Pweng sin Prestuhnsi Se Met, Septempuh 2014
Yac Kuht Ahkolah?
Fototo nuh ke acn se nga muhta ac kuhlwacnsap we met ah, Alu uh oruh sie orekma ke won, ac mwet orekma uh tuhkuh yohk sin mwet siyuckyuck orekma luhn ward uh. Inkaiyacn pacl an orekma sacn ahkfalyeyucklac ke ohiyac wo, in sang nuh ke lohm sin pisap puhslac liki na ahtro tausin ac paun foko ke ikwac luhn won. Kuhtuh pacl uh, tuhsruhktuh, in sang pacl sukohsohk in mwet imac tiac pa in pulohl paho muhkwena tuhsruhk puhla upac ke insiyac ac nuhnak.
Sie srihkasrak, nga fah esam pacl nuh kwewa ke kuht oracni mukul fuhsr ke Aaronic Pristut in sang orekma in ahknwacsnwacsye acn. U engan ac kuh se lasr an fahsrweni ke acn sacn ac ke ohiyac muhi eslah, oracni, ac isisyak mah ac kutkut yohk. Sisken acn kahlwem ke e luhlahp sacn, kuht kanglah hot dog uh ac ahkfuhlwactye kuht sifacna ke orekma arulacna fal.
Tuhsruhktuh, oasr na sie elyah luhlahp. Ma wohwohn ac e ah luhsack u in won 5,000 ma sang ahtro ma inkaiyaclos wacngihnlac unen won kaclos ac tui tilac orek ahtro. Tohkoh kuht lwelah kuhtuh mah uh kuht in muh kuh in eis ahtro pucspucs.
Wacngihn mempucr ke Alu uh suc kahsruh nuh sin mwet enenuh tiac muhlkuhnlah kuh auli ke mukwikwi se ingacn. Orekma, karihngihn, kuh in sifacna, ac akacsruhi yurin mwet sahyac uh tiac ma sasuc nuh sesr.
Kuht enenuh in esam lah nien fihlma ma wo emet pa fin sucu nuh kwewa ke Alu uh in oasr mongo, nuknuk, ac, ke kuh, mwe enenuh sahyac ke moul uh. Ma ke nien fihlma luhn Leum pa pacl, talan, fwacfa, pahkomuhta, ma ahkmuhtahlyeyuck, ac mwe enenuh ke mani luhn mempucr luhlahlfongi luhn Alu uh. Mwe kahsruh inge oasr in lwelah pisap in kahsruh mwet enenuh an.
Kuht kwacfe Mwet Luhlahlfongi ke Lwen-sahflah nuh kwewa in lahlmwetmwet nuh ke plwacn lalos, in karihngihn moul lalos, ac tiac eis yohklac soemoul. Mwet puhs likina met kuh in som liki ma upac ke ma luhn facluh ke moul lalos elos fin oracni mongo ac nuknuk yohk ac wacngihn misac. Mihsenge kuht konwacack lah mwet pucspucs tiac oruh ma inge: oasr oruh luhn soemoul acac wacngihn mongo nwaclos.
Nga kalweni ma Prestuhnsi Se Met fahkwack ke kuhtuh yac tari ah:
“Mwet Luhlahlfongi ke Lwen-sahflah lutiyuck ke yac pucspucs in ahkolah nuh ke pacl upac ke elos sefiyac kuhtuh mani. In oruh ma se inge sang karihngihnyuck ac mukwikwi wo. Sucu nuh kwewa oasr kunohkohn la in sang mwe enenuh sifacna nuh ke ma fal nuh selos.
“Kuht kwacfe kowos ke kuhtwena acn kowos muhta kac fin facluh in ahkolah nuh ke pacl upac in liye ke ip mani lowos an. Kuht kwacfe kowos in liyacacng ma kowos moli; luti kowos sifacna ke pacl in moli in kahingkihn soemoul an. Moulwelah soemoul in sa kom fin kuh, ac ahksukohsohkye kowos sifacna liki kapihr inge. Kais kuhtuh oracni mani an nuh ke pacl enenuh.”1
Yac kuht ahkolah nuh ke pacl elyah ke moul lasr uh? Yac talan lasr uh ahksuwohsyeyucklac? Yac kuht moul ke ohiyac karihngihnyuck? Yac oasr ma yolyak sefiyuck nuh ke pacl enenuh? Yac kuht ahkostwen nuh ke masap luhn God? Yac kuht porongo nuh ke mwe luti luhn mwet pahluh uh? Yac kuht ahkolah in sang ma nuh sin mwet suhkahsruhp, ac enenuh? Yac kuht suwohs ke mani yurin Leum?
Kuht moul ke pacl elyah. Inkaiyacn pacl kuht nihkihn ma ac fah sikyak; pwacnwacng, kuht enenuh in ahkolah ke pacl nihkihnyuck an. Ke pacl in sulwaclah tuhkuh, pacl in ahkolah somlah tari.
© 2014 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/14. Ahkkweyeyucklac ke lweng: 6/14. Lwenglah luhn First Presidency Message, September 2014. Kosraean. 10869 868
Luti ke Pweng Se Inge
Motko ke mwe enenuh luhn mwet suc kom liye, nuhnkuh ke ohiyac ma kom kuh in kahsrwelos in sifacnalac ke orekma, mani, mongo yolyak, kuh ahkolah nuh ke pacl elyah. Nuhnkuh ke talan ma kom kuh in akacsruhi yohrohlos, oacna oraclah imac kuh karihngihn mani, ma kuh in sang kuh nuh selos in ukwe mwe luti lal Prestuhn Monson.