Pweng ke Forfor Luti, Septempuh 2014
Misin Muhtahl luhn Jisus Kraist: Nguhn Muhtahl
Pruhe in lutlutkihn kuhfa inge ac suk in etuh ma in akacsruhi kac. Etuh moul uh ac misin luhn Mwet Lahngo ac ahkyohkye fuhkah kuh in luhlahlfongi lom Kacl ac ahkinsewowoye mwet kom liyacacng ke forfor luti uh? Nuh ke kuhtuh pac ma in etuh, som nuh ke reliefsociety.lds.org.
Luhlahlfongi, Sucu, Kahsruh
Jisus Kraist El olwelah, “Nga fah tia filikowosi mwet mukaimtal. Nga fah foloko nu yuruwos” (John 14:18). El ac use nuh sesr “In engan ac insewowo, ac tia asor” (Isaiah 61:3). Ke srihpen Kraist El kweok ke Iwaclah nuh sin kais sie sesr, El ac tiac muhlkihnkuhtlac. “Mwet Lahngo lasr El eis nuh facl Sifacna … ngal lasr ac kweok lasr ac ma upac El in muh kuh in etuh ma kuht puhla an ac fuhkah in ahkkweye kuht,” Linda S. Reeves el fahk, mwet in kahsruh ahkluo ke prestuhnsi luhlahp luhn Rilif Sosaiti.1
Etuh lah Kraist El fah ahkkweye kuht kuh in use mihslac ac kahsruh kuht in ukwe srihkasrak Lal ke kuht karihngihn mwet sahyac. Prestuhn Thomas S. Monson el fahk: “Etuh lasr ke wosasuc ac luhngse lasr nuh sin Pahpah tuhmasr Inkuhsrao ac Mwet Lahngo lasr kuh in ahkmihsye ac ahkkweye kuht ac us engan nuh ke insiyacsr ke kuht fahsr suwohs ac karihngihn masap an. Wacngihn ma ke facluh se inge kuh in kuhtang kuhtlac.”2
Ke Ma Suhmuhslah uh
John 14:18, 23; Alma 7:11–13; Doctrine and Covenants 101:14–16
Ke Sramsram Mahtuh Lasr
Elaine L. Jack, prestuhn luhlahp ahk 12 ke Rilif Sosaiti, el fahk: “Ke forfor luti kuht saplak in kahsruh sie sin sie. Paho uh kwacna sramsram ke ohiyac puhsra uh tiac kuh. Apihs fucsrfucsr se ahkkahlwemye luhpah uh. Isracsr se oracni sie sin sie. Kihtin pacl ke akacsruhi ahksasucye nguhnasr. Kuht tiac kuh in pacl nuh kwewa eslah ma toasr sin mwet se, tuhsruhktuh kuht kuh in kahsrwel in muhtweng in wona.”3
Mwet payonir muhtwacn lasr ke Rilif Sosaiti “konwacack kuh luhn nguhn ke luhngse ac pahkomuhta sin sie sin sie. … Ke elos kweok ke ma upac luhn mas ac misac, elos pruhe ke luhlahlfongi sie sin sie ac ahkkweye sie sin sie. ‘Luhngse luhn God som ke insiyac se nuh ke sie,’ Helen Mar Whitney el suhmuhslah, ‘nuh ke mwet koluk se luhman wacngihn kuh ke kena lal in som inmahsrlosr ac Leum, ac mwe sruhf lal, ke kuhtuh pacl, tiac puhla yohk.’”4
© 2014 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/14. Ahkkweyeyucklac ke lweng: 6/14. Lwenglah luhn Visiting Teaching Message, September 2014. Kosraean. 10869 868
Motko Ke Ma Inge
In kahlwem lah Leum El esam kom kahsruh in ahkkweye kom fuhkah?