu, Kahsruh

Ma suhmuhslah uh luti lah kuht kuh in ilyak nuh ye muhtuhn God ke ma wo, ac luhng kuhlwacng, ac tarilac luhn Messiah Muhtahl (2 Nephi 2:8). Messiah “kahs Aramaic ac Hibru se ma kalmac pa ‘akmuhsralah.’ … Ke Wuhlweacng Sasuc Jisus El pahngpahng Kraist, suc ma kalmac nuh Greek pa Messiah. Kalmac pa Mwet Pahluh, Mwet Tol, Tohkohsrah, ac Mwet Molwelah akmuhsralah.”1

Elder Jeffrey R. Holland ke U luhn Mwet Sap Singucul Luo el fahkwack: “Nga etuh [Jisus Kraist] pa Mwet Muhtahl se luhn Israel, Messiah se suc ma sie lwen fah sifil tuhkuh ke wolacna sahflah, in kol facluh oacna Leum luhn leum ac Tohkohsrah luhn tohkohsrah uh. Nga etuh lah wacngihn ine sahyac utuckuh ye kuhsrao ma mukul [kuh muhtwacn] kuh in moullac kac.”2

“[Jisus Kraist] pa Mwet Lahngo ac Mwet in Molwelah luhn facluh,” President Dieter F. Uchtdorf, Mwet in Kahsruh Ahkluo ke Prestuhnsi Se Met el fahk. “El pa Messiah uliyuckme sac. El moulkihn moul wowo ac iwe ke ma koluk lasr uh. El ac fah wi kuht pacl nuh kwewa. El ac fah acnwuck ke mweun lasr. El pa finsrak lasr uh; El pa molwelah lasr uh; El pa inkacnek uh.”3

Ma Suhmuhslah Ituckyang Sahyac

John 1:38–41; 4:25–26, 40–42; 2 Nephi 6:13; 25:16–17

Ke Ma Suhmuhslah uh

Mwet tuhma lutlut muhtwacn luhn Kraist lohohkihn tari kunohkohn Lal in oacna Messiah. Mary Magdalene pa tuh sie mwet tuhma lutlut luhn Jisus Kraist. El pa emet in liye “eot se itucklac liki kuclyuck sac” ke lotutacng se ke Sifil Moulyak luhn Kraist. El “tu na tung likin kulyuk ah” tukun el liye lah Mahnol wacngihnlac lun kuclyuck sac.

Na “el tapulla ac liyalak Jisus El tu insac, tusruktu el tiana akilen lah Jisus.

“Jisus El fahk nu sel, Mutan, efuh kom ku tung? Su kom suk an? Mary el nunku mu el mwet ima se, ouinge el fahk nu sel, “Fin kom pa usalla, fahk nu sik acn kom fililya we, ac nga fah som eisal.”

“Jisus El fahk nu sel, “Mary!” Mary el forang nu sel ac fahk ke kahs Hebrew, ‘Rabboni!’ kalmac pa Mwet Luti.” Mary el akihlwacnwack lah El tiac pa mwet imac se tuhsruhk Jisus Kraist, Messiah sac. (Liye John 20:1–17.)

© 2014 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/14. Ahkkweyeyucklac ke lweng: 6/14. Lwenglah luhn Visiting Teaching Message, August 2014. Kosraean. 10868 868

Mwe kahsruh

  1. Mwe Kolyuck nuh ke Ma Suhmuhslah, “Messiah”; scriptures.lds.org.

  2. Jeffrey R. Holland, “The Only True God and Jesus Christ Whom He Hath Sent,” Liahona, Nohfuhmpuh 2007, 42.

  3. Dieter F. Uchtdorf, “The Way of the Disciple,” Liahona, Mei 2009, 78.

Nuhnkuh Ma Se Inge

Efuh kuh yohk srihpac in etuh ke kunohkohn luhn Mwet Lahngo in oacna Messiah?